ZEKARIA 8:3 - Biblia Ilagho Jiboie Kwa Wandu Wose

³ Nichawuya Jerusalemu nikaie aho muzi ghwapo ghwa wueli. Jerusalemu ichamanyika sa muzi ghwa wuloli, na mghondi ghwa BWANA Uwadie-Ndighi-Rose ghuchawangwa mghondi ghwa wueli.

ZEKARIA 8:3 ပူးပေါင်းရင်းမြစ်များ

ZABURI 2:6

Uchaghamba, “Nameria kummbika mzuri wapo Sioni, ugho mghondi ghwapo ghwa wueli.”

ZABURI 48:1

BWANA ni m'baa, wafwana ukaso nandighi mzinyi kwa Mlungu odu, aighu ya mghondi ghwake ghwa wueli.

KUFUMA 29:45

Nani nichakaia aghadi ya wandu wa Israeli, na kukaia Mlungu wawo.

ISAYA 1:21

Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.

ISAYA 1:26

Nichawika watanyi wako sa iji koni werekoghe imbiri; na wanjama wako sa iji koni werekoghe; niko kuchawangwa muzi ghwa hachi na muzi ghwa loli ee Jerusalemu.”

ISAYA 11:9

Ndewichaashoghonuana angu kunona andenyi ya mghondi ghwapo ghose ghwa wueli, kwa kukaia ndoenyi kuchachulwa ni wandu wimmanyagha seji machi ghichuagha baharinyi.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 32:16

Aho niko hachi ichakaia kireti, andenyi ya iyo mbuwa ivagha matunda.

ISAYA 60:14

Wana wa womi wa awo wandu werekukorongieghe, wichacha na kukughoghomia; na wose werekumenyereghe, wichakughoghomia hata maghunyi kwako; wichakuwanga, ‘Muzi ghwa BWANA, Jerusalemu muzi ghwa Mlungu Mweli wa Israeli.’

ISAYA 65:25

Kikwau na mwana wa ng'ondi wichajanya, na shimba ichaja nyasi sa ng'ombe, hata teri ichawuya vindo va choka. Richakaianya kuseko na kushoghonuana angu kunona kilambo chingi aighu ya kula andu kwa wueli mghondinyi kwapo.”

ISAYA 66:20

Nawo wichawireda waruna wose kufuma kwa iro mbari ra wandu sa ifunyo kwa BWANA. Wichawireda aighu ya farasi, na aighu ya magare, na aighu ya machera, na aighu ya nyumbu, na aighu ya ngamila na kuwivikisha mghondi ghwapo ghwa wueli ghwa Jerusalemu, ee sa iji koni Waisraeli wiredagha mafunyo ghawo gha viro andenyi ya vombo vielie nyumbenyi kwa BWANA.

ISAYA 8:18

Neko aha chiaimweri na awo wana ninekelo ni BWANA, na BWANA wa majeshi, uo ukaiagha Mghondi ghwa Sioni, wadiwikie dikaie washahidi na fwana kwa wandu wa Israeli.

JEREMIA 14:9

Kwaki kwakaia sa mundu washinika, karakara na ing'oni jisedimagha kukira? Na sena ee BWANA, koko aghadi kodu nesi dadawangwa kwa irina jako; kusakedisigha.’”

JEREMIA 26:18

“Mika wa Moreshethi orefunyireghe wulodi matuku gha Hezekia mzuri wa Juda, ukawizera wandu wose wa Juda, ‘BWANA wa majeshi, waghamba huwu, Sioni ichalimwa sa mbuwa, Jerusalemu ichawuya kitungu cha maghacho na mghondi ghwa Hekalu ghuchawuya msidu.’

JEREMIA 31:23

BWANA wa majeshi, uo Mlungu wa Israeli waghamba huwu, “Ngelo nichaawiwunja wandu isangenyi kwawo, wichatumia agha malagho sena andenyi ya isanga ja Juda na andenyi ya mizi yawo, ‘BWANA ndeghurasimie ugho mghondi ghwa wueli ghwa Jerusalemu, aho andu kwa wueli ukaiagha.’

JEREMIA 33:16

Matuku agho, wandu wa Juda wichakia, na wandu wa Jerusalemu wichakaia banana. Na muzi ugho ghuchawangwa, ‘BWANA nuo kukia kodu.’

