1 Korintus 1:7 - Porjanjian Boharu Torjomahan Baso Dilakng Soari-ari

⁷ Jadi, kaitn co nyiant kokurakan la'apo pan dalapm komampuan husus inyo dionju' Roh Allah. Somontaro kaitn monantian kodatakan Yesus Kristus, Tuhatn kito. Somuo urakng paca'an moniant Sio.

1 Korintus 1:7 ပူးပေါင်းရင်းမြစ်များ

Filipi 3:20

Apo, kito ninam pondudu' di sorugo. Doi' su'utan jam kito monantian Ponyolamant kito, Tuhatn Yesus Kristus, datakng agi'.

2 Petrus 3:12

Kaitn gola' hidup sama'an nantai kapikng kaitn monanti arinyo Allah paca'an datakng. Agatn sama'an nian, kaitn mombulah ari nantai copat datakng. Pado ari nantai, langit paca'an lobur dicucul api. Somuo hal inyo ado di langit paca'an lobur obai hangantnyo api nantai.

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

Yudas 1:21

Tuhatn kito, Yesus Kristus, paca'an monunju'an kasih sayang ko kito, ia'an Sio paca'an moonji'i kito kohidupan somanah-manahnyo. Kapikng kaitn monantian nantai, kaitn gola' totap hidup dalapm kasih Allah.

1 Yohanes 3:2

Boko somadikanku inyo ku kasihi, watu ni'in kito nam poana'an Allah. Kito co tohu pasti ubo apo Allah morubah kito nononyo. Apo kito tohu ni'inan: timpu Kristus datakng agi', kito paca'an monjadi samo sama'an Sio obai kito moniant Sio dalapm koadaan-Nyo inyo sobondarnyo

1 Petrus 4:13

Apo, soharusnyo kaitn sonang obai kaitn mondorita' samo ubo Kristus jam. Agatn ubo nantai, kaitn tajahan sonang jam nononyo watu Sio datakng lalu monyatoan obai Sio bokuaso.

Titus 2:13

kapikng kito monantian ari kodatakan Allah inyo Maho Kuaso ongko Ponyolamant kito, Yesus Kristus, ia'an ari inyo kito harapan agatn rindakng-rigah,

Roma 8:19

Sobondarnyo, la'apo pan inyo Allah pulah kotakan rindu watu Allah monunju'an boko poana'an-Nyo.

Lukas 17:30

Koadaan dunia paca'an ubo nantai jam timpu Ana' Monsio datakng ko dunia ni'in agi'.

1 Petrus 5:4

Lalu, watu Kristus datakng, ia'an Gombala inyo moirikan somuo gombala, jadi kaitn paca'an mondapat'an mahkota inyo mulia. Mahkota nantai kinyo hilakng komulia'annyo.

1 Petrus 1:13

Obai somuo nantai, kaitn gola' bosiap-siap dalapm akal budi kaitn huatan hala mongondalian diri oca' monyonangan Tuhatn. Nononyo, Yesus Kristus tajahan datakng agi' monyatoan diri-Nyo. Timpu nantai, kaitn tajahan disolamant'an. Jadi, kaitn gola' bobondar boharap agatn koboi'an Allah nantai.

2 Timotius 4:8

Tuhatn udah monyiap'an hadiah inyo bondar ko aku. Sio nantai Hakipm inyo paca'an mohakipi somuo urakng agatn adil. Watu nantai, Sio paca'an moonji'i hadiah nantai pakai' aku huatan somuo urakng inyo rindu Sio datakng bobali' agi' ko dunia ni'in.

2 Tesalonika 1:7

Sio pan paca'an mongkongkanti'i kaitn inyo didorako'i. Ubo nian jam agatn koi. Hal nantai paca'an tojadi pado watu Yesus datakng agi' doi' sorugo. Allah paca'an monyatoan Yesus nantai Tuhatn di pucu' somuo hal. Yesus paca'an datakng bosamo boko molekat-Nyo inyo bokuaso. Api inyo bonyalo bosar paca'an mongoliliki Sio.

1 Tesalonika 1:10

Sia' pan mongisahan obai kaitn monanti watu Ana' Allah paca'an datakng agi' ko dunia ni'in doi' sorugo. Ia'an, Yesus inyo udah Allah hidupan agi' doi' komatian. Yesus nantaiam inyo monyolamant'an kito doi' hukupan Allah inyo paca'an datakng.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

Matius 25:1

“Watu Aku datakng agi', Koraja'an Sorugo samo sama'an kisah ni'in: Ado sopuluh urakng botina' daro inyo botula' ko pogai kawitn pakai' monyambut pongantitn lolaki. Sia' masikng-masikng mombaba' pompolitoannyo.

2 Korintus 12:13

Kata'an ado lou' inyo ku labuhan pakai' jomaat inyo bukai inyo kinyo ku labuhan pakai' kaitn? Conyiant jam, ongkah ado sobuti' hal ni'in: Ia'an aku co kalo monjadi bobatn pakai' kaitn. Aman kaitn moanggap hal nantai kinyo adil, amputi ku cam!

Roma 8:23

Huatan bukainyo aja' somuo pulahan-Nyo jam inyo mondorita', kito siku' pan mondorita' di dalapm batitn kito. Kito udah monorima' Roh Allah sobagai poonju' Allah inyo potamo, apo kito totap jam monanti Allah molopasan diri kito somuonyo agatn monjadian kito boko poana'an-Nyo

Galatia 5:5

Apo kito pocayo ko Yesus huatan Roh Allah monulukng kito. Aman ubo nian, kito monantian agatn yakitn huatan moharap watunyo Allah moanggap kito bondar.