1 Kăl-Tăslonika 5:23 - Tamasheq

²³ Măssinăɣ-i n-Măssi-s n-ălxer iman-net a dalăɣ i-ad-kăwăn-išəšdəj təmdam, əttarăɣ dăɣ-s ad-agəẓ ənniyăt-năwăn d-iman-năwăn d-tiɣəswen-năwăn i-ad-wăr kăwăn-itəwwer uḍlem wălʼ iyyăn har ašăl wa dd-mad-iqqəl Emăli-nănăɣ Ɣisa Ălmasex.

1 Kăl-Tăslonika 5:23 ပူးပေါင်းရင်းမြစ်များ

Luqa 1:46

Tənnă Măryăma: «Timələn iman-in təmɣăre n-Emăli,

Exya 17:19

năkk, hakkăɣ-kăy iman-in dăɣ-təssəba-năsăn i-ad-kăy-əkfən iman-năsăn əntăneḍ-dăɣ, šəšdəj-tăn s-tidət-năk.

Ijităn n-inəmmušal 20:32

Ămăra, ayətma, ăssiiɣlăfăɣ-kăwăn i-Măssinăɣ d-ănnuɣmăt n-măjrăd-net, Măssinăɣ a ilan tărna n-ad-kăwăn-isədwəl dăɣ-immun-năwăn, isətbət tăkasit ta itwăr i-iməššeddəjăn iket-dăɣ-năsăn.

Ijităn n-inəmmušal 26:18

i-ad-tarəd tiṭṭawen-năsăn, əzjărăn-dd tihay s-ănnur, əzjărăn-dd tărna n-Iblis s-Măssinăɣ, amənăn săr-i i-ad-tăn-ăkfăɣ tenăšše n-ibăkkaḍăn i-ad-ahərən tăkasit d-iməššeddəjăn wi iyyăḍnen.›

Kăl-Roma 15:13

Ikfʼ-iwăn Măssinăɣ-i s-ənta ɣas a isajarăn ăṭṭăma, isanăflay dăɣ-tedăwit d-ălxer dăɣ-ăddimmăt n-immun-năwăn i-ad-imɣar ăṭṭăma-năwăn săr-s s-tărna n-Unfas Šăddijăn.

Kăl-Roma 15:33

Oyyeɣ-kăwăn d-ălxer n-Măssinăɣ. Amin!

Kăl-Roma 15:5

Măssinăɣ-i ihakkăn əššəmurăt dăɣ-alkum-has, isasmaḍ ulhawăn, ăddoobăt ad-săr-năɣ dd-arəw tanmənnak jer-iman-nănăɣ, nalăh d-Ɣisa Ălmasex.

Kăl-Roma 16:20

Ǝlmədăt a-s Măssinăɣ-i n-Măssi-s n-ălxer, šik dăɣ a-s-e-ilkăẓ Iblis daw-iḍarăn-năwăn, ikfʼ-iwăn Emăli-nănăɣ Ɣisa ănnuɣmăt-net.

1 Kăl-Kurənta 1:2

Nəktab-awăn-in kăwăneḍ-i n-iməššeddəjăn hănen ălkănisăt ta n-aɣrəm wa n-Kurənta, nəktab-in daɣ i-iməššeddəjăn wi iyyăḍnen ɣarrănen isəm n-Emăli Ɣisa Ălmasex, edăgg hăn-dăɣ, Emăli-năsăn a-s wa-nănăɣ.

