1 Korintus 1:24 - Porjanjian Boharu Torjomahan Baso Dilakng Soari-ari

²⁴ Apo pakai' boko urakng Yahudi huatan inyo kinyo urakng Yahudi inyo udah Allah pilih, Kristus monunju'an kuaso Allah huatan kopintar-corodi'an Allah.

1 Korintus 1:24 ပူးပေါင်းရင်းမြစ်များ

1 Korintus 1:30

Jadi, kaitn ado hubukan dokat agatn Kristus Yesus obai porbuatan Allah, bukainyo obai porbuatan kaitn. Yesus monjadi kopintar-corodi'an Allah bagi kito. Molalu'i Yesus, kito monjadi bondar di hadapan Allah. Kito pan monjadi umant husus pakai' umputn Sio. Sio monanggukng hukupan dosa kito pakai' monobus kito.

Kolose 2:3

Bayo Sio mo inyo ulih moonji'i kopintar-corodi'an huatan pongotohuan inyo borogo nantai.

1 Korintus 1:18

Ado boko urakng inyo paca'an bonaso. Sia' bopikir obai borito mongona'i Kristus mati di kayu salib nantai sosuatu inyo co nyiant rotinyo. Apo pakai' kito inyo disolamant'an, kabar mongona'i Kristus mati di kayu salib monunju'an kuaso Allah.

1 Korintus 1:9

Allah hala sotia momonuhi janji-Nyo. Sio inyo udah moningkau kaitn pakai' bosokutu agatn Ana'-Nyo, ia'an Yesus Kristus, Tuhatn inyo bokuaso atas kito.

Roma 1:16

Aku co malu momboritoan Kabar Boi' nantai obai Kabar Boi' ia'an kuaso Allah pakai' monyolamant'an somuo urakng inyo pocayo, potamo-tamo urakng Yahudi, apo jam urakng bukainyo Yahudi.

Roma 9:24

ia'an kito inyo udah ditingkau Allah pakai' monjadi umat-Nyo, bukainyo bayo urakng doi' banso Yahudi, apo urakng doi' boko banso inyo bukai jam.

Lukas 7:35

Apo hikmat Allah dibondaran ulih somuo urakng inyo monorima'nyo.”

Lukas 11:49

Nantaiam obainyo, Allah inyo kotakan pintar-corodi' bopandir obai Sio tajahan mongiripm boko nabi huatan boko rasul ko kaitn urakng Israel, apo kaitn tajahan mombunuh sobagi'annyo huatan kaitn paca'an mondorako'i sobagi'annyo agi'.