1 Exya 4:10 - Tamasheq

¹⁰ Ǝnta da a-wa ăsidătten tărha ta hanăɣ-ija Măssinăɣ: wădden năkkăneḍ a t-ărhănen s-tizarăt, ənta a hanăɣ-irhăn s-tizarăt ed ăšmašăl-dd săr-năɣ Rure-s i-ad-umas takute hanăɣ-madăt-təjrəw tenăšše n-ibăkkaḍăn-nănăɣ.

1 Exya 4:10 ပူးပေါင်းရင်းမြစ်များ

Exya 13:34

Ămăra, ənta-da fărəḍ wa ăynayăn əfrăḍăɣ fălla-wăn: ‹Nəməjjăt jer-iman-năwăn anmărh šund wa hawăn-jeɣ, nəmărhăt jer-iman-năwăn,

Exya 15:16

Wădden kăwăneḍ a hi-ăsnăfrănăn, năkk a kăwăn-ăsnăfrănăn, ăɣreɣ-kăwăn-dd i-ad-tamašalăm a iha ărramăt i-Măssinăɣ, umasnăt timašalen-năwăn a iɣlalăn. Afăl jăm a-wen, a təttărăm dăɣ Abba-nin s-isəm-in, ad-hawăn-t-ăkf.

Exya 3:16

făl-a-s, Măssinăɣ, ija i-ăddunya tărha-ta-dăɣ făl ikfa Rure-s wa n-iyyăn i-ere săr-s omănăn-dăɣ, wăr-e ămmăt, ănn-ak, ad-ijrəw tămudre ta tăɣlălăt;

Exya 6:51

Năkk a-s tajəlla ta n-tămudre dd-fălăt išənnawăn, ere ikšan tajəlla-ten-dăɣ, ad-iddar hărkuk; taɣəssa-nin a-s tajəlla-ten-dăɣ mad-ăkfăɣ i-ad-təddăr ăddunya.»

Ɣăbranităn 2:17

A-wen-dăɣ a făl ămoos-as tăhaššilt, ad-dd-umas ere olăhăn d-ayətma-s dăɣ-hărăt iket-net, umas U-tikutawen wa măqqărăn s-ha tăhanint ulh-net, ămašăl a-wa fălla-s irha Măssinăɣ i-ad-əjrəwăn ɣur-Măssinăɣ tenăšše n-ibăkkaḍăn-năsăn.

1 Bəṭrus 2:24

Ălmasex iman-net a irḍăn s-ad-inhəy aɣăna dăɣ-taɣəssa-net, ătwăṣlăb făll-tajəttewt, ămmut i-ad-iḍkəl făll-iman-net ibăkkaḍăn-nănăɣ, i-ad-numas šund inəmmuttan dăɣ-isălan wi n-ibăkkaḍăn, nəjrəw tămudre tăynayăt, nəṭṭəf tămudre toɣadăt dat-Măssinăɣ. Ăllubbăḍ hullan dăɣ-taɣəssa-net i-ad-təzzəyăm dăɣ-turhənna-năwăn

1 Bəṭrus 3:18

Ǝnhəywăt, Ălmasex, inhăy aɣăna, ămmut s-iyyăt i-ibăkkaḍăn n-dăgg-adəm; wăr t-illa uḍlem t-iwarăn măšan, ămmut dăɣ-təssəba n-inăsbăkkaḍăn i-ad-tăn-iẓənnəmăẓəl d-Măssinăɣ. Tidət-dăɣ a-s ămmut dăɣ-taɣəssa-net, măšan, ăssoɣăl-t-dd Unfas Šăddijăn unfas-net s-tărna-net, issənkăr-t-dd jer-inəmmuttan.

1 Exya 2:2

Ǝnta a ikfăn iman-net i-ad-hanăɣ-umas takute ta hanăɣ-jarrăwăt tenăšše n-ibăkkaḍăn-nănăɣ; a-wen wădden năkkăneḍ ɣas a-s t-ija, ijʼ-e i-kăl-ăddunya təmda.

1 Exya 3:1

Ǝnhəywăt ɣas təmɣăre n-tărha ta hanăɣ-ija Abba, tărha ta t-tăwwăyăt har hanăɣ-ija isəm: «Aratăn-nin,» ənta-den-dăɣ daɣ a-wa nămoos. A-wen-dăɣ a făl wăr hanăɣ-fəhhəmăn kăl-ăddunya ed wăr-əzzeyăn Măssinăɣ.

1 Exya 4:19

Năkkăneḍ, ha tărha ulhawăn-nănăɣ ed, Măssinăɣ a hanăɣ-irhăn s-tizarăt.

1 Exya 5:11

Tajuhe-en, ătwănnʼ-anăɣ dăɣ-s a-s: Măssinăɣ, ikfʼ-anăɣ tămudre ta tăɣlălăt. Tămudre-en, ikfʼ-anăɣ-tăt dăɣ-idəm n-Rure-s,