1 Korintus 1:17 - Porjanjian Boharu Torjomahan Baso Dilakng Soari-ari

¹⁷ Kristus co moutus aku pakai' mombaptis urakng. Apo, Kristus moutus aku pakai' momboritoan Kabar Boi'. Timpu aku momboritoan Kabar Boi', aku co momakai kopandaian bopandir bodasaran akal monsio. Agatn sama'an nian, kuaso doi' komatian Kristus di kayu salib kinyo sia-sia.

1 Korintus 1:17 ပူးပေါင်းရင်းမြစ်များ

Yohanes 4:1

Ado boko pomimpitn agama Yahudi doi' kolompok Farisi. Sia' mondinga' kabar obai urakng banya' monjadi murid Yesus lalu dibaptis-Nyo, lobih banya' daripado inyo dibaptis Yohanes.

Yohanes 4:2

(Apo sobondarnyo boko murid Yesus inyo mombaptis urakng, kinyo Yesus mombaptis).

Kisah Boko Rasul 10:48

Ongko, Petrus monyiuh oca' boko urakng inyo bukainyo urakng Yahudi nantai dibaptis pakai' monunju'an obai sia' pocayo agatn Yesus. Lopas nantai, Kornelius huatan sia' inyo bukainyo mominto Petrus pakai' tinggal bosamo sia' somanah boboropo ari.

1 Korintus 2:1

Boko somadikan, aku bulah sama'an nantai jam timpu aku datakng ko kaitn. Aku kinyo momakai boko kato-pandir inyo hebat pakai' momboritoan mongona'i hajat Allah inyo komai kinyo dikotohu'i monsio. Aku pan kinyo momakai kopintar-corodi'an monsio timpu nantai.

1 Korintus 2:13

Watu koi mongajar, koi mongajar mongona'i somuo koboi'an Allah nantai. Koi momakai pomandiran inyo diajari Roh Allah, bukai pomandiran inyo diajari kopintar-corodi'an monsio. Koi monjolasan boko hal mongona'i Allah nantai ko boko urakng inyo udah monorima' Roh Allah.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

2 Korintus 10:10

Aku tohu ado urakng inyo bopandir, “Dalapm boko suratnyo, Paulus momakai pomandiran inyo togas huatan koras. Apo timpu io ada'an samo agatn kito, sikapnyo lomah, huatan io kinyo pandai bopandir.”

2 Korintus 11:6

Mungkitn, dibandikan agatn sia', aku dianggap kurakng pandai bopandir. Apo aku kotakan mongotohu'i mongona'i ajaran inyo bondar. Nantai udah koi tunju'an ko kaitam sotiap watu dalapm boko hal.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

2 Petrus 1:16

Koi udah momadahannyo ko kaitn mongona'i kuaso Yesus Kristus, Tuhatn kito ongko mongona'i kodatakan-Nyo ko dunia ni'in. Nantai bukainyo kisah inyo dipulah-pulah boko monsio. Koi moniant agatn mato koi siku' obai Sio mulia.