2 Bəṭrus 3:18 - Tamasheq

¹⁸ Ǝdwəlăt, təhələm s-data dăɣ-ănnuɣmăt d-muzəyăt n-Ămaɣlas-nănăɣ Ɣisa Ălmasex. Ǝnta a ăniihăjjăn d-ălxurmăt ašăl-i-dăɣ har amăɣlol! Amin!

2 Bəṭrus 3:18 ပူးပေါင်းရင်းမြစ်များ

Mătti 28:20

săɣrəm-tăn amišəl n-a-wa s-hawăn-omărăɣ iket-net. Năkk-da, ad-dăr-wăn ăddewăɣ, ədhalăɣ-kăwăn hak ašăl har təmdəw ăddunya.» Amin!

Mătti 6:13

Wăr toyyed Iblis ăžžurrăbăt-anăɣ isiḍəw-anăɣ dăɣ-abăkkaḍ, agəẓ-anăɣ dăɣ-s, [ed Təmmənəya, tărna hakd ălxurmăt, i-năk hărkuk. Amin!]›

Exya 17:3

Tămudre-en, a tăt-ămoosăn: ad-kăy-əzzəyăn, kăyy-i n-Măssinăɣ wa n-tidət, əzzəyăn Rure-k Ɣisa Ălmasex wa dd-tăšmašălăd.

Exya 5:23

dăɣ-təssəba n-ad-t-səmɣărăn ăddinăt iket-năsăn s-əmmək wa s-ăssimɣărăn Abba-net. Ere wărăn issəmɣăr Rure-s n-Măssinăɣ, wăr mad-isəmɣăr Abba-i t-dd-ăšmašălăn.

Kăl-Roma 11:36

Wăr t-illa ed ənta a dd-ibnăn a-wa-dăɣ iket-net, tărna-net a-s t-illa a-wa t-illăn, wăr t-illa a-s wădden i-net. Ǝnta ɣas a ăniihăjjăn d-semɣar hărkuk. Amin!

2 Kăl-Kurənta 4:6

ed Măssinăɣ-i innăn ašăl ăzzarăn: «Ăməlet ănnur i-ad-iba tihay», ənta-en-dăɣ, a dd-ijăn ănnur wa s-ămăra-dăɣ, ăsimăɣmăɣ dăɣ-ulhawăn-nănăɣ i-ad-nudabăt ahănay n-tihusay n-ănnur wa ăsimăɣmăɣăn făll-idəm n-Ălmasex.

Kăl-Ifăsus 1:17

Təddalăɣ Abba n-Emăli-nănăɣ Ɣisa Ălmasex, ənta-i t-illăn jənnəj-hărăt iket-net i-ad-kăwăn-ăkf sărho, isənnəfiləl-dd-hawăn iman-net i-ad-t-təknəm muzəyăt,

Kăl-Ifăsus 4:15

Numaset ăddinăt tinmənninen tidət tăddeewăt d-tărha i-ad-nədwəl, nalăh d-Ălmasex-i n-ămizăr-nănăɣ.

Kăl-Fəlibb 3:8

əgleɣ făw har ašăl-i-dăɣ, ija ɣur-i a-s wăr t-illa a hi-infan s-hărăt făl təssəba n-azəzăr-i jeɣ i-muzəyăt wa jeɣ i-Ɣisa Ălmasex-i n-Emăli-nin, ufʼ-ahi muzəyăt-net hărăt iket-net. Təssəba n-a-wen-dăɣ a făl ăsserădăɣ ifassăn-in dăɣ-a-wa-dăɣ s-kăla hi-ămoos abăraj iket-net, ăbas săr-i iẓlay d-ănnikal ed wăr t-illa a ărheɣ ar ad-təntəm tămudre ta n-Ălmasex dăɣ-ta-nin,

Kăl-Kuləs 1:10

i-ad-təlmədăm əmmək wa s-ăniihăjja ad-săr-s təlkəmăm i-Emăli, təjrəẓăm-as dăɣ-hărăt iket-net. Dihen, ad-təkrəšăm ănnuɣ n-imărkedăn iket-năsăn, təhələm daɣ s-data dăɣ-təməzzuyt n-Măssinăɣ,

Kăl-Kuləs 3:10

ed ămăra, təlsăm tasna ta tăynayăt-i s-Măssinăɣ-i n-Ămaxlak-nănăɣ a hawăn-tăt-ikfăn, isaynay-tăt daɣ hărkuk dăɣ-təssəba n-ad-t-təknəm muzəyăt, taləhəm dăr-s.

