1 Korintus 10:11 - Porjanjian Boharu Torjomahan Baso Dilakng Soari-ari

¹¹ Boko kojadian nantai monjadi contoh pakai' kito. Boko kojadian nantai ditulis pakai' moingant'an kito inyo hidup di ari-ari toahir.

1 Korintus 10:11 ပူးပေါင်းရင်းမြစ်များ

Matius 13:39

Musuh inyo moabur bonih solalakng nantai monggambaran Rajo Sitatn. Watu bohanyi nantai monggambaran ahir joman. Ongko boko urakng bohanyi nantai monggambaran boko molekat.

Matius 13:40

Boko urakng inyo bohanyi nantai paca'an mongumpulan boko solalakng lalu moncuculnyo ko dalapm api. Sama'an nantai jam paca'an tojadi watu ahir joman.

Roma 13:11

Kaitn gola' molabuhan somuo nantai obai kaitn mongotohu'i joman ni'in ninam boko ari toahir. Ari pakai' kito disolamant'an udah mongkitn dampikam. Jadi, kaitn gola' siap huatan bulah koboi'an samo sama'an urakng inyo huas tidu'.

Roma 13:12

Malapm udah hampir laluam ongko sobontar agi' matoari tajahan moncara'. Jadi, kito gola' botongga' bulah kojahatan ongko kito gola' bulah koboi'an pakai' molawatn kuaso golap. Samo sama'an kito molongkapi diri kito agatn sonjato inyo dipakai pakai' boparakng bagi torakng.

Roma 15:4

La'apo pan inyo ditulis komai dalapm Buku Suci, ditulis pakai' moajari kito. Boko ajaran nantai monguat'an hati kito ongko bulah kito botahatn mohadapi ajab sonsaro. Agatn ubo nantai, kito diajari oca' kito boharap ko Allah.

Roma 4:23

Pomandiran “ulih monjadi bondar di hadapan Allah” ni'in udah totulis dalapm Buku Suci. Apo, pomandiran nantai kinyo ditulis aja' pakai' Abrahapm.

1 Korintus 10:6

Boko kojadian nantai monjadi poumpamoan pakai' kito. Boko kojadian nantai moingant'an kito oca' kito jangan honda' bulah boko hal inyo jahat sama'an sia' urakng Israel joman komai.

1 Korintus 7:29

Boko somadikan, masudku ubo ni'in: Co manah agi' watu ni'in paca'an boahir. Obai nantai, mula'i doi' ni'in sotiap urakng inyo bobini gola' bolaku ubo urakng kinyo bobini.

1 Korintus 9:10

Sio bomasud obai urakng inyo monobas lakau damo urakng inyo moiri' gandupm udah sopantasnyo bokorojo agatn harapan pakai' monorima' sobagi'an doi' hasil pokoroja'annyo.

Galatia 4:24

Koduo poindaian nantai molambakan duo porjanjian Allah. Hagar molambakan Hukupm Torat inyo Allah onju' ko Banso Yahudi di Gunung Sinai di nogori Arab. Hagar boana'an poana'an inyo monjadi hulutn. Jadi, Hagar pan molambakan Yerusalem watu ni'in di dunia, obai sia' samo sama'an hulutn inyo hidup toposo monaati Hukupm Torat.

Filipi 4:5

Honda'nyo somuo urakng ulih moniant sikap kaitn inyo boi' hati. Ingant! Tuhatn Yesus kinyo manah agi' datakng am.

Ibrani 10:25

Jangannam kito botongga' bokumpul sombayakng, sama'an inyo udah biaso dilabuhan boko urakng. Apo, mara kito hala monguat'an hati inyo bukainyo, lobih-lobih agi' obai kito udah tohu kinyo manah agi' Tuhatn tajahan bobali' datakng.

Ibrani 10:37

Ingantcam pomandiran inyo ditulis ni'in di Buku Suci: “Sio inyo tajahan datakng kinyo paca'an monunda'-nunda'. Kinyo manah agi', Sio datakng.

1 Yohanes 2:18

Poana'anku! Joman ni'in am ari-ari toahir. Kaitn udah mondinga' obai Si Musuh Kristus paca'an datakng. Ongko watu ni'in banya' musuh Kristus udah ado. Ni'inam tandonyo, joman ninam ari-ari toahir.