1 Kăl-Kurənta 1:30

Ǝnta-en-dăɣ a kăwăn-osăɣăn d-Ɣisa Ălmasex-i hawăn-dd-ămoosăn sărho wa dd-ifălăn Măssinăɣ d-iqqud; idəm-net a dăɣ-kăwăn-iššəšdăj Măssinăɣ, ăsdărfăt-kăwăn-dd dăɣ-ibăkkaḍăn-năwăn

1 Kăl-Kurənta 14:33

Hak hărăt-dăɣ, ăjet s-ălxal ed Măssinăɣ, ălxer wădden tămšăršăr. Dăɣ-isălan n-tiḍeḍen ămăra, ărheɣ dăɣ-wăn, ad-təjəm a-wa jănăt ălkănisăten n-iməššeddəjăn,

2 Kăl-Kurənta 5:19

Dăɣ-təssəba n-tărna n-Ălmasex-en-dăɣ, ad-ija Măssinăɣ tanməẓalt dăr-s d-ăddinăt iket-dăɣ-năsăn, ənta a ijjăšăn ărkăwăl wa n-ad-ăbas hasăn-e-iṭṭaf uḍlem-năsăn, ijʼ-anăɣ năkkăneḍ-dăɣ inəmmejrədăn ăwwikkălnen tanməẓalt-net.

Kăl-Fəlibb 1:10

i-ad-tudabem tăbəḍḍawt jer-a-wa olăɣăn d-a-wa lăbasăn, i-ad-tišdajăm, tumasăm ăddinăt wăr-iwer ălɣib, ăqqalnen i-ašăl wa dd-e-iqqəl Ălmasex.

Kăl-Fəlibb 1:6

Ǝkkasăɣ ăššăk a-s Măssinăɣ-i kăwăn-dd-intăjăn s-a-wa-dăɣ olăɣăn, ənta a kăwăn-e-idhəlăn s-amišəl-net s-sărho hundăɣ har ašăl-wa dd-e-iqqəl Ɣisa Ălmasex.

Kăl-Fəlibb 4:9

Mašălăt a-wa kăwăn-əssăɣrăɣ d-a-wa tənhăyăm făll-i d-a-wa s-hi-təslăm har t-ənneɣ d-a-wa jeɣ iket-net. Afăl jăm a-wen, ad-kăwăn-idhəl Măssinăɣ, ăkfʼ-iwăn ălxer.

Kăl-Kuləs 1:22

ăẓmăẓăl-kăwăn Măssinăɣ ămăra-dăɣ d-iman-net s-tamăttant ta ija Rure-s a-s dd-ămoos ăgg-adəm făll-ărori n-ăkall. A-wen, ijʼ-e dăɣ-təssəba n-ad-tudabem tebădde data-s šăddijăm, wăr kăwăn-iwer ălɣib wălʼ iyyăn, wăr t-illa daɣ uḍlem kăwăn-iwarăn.

1 Kăl-Tăslonika 2:19

Šămad isălan-den-dăɣ, əndek ăṭṭăma-nănăɣ? Ǝndek əssəbab n-tedăwit-nănăɣ? Ǝndek abăraj-nănăɣ? Kăwăneḍ a hanăɣ-ămoosăn a-wen-dăɣ iket-net ašăl wa dd-mad-iqqəl Emăli-nănăɣ Ɣisa.

1 Kăl-Tăslonika 3:11

Dalăɣ Măssinăɣ-i n-Abba-nănăɣ, dalăɣ-t ənta d-Emăli-nănăɣ Ɣisa dăɣ-ad-hanăɣ-isəfrăr tabarăt s-kăwăn-in-nəkka,

1 Kăl-Tăslonika 3:13

iṣṣuhət immun-năwăn, išdajăn ulhawăn-năwăn, ifəl-kăwăn e d t-illăm uḍlem dat-Abba-nănăɣ Măssinăɣ ašăl wa dd-mad-iqqəl Emăli-nănăɣ Ɣisa Ălmasex, ăddeew d-iməššeddəjăn-net iket-dăɣ-năsăn. [Amin.]

1 Kăl-Tăslonika 4:3

Erhet n-Măssinăɣ a t-ămoosăn, ad-təhələm s-data dăɣ-təšədje, təbḍəwăm d-e d t-illăm a kăwăn-isamăḍasăn.

1 Kăl-Tăslonika 5:22

udaɣăt i-a-wa lăbasăn, a ămoos-dăɣ.