2 Kăl-Tăslonika 1:3

Ayətma, hak ašăl nămmoy i-Măssinăɣ dăɣ-təssəba-năwăn, ăniihăjja a-wen ed itəhhal immun-năwăn s-data, tiwwaḍ daɣ tărha ta tănimăjjăm jer-iman-năwăn.

2 Timoti 4:18

Ǝnta daɣ a hi-e-agəẓăn dăɣ-e d t-illăm ăššar, iɣləs-ahi i-ad-əjjəšăɣ Təmmənəya-net dăɣ-išənnawăn, wăr hi-ăkrănkarăt ešš. Ăqqamet-as ălxurmăt hărkuk. Amin!

1 Bəṭrus 2:2

Alăhăt d-imărkăsăn s-hărkuk ărhan taḍəḍt, ənsəyăt kăwăneḍ-dăɣ axx wa wăr-inxes hărăt ămoos măjrăd n-Măssinăɣ i-ad-kăwăn-isəṣṣuhət, tədwəlăm dăɣ-immun, tăɣləsăm ed innă əlkəttab n-Măssinăɣ:

2 Bəṭrus 1:11

Ǝmmək-wen-dăɣ daɣ a dăɣ-hawăn-e-ikən Măssinăɣ arr n-imawăn n-Təmmənəya ta tăɣlălăt dăɣ-ixkăm Emăli-nănăɣ d-Ămaɣlas-nănăɣ Ɣisa Ălmasex.

2 Bəṭrus 1:2

Ăhuulăɣ-kăwăn-in, ăsnăḍfăs fălla-wăn Măssinăɣ d-Emăli-nănăɣ Ɣisa Ălmasex ănnuɣmăt d-ălxer dăɣ-təssəba n-muzəyăt wa n-tidət t-jăm.

2 Bəṭrus 1:3

Măssinăɣ, dăɣ-tărna-net, wăr t-illa a-wa-dăɣ hanăɣ-ihakkăn tămudre ta n-tidət tăddiinăt dăɣ-tuksəḍa-net s-wădden, ikfʼ-anăɣ-t. Issəlmăd-anăɣ s-Emăli-i hanăɣ-dd-iɣrăn s-iman-net i-ad-hanăɣ-ăkf dăɣ-ănnur-net d-ălxal-net.

2 Bəṭrus 1:8

Afăl tamašalăm tihusay-tin-dăɣ s-əjut, wăr-e tumasăm ăddinăt wăren dd-săɣsəl hărăt, ănn-ak, ad-ijjəš ălbăraka tassaɣt-năwăn d-Emăli-nănăɣ Ɣisa Ălmasex, təknəm-t muzəyăt.

2 Bəṭrus 2:20

Ăddinăt wi omănnen s-Emăli-nănăɣ d-Ămaɣlas-nănăɣ Ɣisa Ălmasex, ăɣlăsăn, a-wen, wăr t-ihʼ ăššăk. Təssəba n-a-wen-dăɣ ămăra, a făl ăbas samăḍasăn iman-năsăn s-a-wa făll-təgla ăddunya. Măšan ere wa oyyăn iman-net ḍarăt-a-wen təkraš fălla-s ăddunya ašăl, ad-umas a-s talɣa-net ta təšrăyăt, təššăm-as ta tăzzarăt.

Hudd 1:25

i-Măssinăɣ-i s-ənta ɣas a t-illan, ənta-i n-Ămaɣlas-nănăɣ dăɣ-idəm n-Ɣisa Ălmasex wa n-Emăli-nănăɣ, ălxurmăt d-təmɣăre d-tărna d-ălxikmăt hărkuk dăɣ-ăzzămanăn iket-năsăn jer-wi okăynen wi n-ămăra-dăɣ hakd wi dd-malənen. Amin!

Tănăfalilt 1:6

Ǝnta a hanăɣ-ijăn tawset n-kăl-tikutawen, ijʼ-anăɣ dăɣ-Təmmənəya-net i-ad-năxdəm i-Măssinăɣ-i n-Abba-net. Umaset ălxurmăt d-tărna, i-net hărkuk! Amin!