ZEKARIA 7:9 - Biblia Ilagho Jiboie Kwa Wandu Wose

⁹ “Kala nerewinekieghe wandu wapo sharia iri: ‘Mlindie kubonya hachi, mkaie na wughoma mmbeni na mmbeni.

ZEKARIA 7:9 ပူးပေါင်းရင်းမြစ်များ

2 SAMUELI 9:7

Daudi ukamzera, “Kusakeobua, kwa kukaia nichakubonyera mecha kwa wundu ghwa ndeyo Jonathani; sena ndoe rose ra wawayo Sauli nichakuwunjira, na oho kuchakaia kukija mezenyi kwapo matuku ghose.”

AYUBU 31:20

neremnekieghe nguwo ya sufu, ibonyero kwa mafuri gha ng'ondi ra iranu japo jeni; nao ukanirasimia kwa ngolo yake yose.

AYUBU 6:14

“Mundu usemmboniagha mghenyi wake wughoma, oosigha kuja kuobua kwa Uo-Uwadie-Ndighi-Rose.

MAKATANISHO 21:3

BWANA wadawirumiria awa wibonyagha hachi na loli, kuchumba kufunya kizongona.

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 22:3

BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

JEREMIA 7:5

“Angu mkaboisa chia renyu na mighendo yenyu kwa loli, na kwa loli mkaitala hachi aghadi yenyu mmbeni na mmbeni,

EZEKIELI 18:8

Usekopeshagha ukisuwiria fwaida, angu kuwusa machurio ghangi, na kukumazira usebonye mawiwi; ela wadatanya hachi aghadi ya mundu na mmbao.

EZEKIELI 45:9

“Ini Bwana MLUNGU naghamba huwu: Uko kutumia ndighi konyu na kukoronga wandu kwakata ee wabaa wa wandu wa Israeli. Sighenyi agho, m'bonye maza ra loli na hachi; sighenyi kusoka wandu wapo. Ini Bwana MLUNGU naghamba.

HOSEA 12:7

BWANA waghamba, “Wandu wa Israeli weesowa wuloli sa Wakanaani; weekunda kukalia wandu wawo na vipimo va tee.

WALAWI 19:15

“Iji kwakatanya kusevise hachi; kusebonye wuchumbano ghungi kwa mkiwa, na kukaia wuzima kwa uo uko m'baa, ela kumtanye mmbenyu kwa hachi.

AMOSI 5:24

Ela hachi ndeidike-dike sa machi, na loli idike sa kamoda kiseomagha.

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

ZEKARIA 7:7

Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.

ZEKARIA 7:8

BWANA ukaghora na Zekaria ukighamba,

MATHAYO 23:23

“Ni bugha konyu inyo walimu wa Sharia na Mafarisayo, waji-kuwi! Angu mwafunya ifungu ja ikumi hata kwa mbogha ra malemba ghinukie nicha, na bizari, ela mwasigha agho malagho ghiko gha suti gha Sharia na hachi, na wughoma, na irumirio. Kumangu agha mwaghibonyere, chiaimweri na ghaja mazima wori.

LUKA 11:42

“Ela ni bugha konyu inyo Mafarisayo, angu mwafunya mafunyo gha malemba gha marumba mecha, na kula mbogha, ela mwaisigha hachi na lukundo lwa Mlungu. Maza iri eremfwanieghe muribonye, na iro zima wori mserisighe.

JOHANE 7:24

Msaketanya kwa kuwona kwa shighadi tu, ela tanyenyi kwa hachi.”

JOHANE 7:51

“Welee, Sharia edu yamtanyagha mndungi disemsikire na kughimanya agho ubonyere?”

WUKUMBUSO 22:1

“Kukawona ng'ombe ya mwanyinyu angu ng'ondi yake yalaghaya, kuseleghe kumtesia, ela kumghenjere mwanyinyu.