1 Korintus 1:21 - Porjanjian Boharu Torjomahan Baso Dilakng Soari-ari

²¹ Allah bulah koputusan ni'in sosuai agatn kopintar-corodi'an-Nyo. Ia'an, Sio mombulah oca' monsio kinyo ulih mongonal Sio molalu'i kopintar-corodi'an monsio. Jadi, agatn sonang hati Allah monyolamant'an urakng inyo pocayo agatn momakai caro inyo dianggap budu, ia'an pomboritoan kabar boi'.

1 Korintus 1:21 ပူးပေါင်းရင်းမြစ်များ

Lukas 10:21

Timpu nantai jam, Roh Allah bulah Yesus rindakng. Kato Yesus, “Bopai, Duatn Ponguaso langit ongko bumi. Ado urakng inyo pintar-corodi' ongko bopondidikan. Apo Aku bosukur obai Duatn kinyo monyatoan kobondaran ni'in ko sia'. Duatn monyatoan kobondaran ni'in ko urakng inyo kinyo pontikng ubo bobia' kocit. Oi, Bopai, caro nantai monyonangan hati Duatn!”

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Efesus 3:10

Apo, Allah moatur somuonyo sama'an nantai oca' watu ni'in somuo kuaso di langit ulih moniant obai Sio hala bohikmat dalapm somuo hal. Allah monunju'an nantai ko sia' molalu'i la'apo inyo Sio pulah pakai' somuo urakng inyo pocayo, urakng Yahudi ongko urakng bukainyo urakng Yahudi.

1 Korintus 1:24

Apo pakai' boko urakng Yahudi huatan inyo kinyo urakng Yahudi inyo udah Allah pilih, Kristus monunju'an kuaso Allah huatan kopintar-corodi'an Allah.

Roma 1:28

Obai sia' co mooso pontikng mongonal Allah, jadi Allah mombiaran pikiran sia' monjadi rusa'. Jadi, sia' molabuhan boko hal inyo soharusnyo kinyo pantas sia' labuhan.

Roma 11:33

O, kotakan luar biaso borokat doi' Allah! Kobijaksana'an-Nyo kotakan dalapm! Sio mongotohu'i la'apo pan! Conyiant ado monsio inyo ulih monyolidiki boko koputusan-Nyo! Conyiant ado monsio inyo ulih mongoroti boko roncana-Nyo!

Lukas 12:32

“Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

Yohanes 12:31

Watu ni'in udah gonapam watunyo dunia ni'in dihakipi. Watu ni'in jam, io inyo monguaso'i dunia ni'in, ia'an Rajo Sitatn, paca'an dikalahan.

1 Korintus 1:18

Ado boko urakng inyo paca'an bonaso. Sia' bopikir obai borito mongona'i Kristus mati di kayu salib nantai sosuatu inyo co nyiant rotinyo. Apo pakai' kito inyo disolamant'an, kabar mongona'i Kristus mati di kayu salib monunju'an kuaso Allah.

1 Korintus 1:23

Apo koi momboritoan obai Kristus, Rajo Inyo Dijanjian Allah mati di kayu salib. Hal nantai bulah boko urakng Yahudi tosinggukng, huatan boko urakng inyo kinyo Yahudi moanggap hal nantai kinyo ado rotinyo.

1 Korintus 1:25

Obai, hajat Allah inyo kotiat'annyo kinyo ado rotinyo, sobondarnyo lobih pintar-corodi' doi' kopintar-corodi'an monsio. Porbuatan Allah inyo kotiat'annyo lomah, sobondarnyo lobih kuat doi' kokuatan monsio.

1 Korintus 1:27

Apo Allah totap momilih inyo dianggap budu monurut monsio. Sio molabuhan nantai pakai' bulah boko urakng pandai monjadi malu. Sio momilih inyo dianggap lomah pakai' bulah boko urakng bopongaruh monjadi malu.

