1 Korintus 10:1 - Porjanjian Boharu Torjomahan Baso Dilakng Soari-ari

¹ Boko somadikan, aku honda' moingant'an kaitn mongona'i angki-bayatn kito urakng Israel. Joman komai, Musa momimpitn sia' koluar doi' hulutn-pacal di tanah Mesir. Allah moirikan somuo sia' agatn tihakng awatn. Ongko, Allah moirikan somuo sia' monyomboraki Lout Mirah.

1 Korintus 10:1 ပူးပေါင်းရင်းမြစ်များ

Yohanes 4:20

Angki-bayatn koi urakng Samaria monyombah Allah di bukit ninam. Apo kaitn urakng Yahudi bopandir obai somuo urakng gola' monyombah Allah di Yerusalem. Mono inyo bondar?”

Roma 1:13

Boko somadikan, aku honda' oca' kaitn tohu obai aku udah opat bohajat pakai' mondataki kaitn, apo sampai watu ni'in hala ado halakan. Aku honda' datakng oca' nononyo polayatanku di antaro kaitn ulih bohasil samo sama'an inyo tojadi di antaro boko urakng inyo bukai Yahudi di boko tompat inyo bukai jam.

Roma 11:21

Obai, sia' nam boko dahatn aslinyo, apo Allah totap momatahan sia'. Jangan bopikir Allah kinyo paca'an molabuhan nantai ko kaitn.

Roma 4:11

Sunant nantai ia'an tando inyo mombutian obai io udah monjadi bondar obai io pocayo. Io monjadi bondar di hadapan Allah sobolupm io disunant. Sama'an nian jam, Abrahapm ulih dianggap monjadi angki-bayatn somuo urakng bukai Yahudi inyo pocayo, biar pan sia' kinyo bosunant. Samo sama'an Abrahapm, sia' monjadi bondar obai sia' pocayo.

1 Korintus 12:1

Ni'inan, boko somadikan, aku honda' monulis mongona'i boko komampuan husus inyo dionji'i Roh Allah. Aku honda' oca' kaitn bondar-bondar mongoroti mongona'i boko hal ni'in.

1 Korintus 14:38

Aman ado urakng inyo kinyo honda' borotian pomandiranku, jangan kaitn borotian urakng nantai.

Galatia 3:29

Obai kaitn nantai umputn Kristus, ongko kaitn monjadi sama'an koturutan Abrahapm. Kaitn monjadi waris inyo paca'an monorima' borokat doi' Allah inyo Allah janjian ko Abrahapm.

Ibrani 11:29

Obai urakng Israel pocayo, jadi sia' ulih monyomboraki Lout Mirah, sama'an sia' bojalatn di tanah darat. Apo, watu urakng Mesir moncubo monyomborakng jam, sia' tonggolapm.