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

DANIELI 9:16

Ee BWANA, kwa wundu ghwa mabonyo ghako gha hachi kubonyere kwa wundu ghodu, nakulomba kusighe machu na kubia kwako. Kughuleke muzi ghwako Jerusalemu, ugho mghondi ghwako ghwa wueli. Kaung'a redu na makosa gha weke aba, ghashekerie Jerusalemu na wandu wako wimenyeke na kusholelwa ni wandu wose widimarie chia rose.

JOELI 3:17

“Niko oho ee Israeli, kuchaamanya kukaia ini ne Mlungu wako; nadakaia aighu Sioni, ugho mghondi ghwapo ghwa wueli. Jerusalemu ichakaia muzi ghwapo ghwa wueli, na waghenyi ndewichaaghusima sena anduangi.

JOELI 3:21

Nichalipa awo wibwaghilo, hata sichaawifuya wughoma. Kwa kukaia ini BWANA nadakaia Sioni.”

MIKA 4:1

Matuku ghichagha, mghondi andu Hekalu ya BWANA ikaiagha, ghuchakaia ighu kuchumba yose, ghukikaia ighu kuchumba yose na wandu wa mbari rose wichacha wikighughendia.

ZEFANIA 3:13

Wandu wose wa Israeli wichaasigharika ndewichaam'bonyera mndungi makosa, hata kughora tee, angu kukalia. Wichakaia nicha, wiko na wulindiri ghukate, hata ndewichaamuobua mndungi anduangi.”

ZEKARIA 1:16

Kwa huwo naiwuria Jerusalemu nipate kuifuya wughoma, Hekalu yapo ichaaghwa, na mizi ichaaghwa.”

ZEKARIA 12:6

“Ituku ijo, nichavibonya vichuku va Juda vikaie sa modo ghuhiagha msidunyi angu mbuwenyi rakaia tayari kukuwidwa; wichawitotesha wandu wa mbari rose riko mbai mbai. Wandu wa Jerusalemu wichasigharika banana andenyi ya muzi.

ZEKARIA 14:10

Isanga jose jichawuya wurindi kufuma Geba noko cha kaskazinyi hata Rimoni cha kusinyi ya Jerusalemu. Ela Jerusalemu ghuchasigharika ighu wulalonyi kwake; kufuma Mbenge ya Benjamini, hata mbenge ya kala ya mbengenyi na kufuma Mnara ghwa Hananeli hata vidu vekamia divei va mzuri.

ZEKARIA 8:16

Inyo bonyenyi huwu. Mghoriane loli kula mundu na mmbao, tanyenyi loli kotinyi konyu, mrede sere.

ZEKARIA 8:19

“Kufunga tumu kubonyero mori ghwa kana, na ghwa kasanu, na ghwa mfungade, na ghwa ikumi, kuchawuya ndima ra kuseka na kuboilwa kwa wandu wa Juda. Muikunde loli na sere.”

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 14:23

Jesu ukamtumbulia, “Mundu ukanikunda, uchajiwadia Ilagho japo, na Aba uchamkunda, nesi dichacha na kukaia andwamweri nao.

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

WAKOLOSAI 2:9

Angu andenyi ya Kristo, ghwadakaia wulungu ghose kwa chia ya mumbi;

WUFUNUO 21:10

Ukanidwa noko cha mghondinyi m'baa niko andenyi ya Roho, ukaniwonyera ugho muzi ghuelie ghwa Jerusalemu, ghukisea kufuma mlungunyi kwa Mlungu,

WUFUNUO 21:27

Ela kindo chingi chiseelie ndechichaangia andenyi yaro, hata mundu ubonyagha maza rizamie angu ughoragha tee; ela awo wandu weni wiandikilo andenyi ya chuo cha Mwana wa Ng'ondi.

WUFUNUO 21:3

Ngasikira lwaka lubaa kufuma kwa icho kifumbi cha nguma lukighamba, “Ola wulalo ghwa Mlungu ni andwamweri na wadamu. Nao uchakaia andwamweri nawo, nawo wichakaia wandu wake; Mlungu moni uchakaianya nawo.