Kăl-Ifăsus 2:5 - Tamasheq

⁵ s-hărwa nămmut dat-Măssinăɣ, a-wa-dăɣ hanăɣ-jăn uḍlemăn-nănăɣ, ăssodăr-anăɣ năkkăneḍ hakd Ălmasex ed ănnuɣmăt-net a kăwăn-iɣallăsăn.

Kăl-Ifăsus 2:5 ပူးပေါင်းရင်းမြစ်များ

Luqa 15:24

făl-a-s rure-ɣ wa s-kăla ămmut iddăr-dd, kăla ăssujjăl măšan, ittəjrăw-dd.› Ǝssəntăn eqqas d-tiɣləla ălwăqq-wen-dăɣ.

Exya 5:21

Făl-a-s, əmmək wa s-dd-isănkar Abba inəmmuttan i-ad-tăn-isudăr, əmmək-wen-dăɣ daɣ a-s ihakk Rure-s tămudre ere wa s-tăt-irha.

Exya 6:63

Unfas n-Măssinăɣ a ihakkăn tămudre, taɣəssa mălayăɣna. Iməjridăn wi hawăn-jeɣ, hen tămudre ed, Unfas Šăddijăn a dd-falăn

Ijităn n-inəmmušal 15:11

Wădden ănnuɣmăt n-Emăli Ɣisa-i s-nomăn, iɣlăs-anăɣ, ənta daɣ a-s omănăn əntăneḍ-dăɣ.»

Kăl-Roma 16:20

Ǝlmədăt a-s Măssinăɣ-i n-Măssi-s n-ălxer, šik dăɣ a-s-e-ilkăẓ Iblis daw-iḍarăn-năwăn, ikfʼ-iwăn Emăli-nănăɣ Ɣisa ănnuɣmăt-net.

Kăl-Roma 3:24

măšan, hakd a-wen-dăɣ, iɣtăs Măssinăɣ dăɣ-ănnuɣmăt-net n-a-s ere omănăn s-Ɣisa Ălmasex-dăɣ, ad-ikrəš idəm dat-Măssinăɣ ed ămoos-as Ɣisa Ălmasex, Ămaɣlas wa has-in-inaššăn ibăkkaḍăn-net bănnan.

Kăl-Roma 4:16

Dăɣ-təssəba n-a-wen-dăɣ a făl, ere wa omănăn s-Măssinăɣ ɣas a-s tətwar tăkasit-ten-dăɣ i-ad-tumas isuf ătiwăjjănen dăɣ-ănnuɣmăt-net. Ɣas, a-wen-dăɣ a dd-orăwăn a-s ărkăwăl wa ijjăš Măssinăɣ i-Ibrahim, oharăn-t dăr-s ihăyawăn-net iket-dăɣ-năsăn jer-wi əṭṭăfnen alămăr hakd wi omănnen s-Măssinăɣ s-əmmək wa s-săr-s omăn Ibrahim-i n-abba-nănăɣ iket-dăɣ-nănăɣ.

Kăl-Roma 5:10

Ɣas, kunta hărwa nămoos išənja n-Măssinăɣ, ăẓnămăẓăl-anăɣ Măssinăɣ d-iman-net s-tamăttant ta ija Rure-s, ăbʼ ăṭṭăma n-əddəttu wa ija anməẓəl-nănăɣ dăr-s dăɣ-təssəba n-tanăkra ta dd-ija Ɣisa-i hanăɣ-iɣallăsăn jer-inəmmuttan.

Kăl-Roma 5:6

Ḍarăt-a-wen-dăɣ, Ălmasex, hărwa wăr t-illa ălfăyda hanăɣ-ihan a-wa-dăɣ hanăɣ-ija abăkkaḍ, tosă-dd tăqqăn ta issəbdăd Măssinăɣ ɣas, ămmut dăɣ-ăddimmăt n-inăsbăkkaḍăn.

Kăl-Roma 5:8

Măšan Măssinăɣ, ijʼ-anăɣ tărha-ta-dăɣ s-hărwa-dăɣ nămoos ăddinăt warăn ibăkkaḍăn-năsăn, ămmut Ălmasex dăɣ-təssəba-nănăɣ.

Kăl-Roma 8:2

Unfas Šăddijăn-i ihakkăn alămăr wa n-tămudre ta n-tidət dd-tirəw tassaɣt d-Ɣisa Ălmasex, tărna-net a hi-tăsdărfet, təbḍʼ-ahi d-alămăr wa n-abăkkaḍ d-tamăttant.

Kăl-Ifăsus 2:1

Kăwăneḍ ibda, tămmum dat-Măssinăɣ, a-wa-dăɣ hawăn-jăn ălɣibăn-năwăn d-ibăkkaḍăn-năwăn.

Kăl-Ifăsus 2:8

Ănnuɣmăt n-Măssinăɣ ăddewăn d-immun săr-s a iɣallăsăn; a-wen, wădden ăgg-adəm a dd-ifal, ihuk n-Măssinăɣ a ămoos.

Kăl-Ifăsus 5:14

ed ănnur, wăr t-dd-izəjjăr ar ănnur. A-wen-dăɣ a făl ătwănnă: «Jăy! Kăyy-i iṭṭăsăn, ənkăr-dd dăɣ-eḍəs Ǝnkăr-dd jer-inəmmuttan wi jer-tənsed i-ad-fălla-k isəmmələwləw Ălmasex ănnur-net.»

Kăl-Kuləs 2:13

Kăwăned-i s-ibda jan-kăwăn erk ijităn-năwăn šund inəmmuttan dat-Măssinăɣ, ăsisalăhăn-kăwăn d-inəẓẓulam wăren ămelăy; ašăl-i-dăɣ, dăɣ-idəm n-Ălmasex, issənkăr-kăwăn-dd Măssinăɣ dăɣ-tamăttant, ikfʼ-iwăn tămudre tăynayăt; inšʼ-anăɣ năkkăneḍ hakd kăwăneḍ ibăkkaḍăn-nănăɣ.

Titus 2:11

Ănnuɣmăt wa iɣallăsăn, ăsnăfalăl-t-dd Măssinăɣ i-e d t-illăm ăgg-adəm.

Titus 3:5

Iɣlăs-anăɣ, wădden a-s innin illʼ-e a oɣadăn nămesăl, ănn-ak, iɣlăs-anăɣ dăɣ-təssəba n-təmɣăre n-tăhanint-net, iššəšdăj-anăɣ s-tărna n-Unfas Šăddijăn i-ad-numas ăddinăt ăynaynen; ikfʼ-anăɣ tămudre tăynayăt.

Tănăfalilt 22:21

Issənsă fălla-wăn Emăli Ɣisa ănnuɣmăt iket-dăɣ-năwăn. Amin!