Mătti 15:9 - Tamasheq

⁹ Ălɣibadăt-wa hi-tăjj d-tikutawen ti hi-tăjj, mălayăɣna ɣas ed a-wa săɣren făll-ismawăn n-Măssinăɣ, wăr ămoos ɣas ar fărəḍăn dd-ăɣtasăn i-iman-năsăn.› »

Mătti 15:9 ပူးပေါင်းရင်းမြစ်များ

Mătti 15:10

Iɣră-dd Ɣisa tamətte s-iman-net ḍarăt-a-wen, innʼ-as: «Săjdăt, təjrăhăm a-wa hawăn-janneɣ:

Marqəs 7:7

semɣar wa hi-jăn ăddinăt, mălayăɣna ed a-wa saɣren dăgg-adəm făll-i, wăr-ămoos ɣas ar fărəḍăn dd-ăɣtasăn i-iman-năsăn.›

1 Kăl-Kurənta 15:2

Ălənžil-en, ənta a-s əssəbab n-əlɣəllas-năwăn afăl has-jăm uḍəf s-əmmək-wa-dăɣ s-hawăn-t-in-ăssawăḍăɣ, afăl wăr has-jem a-wen, ad-umas immun-năwăn, i n-bănnan.

1 Timoti 1:4

i-ad əyyən fălla-săn tinfusen ti n-ibda wăren ənfa hărăt d-tamădašt dăɣ-ăṭṭarexăn n-imɣarăn wăren dd-itirəw ar təšəjrət n-măjrăd. Wăr t-illa a dd-isaɣsal a-wen-dăɣ dăɣ-amišəl n-erhet n-Măssinăɣ wăla dăɣ-ehel n-s-data dăɣ-immun.

Titus 1:14

Wăr lăkkămnet i-tinfusen n-kăl-Ălyăhud ti n-ibda wăla alkum i-ălɣadatăn n-ăddinăt wi ənkărnen tidət, ăssofăn bahu tidət.

Ɣăbranităn 13:9

Săjdăt, wăr toyyem ăddinăt šiškin-kăwăn s-ălmăt teɣăre tăynayăt wărăt toher hărăt d-măjrăd n-Măssinăɣ. Səṣṣuhətăt ulhawăn-năwăn dăɣ-ănnuɣmăt n-Măssinăɣ. A-wen, ufʼ-awăn asəṣṣuhu n-iman-năwăn dăɣ-uḍəf n-iba n-tetăte n-imənsiwăn s-ăddinăt wi əṭṭăfnen iba n-tetăte-năsăn, wăr t-illa ad-dd-ăššišrăy a-wen săr-săn.

Yaqub 2:20

Ǝyyaa, kăyy-i n-ălžahil wăr ihʼ ălfăyda, ăyy-ahi ad-kăy-səfhəmăɣ, a-s immun warăn ăddew d-imărkedăn, wăr t-illa a infa.»

Tănăfalilt 22:18

Năkk Exya, ălleɣeɣ i-ăddinăt iket-năsăn wi əslănen i-hărătăn wi s-innă Măssinăɣ i-inəmmušal-net, əktăbăn-tăn dăɣ-əlkəttab-i-dăɣ. Ǝkkasăɣ-kăwăn dăɣ-taɣdărt: isălan-wi-dăɣ, ere fălla-săn ăssewăḍăn hărăt, ilmədet a-s ad-isiwəḍ Măssinăɣ făll-a-wa has-ikittəw ălmăṣṣibatăn wi s-ătwăjjăn isălan-năsăn dăɣ-əlkəttab-wa-dăɣ.