1 Korintus 2:14

Apo boko urakng inyo bayo bopikir socaro dunia, sia' co honda' pocayo boko hal doi' Roh Allah. Sia' moanggap boko hal nantai kinyo boroti. Sia' co ulih mongoroti boko hal nantai obai boko hal nantai bayo ulih diporiso'i socaro rohani.

1 Korintus 4:10

Sama'annyo koi budu obai koi molayati Kristus. Apo kaitn bokopintar-corodi'an obai kaitn pocayo ko Kristus. Koi lomah. Apo, kaitn kuat. Koi kinyo cucu' dihormati. Apo kaitn tohormat.

1 Korintus 6:2

Kaitn gola' tohu obai boko urakng pocayo paca'an mohakipi dunia ni'in! Jadi kaitn tomansu' boko urakng inyo paca'an mohakipi dunia ni'in. Ongko, kaitn pan gola' mampu mohakipi boko pokaro kocit.

1 Korintus 11:32

Apo aman Tuhatn mohukupm kito inyo pocayo ko Sio, boroti Sio mondidik kito oca' kito nononyo kinyo paca'an dihukupm bosamo agatn urakng bukai di dunia ni'in inyo co pocayo.

Galatia 1:15

Apo, Allah ado hajat husus pakai' aku. Sio momilih aku watu aku ija' dalapm porut indaiku. Sio momilih aku pakai' monjadi rasul Yesus, Ana'-Nyo. Sio molabuhan nantai bukai obai aku bujur bondar, apo obai Sio kotakng boi' ko aku. Jadi, Allah sonang

Galatia 4:8

Apo komai, kaitn bolupm ado hubukan agatn Allah. Kaitn monyombah boko duato inyo kinyo bondar. Kaitn monjadi boko hulutn boko duato nantai.

Efesus 1:9

Obai Allah udah momandiran ko kito roncana-Nyo, inyo komai kinyo dikotohu'i monsio. Doi' mulonyo, Allah udah monontuan obai roncana-Nyo paca'an dilabuhan molalu'i Kristus. Roncana-Nyo nantai sosuai agatn kohonda'-Nyo huatan monyonangan hati-Nyo.

Kolose 1:19

Obai, somuo sipat huatan kuaso Allah ado di dalapm diri Kristus. Allah siku'mo inyo mongohonda'i nantai.

Ibrani 1:14

Apo boko molekat ia'an boko roh inyo molayati Allah. Sia' diutus pakai' monulukng boko urakng inyo tajahan monorima' kosolamant'an.

Ibrani 2:3

pasti kito tajahan dihukupm aman kito kinyo monaati pomandiran Allah mongona'i kosolamant'an. Tuhatn Yesus siku' inyo potamo monyampaian Pomandiran Allah nantai. Lalu, boko urakng inyo mondinga'an lansukng doi' Sio, sia' monyampaiannyo sampai kito monjadi yakitn mongona'i nantai.

Ibrani 7:25

Obai nantai, Sio sanggup monyolamant'an somuo urakng agatn sompurna inyo datakng ko Allah molalu'i Sio. Sio hala hidup pakai' monjadi Porontaro inyo momuhun ko Allah pakai' sia'.

Yakobus 4:4

Kaitn co sotia ko Allah samo sama'an siku' urakng inyo bomporajoan rotinyo co sotia ko pasakannyo. Kaitn gola' mongotohu'i ni'in: Boko urakng inyo moncintai kosonangan di dunia ni'in, sia' monjadi musuh Allah. Jadi, aman kaitn moncintai kosonangan di dunia ni'in, rotinyo kaitn monjadi musuh Allah.

Yakobus 5:15

Aman sia' bobondar pocayo, jadi Tuhatn paca'an monyamanan urakng sakit nantai. Biar pan io udah bulah dosa, Tuhatn paca'an moamputinyo.

Yakobus 5:20

Urakng inyo mombimbikng io nantai, gola' mongotohu'i ni'in: Aman urakng bodosa nantai bobali' monuruti ajaran inyo bondar, jadi jiwa urakng nantai paca'an disolamant'an doi' noraka huatan banya' dosa jam paca'an diamputi.