ZEKARIA 9:4 - Biblia Ilagho Jiboie Kwa Wandu Wose

⁴ Ela BWANA uchamsoka vilambo vose uko navo, na kurikumba mali rake baharinyi; muzi ghwake ghuchakorwa ghusie.

ZEKARIA 9:4 ပူးပေါင်းရင်းမြစ်များ

MAKATANISHO 10:2

Mali ishamilo kwa wuwiwi, ndeiredagha fwaida; ela hachi yadakira na kifwa.

MAKATANISHO 11:4

Mali nderine fwaida ngelo ekabwa ni Mlungu, ela hachi yakiragha mundu na kifwa.

ISAYA 23:11

Mlungu wamerie kughorua mkonu ghwake aighu ya bahari, na kughusha agho mawuzuri; wamerie kughora kukaia ngome ra biashara ra Kanaani richukanyo.

EZEKIELI 26:17

Nawo wichakulilia wikighamba, ‘Kwasowekie wada oho muzi kukumikie, korekailoghe ni wandu wa baharinyi, oho chiaimweri na wandu wako, koreoboshereghe wandu andu kose isangenyi.

EZEKIELI 28:16

Kwa wundu ghwa wungi ghwa biashara yako, korengiriloghe ni lung'eto kukabonya kaung'a. Kwa huwo nerekukumbieghe noko sa kilambo chisekundikie, kufuma mghondinyi ghwa Mlungu; na uo malaika mlindiri ukakufunya shighadi, kufuma ghadi na ghadi ya magho ghiakaaka gha zoghori mbaa.

EZEKIELI 28:18

Korenonieghe malalo ghako gha wueli, kwa wundu ghwa biashara yako isewadie hachi; na kwa wundu ghwa mawiwi ghako mengi; niko ngafunya modo aghadi kwako ghukakukora, ngakuwunja maivu andoenyi mesonyi kwa wose werekuwonieghe.

EZEKIELI 28:2

“Mwana wa mdamu, ghora na m'baa wa Tiro kumzere, Bwana MLUNGU waghamba huwu: Ngolo yako yakusikire, na oho kwaghambie, ‘Ini ne mlungu, nadasea kidombo aighu ya kifumbi cha milungu, ghadi na ghadi ya bahari,’ na sena hoku ko mdamu ndekuko mlungu ungi, hata ngera kwakutala kumoni kukaia na hikima sa mlungu.

EZEKIELI 28:8

Wichakuchunua kinenyi chiko ndenyi, na oho kuchafwa kifwa chizamie, ghadi na ghadi ya bahari.

JOELI 3:8

Nichawiuza wana wenyu wa womi na wa waka kwa wandu wa Juda, nawo wichawiuza kula kwa wandu wa Sheba; ini BWANA naghamba.

AMOSI 1:10

Kwa huwo nichaduma modo aighu ya wurigha ghwa Tiro, nagho ghuchakora ngome rake.”

ZEKARIA 9:5

Muzi ghwa Ashkeloni ghuchawona na kuobua; muzi ghwa Gaza ghuchawona agho na kuwawa nandighi. Na muzi ghwa Ekroni wokoni ghuchanyamirwa na isuwirio jawo wori jichasia. Mzuri ufumagha Gaza uchasoweka, na Ashkeloni ghuchasigharika ghusene wandu.