2 Kăl-Tăslonika 3:16

Ikfʼ-iwăn Emăli-i n-Măssi-s n-ălxer, ălxer s-əjut hak ăssaɣăt, idhăl-kăwăn Emăli iket-dăɣ-năwăn.

Ɣăbranităn 13:20

Dalăɣ Măssinăɣ-i n-Măssi-s n-ălxer, dalăɣ-t ənta-i dd-issənkărăn jer-inəmmuttan Amăḍan-nănăɣ wa măqqărăn Emăli Ɣisa-i s-hanăɣ-ikfă ašni-net ărkăwăl n-tassaɣt tăynayăt d-Măssinăɣ.

Ɣăbranităn 2:11

iššəšdăjăn dăgg-adəm dăɣ-ibăkkaḍăn-năsăn, ohăr dăr-săn Abba. A-wen-dăɣ a făl wăr tăn-ăssajăr iman-net, iglă har tăn-iɣarr s-isəm: «Ayətma-ɣ.»

Ɣăbranităn 4:12

Măjrăd n-Măssinăɣ, ihakk tămudre, ila tărna, ojăr tăkoba n-əssin imawăn əmsădnen amsud, ibiḍḍəw iman d-unfas, itakk jer-izəmmuz d-axărăbba; wăr t-illa derhan wăla anəzjum ihan ăgg-adəm s-wădden ihannăy-t, issan săr-s.

Yaqub 1:4

măšan, wăr-e ăj a-wen ar s-ad-təṣbarăm hullan i-ad-tumasăm meddən əmdanen s-wăr t-illa a dăɣ-šaɣšadăn.

1 Bəṭrus 1:2

Abba Măssinăɣ iman-net, dăɣ-təlluləya-net, a-s ăru d-kăwăn-ăsnăfrăn, ikrăš-kăwăn s-tărna n-Unfas-net, iẓlăy-kăwăn-dd jer-timəttawen i-ad-tamašalăm erhet n-Ɣisa Ălmasex-i kăwăn-iššəšdăjăn s-ašni-net. Ăhuulăɣ-kăwăn-in, əttarăɣ s-Măssinăɣ, ad-kăwăn-isənnəfləy dăɣ-ănnuɣmăt d-ălxer.

1 Bəṭrus 5:10

Ălɣizabăt wa kăwăn-irmasăn, wăr-e-ăhaj irmas-kăwăn ed Măssinăɣ-i n-Măssi-s n-ănnuɣmăt-i kăwăn-dd-iɣrăn s-iman-net, iɣrʼ-iwăn-dd i-ad-dăr-s tărtəyăm dăɣ-ălxurmăt-net wa iɣlălăn dăɣ-idəm n-Ɣisa Ălmasex. Təssəba n-a-wen-dăɣ a făl ənta iman-net a kăwăn-e-išəšdəjăn, isəbdəd immun-năwăn făll-ăssas intămăn.

2 Bəṭrus 3:14

Ayətma-ɣ-i əkneɣ tărha, iket-di d-tajjăn hărătăn-win-dăɣ, ăjăt a-wa tăddobem iket-net i-ad-kăwăn-dd-agəẓ Ɣisa, šăddiijăm, wăr t-illa ălɣib kăwăn-iwarăn, imal-t daɣ ălxer jere-wăn d-Măssinăɣ.

Hudd 1:1

A-wa năkk, Hudd, wa n-akli n-Ɣisa Ălmasex n-ăŋŋa-s n-Yăqub hin-iktabăn i-ăddinăt wi dd-iɣră Măssinăɣ-i n-Abba s-iman-net, irhʼ-en, ogaẓ-tăn dăɣ-təssəba n-Ɣisa Ălmasex.

Hudd 1:24

I-Wa ăddooben ad-kăwăn-agəẓ dăɣ-e d t-illăm iba n-iqqud, isəbdəd-dd-kăwăn dăɣ-ălxurmăt n-idəm-net wăr kăwăn-iwer ălɣib, təknam tedăwit,