1 Korintus 1:8 - Porjanjian Boharu Torjomahan Baso Dilakng Soari-ari

⁸ Sio jam paca'an monguat'an hati kaitn sampai pado ahir joman. Sio paca'an molabuhan nantai oca' kaitn kinyo dianggap salah timpu Yesus Kristus, Tuhatn inyo bokuaso atas kito datakng bobali'.

1 Korintus 1:8 ပူးပေါင်းရင်းမြစ်များ

Lukas 17:30

Koadaan dunia paca'an ubo nantai jam timpu Ana' Monsio datakng ko dunia ni'in agi'.

Roma 14:4

Urakng nantai ia'an polayatn umputn Tuhatn, bukainyo umputn kolai. Jadi, kolai conyiant ado hak pakai' mohakipi io. Aman io jatu' damo bodiritn, nantai urusan Tuhatn inyo bokuaso doi' io. Apo pasti io tajahan totap bodiritn togap obai Tuhatn bokuaso mombulah io bodiritn togap.

Roma 16:25

Topujicam Allah! Io inyo bokuaso bulah kaitn kuat pocayo sosuai agatn Kabar Boi' mongona'i Yesus Kristus inyo ku boritoan. Kabar Boi' nantai momadahan mongona'i hajat Allah pakai' somuo banso. Somanah boabad-abad, conyiant monsio inyo mongotohu'i hajat Allah nantai.

Roma 8:19

Sobondarnyo, la'apo pan inyo Allah pulah kotakan rindu watu Allah monunju'an boko poana'an-Nyo.

1 Korintus 3:13

Pokoroja'an somuo urakng nantai paca'an diuji agatn api pado ari ponghakipan. Pado watu nantai paca'an dikotohu'i agatn jolas apobai hasil pokoroja'an sotiap urakng nantai boi' damo cado.

1 Korintus 5:5

Urakng nantai gola' disorahan ko Rajo Sitatn oca' bukakngnyo bonaso. Agatn ubo nian, watu Tuhatn bobali', jiwa urakng nantai paca'an disolamant'an.

2 Korintus 1:13

Obai, koi bayo monulis boko hal inyo dapat kaitn baco ongko ngoroti. Kaitn udah dapat ngoroti sobagi'an. Apo, ubo nantai jam, aku boharap kaitn paca'an mongoroti somuonyo. Agatn ubo nantai, aku boharap watu Tuhatn Yesus datakng, kaitn paca'an bangga ko koi samo sama'an koi paca'an bangga ko kaitn.

2 Korintus 1:21

Allah inyo bulah koi ongko kaitn kuat bosatu agatn Kristus. Sio jam inyo momilih kito.

Efesus 5:27

Agatn sama'an nantai, Kristus mombulah oca' sia' ulih bodiritn di hadapan-Nyo sobagai jomaat inyo mulia, kinyo bodosa, kinyo ado kosalahan la'apo pan. Sia' bondar-bondar monjadi borosih huatan kinyo ulih disalahan.

Filipi 1:10

agatn caro nantai kaitn ulih momilih lapo inyo kotakng boi'. Agatn ubo nian, hidup kaitn tajahan borosih doi' dosa. Kaitn co tajahan disalahan watu ari Kristus datakng agi'.

Filipi 1:6

Allah udah mula'i pokoroja'an inyo boi' ko kaitn. Aku yakitn Sio tajahan torus mongorojoan nantai udah jadiam watu ari Kristus Yesus datakng agi'.

Kolose 1:22

Apo agatn komatian Kristus Allah udah bulah kaitn bokoboi'an agi' agatn Sio. Sio molabuhan nantai oca' nono, timpu kaitn mohadapi Sio pakai' dihakipi, kaitn co ulih disalahan. Sio paca'an moanggap kaitn borosih, co bodosa.

Kolose 2:7

Kohonda'nyo kaitn totap pocayo ko Sio huatan botumbuh dalapm Sio. Kohonda'nyo kaitn botambah kuat pocayo ko somuo ajaran inyo bondar inyo udah disampaian ko kaitn. Kohonda'nyo hati kaitn hala bosukur.

1 Tesalonika 3:13

Koi bodoa oca' ni'inan Tuhatn monguat'an hati kaitn. Jadi, pas Yesus, Tuhatn kito agatn boko urakng suci umputn Sio, nononyo datakng, Allah Bopai kito moanggap kaitn kinyo bosalah huatan suci.

2 Tesalonika 2:2

oca' kaitn co bingung huatan tokonyant aman kaitn mondinga' borito obai Tuhatn udah datakng. Mungkitn ado urakng inyo mongatoan borito nantai doi' Allah damo mungkitn borito nantai doi' pomandiran damo doi' surat. Apotolagi' mungkitn borito nantai doi' koi.

2 Tesalonika 3:3

Apo Tuhatn Yesus hala sotia. Sio paca'an monguat'an hati kaitn. Sio paca'an molinduki kaitn doi' Rajo Sitatn.

2 Timotius 1:12

Niannam obainyo aku moalapi somuo ajab sonsaro ni'in. Apo aku co malu obai aku udah tohu sopo Yesus sobondarnyo. Aku pocayo ko Sio. Aku udah monyorahan polayatan ni'in ko Sio. Aku yakitn Sio paca'an monjago oca' polayatanku kinyo balakng. Sio paca'an monjago polayatanku sampai ari Sio bobali' agi' ko dunia ni'in.

1 Petrus 5:10

Apo, pondorita'an nantai sotogalmo. Allah siku' paca'an bulah hidup kaitn monjadi sompurna. Sio pasti mohibur kaitn huatan bulah kaitn botahatn. Sio pasti monulukng kaitn oca' kaitn ulih pocayo agatn kuat. Sio inyo hala monunju'an koboi'an-Nyo. Sio bokuaso pakai' somanah-manahnyo, huatan Sio udah moningkau kaitn oca' mondapat bagian doi' kuaso-Nyo nantai obai kaitn pocayo ko Kristus.

2 Petrus 3:10

Tuhatn pasti datakng huatan kodatakan-Nyo nantai samo sama'an pongolit. Kinyo ado urakng inyo tohu arinyo. Pado ari nantai paca'an ado bunyi inyo hebat huatan co paca'an ado langit agi'. Somuo hal inyo ado di langit paca'an lobur tocucul. Bumi huatan somuo hal inyo ado di dalapmnyo paca'an hilakng lonyap jam.

2 Petrus 3:14

Obai nantai, boko somadikanku inyo ku kasihi, kapikng kaitn monanti pakai' somuo hal nantai tojadi, kaitn gola' bousaha oca' kaitn ado hubukan boi' agatn Allah. Kaitn gola' hidup agatn caro nantai oca' Sio moniant kaitn kinyo bodosa apo hidup suci di hadapan-Nyo.