Tănăfalilt 11:15 - Tamasheq

¹⁵ Ăshăḍ ălwăqq-wen ănjălos wa s-əssa tăsinsăɣt-net, jăn imăslan ăṣṣoohătnen dăɣ-išənnawăn jannănen: «Ămăra-dăɣ, təmmənukəla făll-ăddunya, ti n-Emăli-nănăɣ Măssinăɣ d-Ălmasex-net i-ad-imnukəl hărkuk.»

Tănăfalilt 11:15 ပူးပေါင်းရင်းမြစ်များ

Mătti 24:31

Dihen, ad-išəmmišəl ănjălosăn-net i-ad-săhəḍăn tăsinsăɣt s-afălla, sədwən-dd săr-s e d t-illăm ere ăsinăfrăn Măssinăɣ dăɣ-e d t-təllăm tamdujt, səntən dăɣ-ašrut iyyăn, səmdəwăn-dd s-ašrut wa iyyăḍăn.»

Mătti 6:13

Wăr toyyed Iblis ăžžurrăbăt-anăɣ isiḍəw-anăɣ dăɣ-abăkkaḍ, agəẓ-anăɣ dăɣ-s, [ed Təmmənəya, tărna hakd ălxurmăt, i-năk hărkuk. Amin!]›

Luqa 1:33

ad-imnukəl hărkuk făll-ehăn wa n-ihăyawăn n-Yaqub, tiɣlal təmmənukəla.»

Luqa 15:10

A-wen-dăɣ a făl hawăn-ălleɣeɣ a-s, tămoos tătubt n-anăsbăkkaḍ iyyăn əssəbab n-tedăwit măqqoorăt i-ănjălosăn n-Măssinăɣ.»

Luqa 15:6

afăl hin-iwwăḍ ihănan, ad-dd-iɣăr imidiwăn-net d-ănhărajăn-net, ănnʼ-asăn: ‹Ǝyyăwăt, ăhrăt dăr-i tedăwit, tehăle-nin ta tăssujjălăt, əjrăwăɣ-tăt-dd.›

Ijităn n-inəmmušal 4:26

Ma ăsihălăn imănokalăn əššənju-năk, tihərən d-imănnăhăḍăn emm făll-Emăli d-Ălmasex-net.

Ɣăbranităn 1:8

Măšan, Rure-s n-Măssinăɣ ənta, innʼ-as: «Kăyy a-s Măssinăɣ, təmmənukəla-năk, tăɣlal; wi hănen Təmmənəya-năk, tăxkamăd fălla-săn s-iqqud;

Tănăfalilt 10:7

Afăl issəntă ănjălos wa s-əssa ewet n-tăsinsăɣt-net, ad-dd-imdəw əddăraj n-Măssinăɣ wa s-a ija a-wa-dăɣ iffar, dihen, ad-itbət a-wa ənnăn ănnăbităn-i n-eklan-net.

Tănăfalilt 12:10

Ǝsleɣ ḍarăt-a-wen i-emăsli ăṣṣoohen ijannen dăɣ-išənnawăn: «Ămăra, ăssaɣăt wa n-əlɣəllas, iwwăḍ-dd. Măssinăɣ, ăsnăfalăl-dd tărna-net d-Təmmənəya-net! Ǝlxəkum, ijjăš ifassăn n-Ălmasex-net făl-a-s ere wa s-kăla isaḍlam ayətma-năɣ, isaḍlam-tăn ehăḍ d-ašăl ɣur-Măssinăɣ, ătwăstăɣ-dd, ăbas ihʼ išənnawăn.

Tănăfalilt 15:4

Mi ihălăn ad-ănn wăr kăy-ăksuḍ? Ănn, wăr irhʼ asəmɣar-năk? Kăyy a ɣur-dd-təmda təšədje. Ǝddəwəlăn iket-năsăn ad-ărkăɣăn data-k ed iqqud-năk, itbat.»

Tănăfalilt 16:17

Issănɣăl ălwăqq-wen ănjălos wa s-əssa alkas-net dăɣ-ălhăwa, ija a-wen ɣas, izjăr-dd emăsli ăṣṣoohen tasăqqaymut ta n-təmmənukəla hăt ehăn n-ămudd wa măqqărăn; innă emăsli-en: «A-wa ijăn, ijă, isălan əmdăn.»

Tănăfalilt 17:14

Ad-əbdədăn iket-dăɣ-năsăn, əknəsăn Ašăɣol măšan, ad-tăn-ărn ed ənta a-s Emăli n-imălan d-Ămănokal n-imănokalăn; ad-tăn-ărn ənta d-wi dd-iɣra s-iman-net, ăsnăfrăn n-imaɣdalăn.

Tănăfalilt 19:1

Ḍarăt-a-wen-dăɣ, əsleɣ i-emăsli ăṣṣoohen dăɣ-išənnawăn olăhăn d-i n-tamətte təknat əjut, jannet: «Aleluya! Aməlăt Măssinăɣ, əlɣəllas d-semɣar d-tărna, i n-Măssinăɣ.

Tănăfalilt 19:6

Ǝsleɣ ḍarăt-a-wen i-emăsli iyyăn olăhăn d-i n-tamətte təknat əjut, emăsli-net, olăh d-i n-anji iknan təmɣăre meɣ d-ejjajăn əknanen əṣṣuhu. Ǝnta da a-wa ijănna emăsli-en: «Aleluya! Aməlăt Emăli făl-a-s Măssinăɣ-i n-Emăli-nănăɣ, ila tărna iket-net, issətbăt Təmmənəya-net.

Tănăfalilt 20:4

Ḍarăt-a-wen, ənhăyăɣ tisăqqima n-təmmənukəla, əjrăwăn ăddinăt wi fălla-snăt ăqqimnen turhajăt n-ad-ăɣtəsăn ăššăreɣa. Ǝnhăyăɣ daɣ iman n-ăddinăt wi s-hin-əttəfrăsăn iɣăfawăn-năsăn dăɣ-təssəba n-immun wa jăn s-tidət ta dd-ăsnăfalăl Ɣisa d-tənna ta n-Măssinăɣ. Wăr-ăɣbedăn ămudăr, wăla ăṣṣănăm-net, wăr-iwer daɣ aẓăẓlo-net timmawen-năsăn wăla ifassăn-năsăn. Ǝnkărăn-dd daɣ inəmmuttan, ohărăn d-Ălmasex Təmmənəya har okăy efăḍ n-awătay.

Tănăfalilt 8:12

Ăshăḍ ănjălos wa s-əkkoẓ tăsinsăɣt-net, təjjăš tewete əttələt n-tăfukt d-əttələt n-ewăr d-əttələt n-etran, ijmăḍ-tăn əttələt n-ănnur-năsăn har ăbas itimləwləw əttələt n-ehăḍ d-əttələt n-ašăl.

Tănăfalilt 9:1

Ăshăḍ ănjălos wa s-səmmos tăsinsăɣt-net, ənhăyăɣ atăr dd-ifalăn išənnawăn har dd-oḍă făll-ăkall, ătwăkfʼ-e asăyar n-anu wa wărăn ila ider ihăn ălaxărăt.

Tănăfalilt 9:13

Ăshăḍ ănjălos wa s-săḍis tăsinsăɣt-net, əsleɣ i-emăsli dd-ifalăn tisəttuytay ti n-əkkoẓăt n-tasəskărt n-orăɣ ta n-tikutawen t-təllăt dat-Măssinăɣ.