Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ZEKARIA 4:7 - Biblia Ilagho Jiboie Kwa Wandu Wose

7 Vighirio viwonekagha sa mghondi vichainjika imbiri kwako, na oho kuchaiagha Hekalu sena. Kukaimeria, kukiwika igho ja kutua, wandu wichazuma wikighamba, ‘Yaghoka nao! Yaghoka!’”

အခန်းကိုကြည့်ပါ။ ကော်ပီ




ZEKARIA 4:7
38 ပူးပေါင်းရင်းမြစ်များ  

Nao iji waaghi wazoya kuagha msingi ghwa Hekalu, wakohani wikasoghoda imbiri wirwae maamba ghawo wiko na tarumbeta, na Walawi wa Kichuku cha Asafu, wiko na kayamba wipate kumkasa BWANA sa iji koni Daudi mzuri wa Israeli orefundishireghe.


Mighondi mibaa ikarama-rama sa mburi, na mighondi mitini sa wana wa ng'ondi.


Kwaki mramaa-rama sa mburi ee mighondi mibaa? Kwaki mramaa-rama sa wana wa ng'ondi ee mighondi mitini?


Igho jerelegheloghe ni waaghi, jawurie ibaa ja mbembenyi.


BWANA ni mlindiri odu na mzuri wa wubaa; wadadirasimia kwa wughoma na ishima. BWANA ndewiimagha kindo chingi chiboie wawuyaghenda nicha.


Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’


Ola nicham'bonya mkaie sa chombo kiwishi chekuwida, chiko na maghegho ghikalie; mchaikaba mighondi na kuifasha-fasha, na mighondi mitini mchaisaghisa sa makanda.


lwaka lwa kuseka na kuboilwa, na lwaka lwa bwana na bibi arusi, na chwaka ra awo wiboragha wikireda mafunyo gha chawucha andenyi ya Hekalu ya BWANA wikighamba, ‘Funyenyi chawucha kwa BWANA wa majeshi, angu BWANA ni mucha, na lukundo lwake lukatie lwadua kwa kala na kala.’ Kwa kukaia nichajibonya isanga jikaie sa iji koni jerekoghe, waghamba BWANA.”


Ola nichalwa na oho ee Babuloni Mnoni kuko sa mghondi ghototesha, nagho ghwadatotesha ndoenyi kose; nichaghorua mkonu ghwapo aighu yako, nani nichakung'arisha kufuma mchombololonyi ghwa igho, nikughushe andoenyi na kukubonya sa mghondi ghukorelo.


Mighondi ichasagha aisi ya maghu ghake sa sungu yakabishirwa modo; ichasea cha vololonyi, seji machi ghiseagha andu kwa lughongo lwa kimusi.


Matuku ghichagha, mghondi andu Hekalu ya BWANA ikaiagha, ghuchakaia ighu kuchumba yose, ghukikaia ighu kuchumba yose na wandu wa mbari rose wichacha wikighughendia.


Ukakaia kimusi ndoe yadasughusika; ukazighana tu, mbari ra wandu radasughisika. Mighondi mibaa ya kokala ikasaghasika, na mighondi mitini ya kokala ikaneng'ena, iyo mighondi oreiselieghe kokala.


“Zerubabeli oreaghieghe msingi ghwa ihi Hekalu, nao nuo moni uchaaimeria. Niko wandu wichaamanya kukaia ni ini nikudumie.


Jesu ukawizera, “Namghoria loli, mkakaia na irumirio, msebonyagha kiture chingi, mwadima kubonya si seji yabonyeka kwa ughu mtini tu, ela hata mkaghuzera mghondi ughu, ‘Kuka kukukumbe baharinyi’ jichabonyeka.


Aho Jesu ukawizera, “Welee, jingi ndemshomie sa iji iandikilo: ‘Igho jerelegheloghe ni waaghi, nijo jeni jiwurie ibaa ja mbembenyi. Na iji ni ibonyo ja Bwana moni, najo jakaia ja mashiniko mesonyi kodu.’


Welee, jingi ndemshomie iandiko iji? ‘Igho jija werejileghieghe waaghi, nijo jeni jawuya ibaa ja mbembenyi.


Nao Jesu ukawizighana na kughamba, “Da sena agha maandiko kutambua kwaro ni wada? ‘Igho werejileghieghe waaghi, nijo jeni jawuya ibaa ja mbembenyi.’


Kula vololo ichachurwa, na kula lughongo na mghondi vichaserwa, chia rikomekie richaghorolwa, na iro rizamie richadendereshwa;


Uhu Jesu nuo ughorelo ni Maandiko Ghielie huwu: ‘Igho jerelegheloghe ni inyo waaghi, nijo jawuya ibaa ja mbembenyi.’


Ela ikakaia uko kusaghulwa ni kwa mvono, ndekukaiagha sena kwa mabonyo anduangi; ngera ni huwo kumangu mvono si mvono ghungi.


muaghilo aighu ya msingi ghwa wadumi, na walodi, Kristo Jesu moni ukikaia igho ja mbembenyi.


Kwa huwo, ni wa zoghori mbaa konyu inyo mrumiriagha; ela kwa awo wiserumiriagha, “Ijo igho jeni waaghi werejileghieghe, nijo jeni jiwurie ibaa ja mbembenyi.”


Kula kisiwa chikakimbia, na mghondi ghungi ndeghorewonekieghe anduangi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