1 Ḍarăt-a-wen-dăɣ, əsleɣ i-emăsli ăṣṣoohen dăɣ-išənnawăn olăhăn d-i n-tamətte təknat əjut, jannet: «Aleluya! Aməlăt Măssinăɣ, əlɣəllas d-semɣar d-tărna, i n-Măssinăɣ.
Wăr toyyed Iblis ăžžurrăbăt-anăɣ isiḍəw-anăɣ dăɣ-abăkkaḍ, agəẓ-anăɣ dăɣ-s, [ed Təmmənəya, tărna hakd ălxurmăt, i-năk hărkuk. Amin!]›
Ăshăḍ ălwăqq-wen ănjălos wa s-əssa tăsinsăɣt-net, jăn imăslan ăṣṣoohătnen dăɣ-išənnawăn jannănen: «Ămăra-dăɣ, təmmənukəla făll-ăddunya, ti n-Emăli-nănăɣ Măssinăɣ d-Ălmasex-net i-ad-imnukəl hărkuk.»
Ǝsleɣ ḍarăt-a-wen i-emăsli ăṣṣoohen ijannen dăɣ-išənnawăn: «Ămăra, ăssaɣăt wa n-əlɣəllas, iwwăḍ-dd. Măssinăɣ, ăsnăfalăl-dd tărna-net d-Təmmənəya-net! Ǝlxəkum, ijjăš ifassăn n-Ălmasex-net făl-a-s ere wa s-kăla isaḍlam ayətma-năɣ, isaḍlam-tăn ehăḍ d-ašăl ɣur-Măssinăɣ, ătwăstăɣ-dd, ăbas ihʼ išənnawăn.
Ǝsleɣ ḍarăt-a-wen i-emăsli iyyăn olăhăn d-i n-tamətte təknat əjut, emăsli-net, olăh d-i n-anji iknan təmɣăre meɣ d-ejjajăn əknanen əṣṣuhu. Ǝnta da a-wa ijănna emăsli-en: «Aleluya! Aməlăt Emăli făl-a-s Măssinăɣ-i n-Emăli-nănăɣ, ila tărna iket-net, issətbăt Təmmənəya-net.