Tănăfalilt 14:7 - Tamasheq

⁷ Ănjălos-ənnin-hi, iḍkal emăsli-net, ijanna: «Uksaḍăt Măssinăɣ, səmɣărăm-t făl-a-s ašăl wa n-tebădde, osă-dd; aməlăt-t ənta-i dd-ixlăkăn išənnawăn d-ăkall d-ejărew wa səmmăn d-ersan.»

Tănăfalilt 14:7 ပူးပေါင်းရင်းမြစ်များ

Mătti 25:13

Innă Ɣisa ḍarăt-a-wen i-inəṭṭulab-net: «A-wen-dăɣ a făl, ɣaymăt tokayăm ed wăr təssenăm ašăl wălʼ ăssaɣăt wa s-dd-mad-dd-ass Emăli.»

Luqa 17:18

Ɣas wăr tăn-dd-izjer făw ere dd-iqqalăn i-ad-aməl Măssinăɣ ar amăjar-wa-dăɣ?»

Ijităn n-inəmmušal 14:15

jannen: «Ya meddən! Wăr jem a-di, ma ămoos a-wa s-tăbokăm iji-net? Năkkăneḍ dăgg-adəm ɣas a nămoos, wăr t-illa a dăr-wăn nəẓlay. Isălan n-ălxer a hăwăn-năwway i-ad-təbḍəwăm d-mălayăɣna, tutabăm s-Măssinăɣ-i n-Ămaɣlal dd-ixlăkăn išənnawăn d-ăkall d-ijərwan d-a-wa tăn-ihăn iket-net.

1 Bəṭrus 4:7

Ayətma, sămdo n-hărăt iket-net, ohăẓ-dd. Iwăret-kăwăn sărho, ăjăt ənniyăt i-iman-năwăn, agəẓăt iman-năwăn. Wăr kăwăn-in-išăšlalet hărăt wălʼ iyyăn i-ad-tudabem tamădilt n-Măssinăɣ.

Tănăfalilt 11:13

Ăškăḍkăḍ ăkall s-ăṣṣahăt ălwăqq-wen-dăɣ, tărẓa tăẓune n-aɣrəm ta s-mărawăt, ămmun əssa afḍăn n-ăwadəm dăɣ-aškəḍkăḍ-wənnin-dăɣ; ărmăɣăn ăddinăt wi iyyăḍnen, ad-samɣarăn Măssinăɣ-i ihăn išənnawăn.

Tănăfalilt 11:18

Ibda, ăḍḍukren-kăy əddəwəlăn wi n-inəẓẓulam măšan, ašăl-i, aḍkăr wa-năk, a dd-madăn-infiləl fălla-săn, ašăl-năk wa dăɣ-šarrăɣăd inəmmuttan, osă-dd. Iwwăḍ ălwăqq wa dăɣ-mad-təjəd ălhăk i-eklan-năk-i n-ănnăbităn d-ăddinăt wi led n-iməššeddəjăn-năk iket-dăɣ-năsăn, ăssimɣărăn-kăy wi n-iməṣṣuha hakd wi n-tilăqqiwen, ălwăqq wa n-ahălak n-imahlakăn n-ăkall, osă-dd.»

Tănăfalilt 15:4

Mi ihălăn ad-ănn wăr kăy-ăksuḍ? Ănn, wăr irhʼ asəmɣar-năk? Kăyy a ɣur-dd-təmda təšədje. Ǝddəwəlăn iket-năsăn ad-ărkăɣăn data-k ed iqqud-năk, itbat.»

Tănăfalilt 16:9

Ad-siknənnəwət tukəse-i-dăɣ măqqărăt dd-ja tăfukt dăgg-adəm. Hakd a-wen-dăɣ, gaggărăn dăgg-adəm Măssinăɣ-i iṭṭafăn ălmăṣṣibatăn-en, unjăyăn s-ad-utabăn i-ad-səmɣărăn Măssinăɣ.

Tănăfalilt 18:10

ad-əbdədăn imămokalăn-ənnin-dăɣ ijəj făl tuksəḍa n-ad-tăn-irməs ălmăṣṣibăt wa oḍăn făll-aɣrəm. Ǝbdədăn dihen, ad-jannen: «Xăxx-dăɣ, unhh xăxx-dăɣ! Aɣrəm-nănăɣ Babilun, Babilun wa măqqărăn ăṣṣoohen, a-wa šăɣnet, ăššăreɣa-net, wăr dd-okey iyyăn n-ăssaɣăt.»

Tănăfalilt 18:17

Ɣas ehăre ogdăhăn d-wa-dăɣ iket-net, ăsbăt-t-in fălla-m iyyăn n-ăssaɣăt. Ăddinăt daɣ iket-năsăn wi šašalnen turfen ti n-aman d-iməssukal wi tiwəyən dăɣ-turfen-năsăn, d-wi xaddămnen dăɣ-turfen-năsăn d-wi əddarnen s-a-wa dd-izajjărăn ejărew iket-net, əbdadăn iket-năsăn dăɣ-ijəj,

Tănăfalilt 18:19

Ad-sawarăn ăkall iɣăfawăn-năsăn, hallăn, širšun, əṭṭafăn iba, jannen: ‹Xăxx, unhh xăxx-dăɣ Babilun! Aɣrəm wa măqqărăn, ărrəzăɣ-net a dăɣ-razzăɣăn ăddinăt iket-năsăn wi lănen turfen ărjăšnen făll-ejărew măšan, a-wen-dăɣ iket-net, ăsbăt-in fălla-m iyyăn n-ăssaɣăt.›

Tănăfalilt 19:5

Innă emăsli dd-ifalăn tasăqqaymut ta n-təmmənukəla ḍarăt-a-wen: «Aməlăt Măssinăɣ iket-năwăn kăwăneḍ-i n-eklan-net; kăwăneḍ-i n-imaksaḍăn-net, wi măḍroynen hakd wi əššămnen.»

Tănăfalilt 4:11

«Emăli-nănăɣ, Măssinăɣ! Tăniihăjjăd d-ălxurmăt d-semɣar d-tărna ed kăyy a dd-ixlăkăn hărăt iket-net; ijjăš-dd a-wen ənniyăt-năk ɣas, jed-t.»

Tănăfalilt 4:9

E-d jăn əkkoẓ hărătăn-win-dăɣ əddărnen ăsahăɣ-ənnin-dăɣ-dăɣ, timələn ălxurmăt, samɣarăn, tumayăn i-ere wa s-ənta a iɣlalăn ăqqimăn făll-tasăqqaymut ta n-təmmənukəla,

Tănăfalilt 8:10

Ăshăḍ ḍarăt-a-wen ănjălos wa s-kăraḍ tăsinsăɣt-net, ifăl-dd atăr măqqărăn ăhijăljălăn šund emămmăl išənnawăn, oḍă-dd făll-əttələt n-ijərwan d-ersan.