ZEKARIA 4:2 - Biblia Ilagho Jiboie Kwa Wandu Wose

² Ukanikotia, “Kwawuyawona kii?” Ngatumbulia, “Naawuyawona kinara cha taa cha dhahabu, na bakuli ya mavuda yawikirilwa aighu. Aighu yaro korekoghe na taa mfungade, riko na andu kongiria wutambi kula imu.

ZEKARIA 4:2 ပူးပေါင်းရင်းမြစ်များ

1 MALAGHO GHA NGELO 28:15

Dhahabu ebonya vinara va taa, na taa raro, na feza ebonya kinara cha taa na taa raro kunughana na seji kula kinara cha taa chidumikagha.

2 MALAGHO GHA NGELO 13:11

Wadamfunyira BWANA vizongona vekora kula nakesho na kula na kenyi, na marumba gha vilungo vinukie nicha, sena wiwike Mkate ghufunyiro kwa Mlungu aighu ya meza ya dhahabu ielie, na kuchilindia kilambo chewikiria taa, eri taa raro riakeghe kula luma lwa kenyi; kwa kukaia isi dawuyawadia malaghiro gha BWANA Mlungu odu, ela inyo mwamsighie.

2 MALAGHO GHA NGELO 4:7

Ukabonya vilambo ikumi va dhahabu vewikiria taa, sa iji koni verelaghiriloghe, na kuviwika andenyi ya Hekalu; visanu iichia cha kusinyi, na visanu iichia cha kaskazinyi.

MCHILI 12:6

Tiwina ya feza ichadumbuka, na taa ya dhahabu ichapotoka na kubarika, na mtungi ghwa machi kubarika.

JEREMIA 24:3

BWANA ukanizera, “Jeremia, kwawuyawona kii?” Ngatumbulia, “Naawuyawona tini riboie nandighi na tini rizamie nandighi rizamie hata isedimikagha rijike.”

JEREMIA 52:19

wokoni na bakuli ndini, vilambo vealua modo, na bakuli na nyungu, na kilambo chewikiria taa, na vilambo vefukiria marumba, na bakuli ra vizongona venywa. Kula kilambo cherekoghe cha dhahabu cheredwaloghe ni uja m'baa wa walindiri, na ivo verekoghe va feza ukavidwa chiaro wori.

AMOSI 7:8

Nao BWANA ukanizera, “Kwawuyawona kii Amosi?” Ngamtumbulia, “Naawuyawona kabiro.” Niko BWANA ukaghamba, “Ola naawuyatumia kabiro kuwonyera kukaia aghadi ya wandu wapo Israeli weekomeka sa wurigha, sichaawisigha nisewikabie anduangi.

ZEKARIA 5:2

Malaika ukanikotia ngera niki nawuyawona. Ngamtumbulia, “Naawuyawona chuo chiburukagha; wulacha ghwaro meta ikenda na wushapa ghwaro meta inya na nusu.”

WUFUNUO 1:12

Niko nereghalukieghe nimmbone uo orededanyagha nani; hata iji naghaluka, ngawona vinara va taa va dhahabu mfungade.

WUFUNUO 1:20

Ngasu ya iro nyerinyeri mfungade kuriwonie kwa mkonu ghwapo ghwa kiwomi, na vinara va taa va dhahabu mfungade ni ihi: iro nyerinyeri mfungade ni weke malaika mfungade wa makanisa mfungade; na ivo vinara va taa mfungade, ni makanisa mfungade.

WUFUNUO 4:5

Kufuma kwa icho kifumbi cha nguma, rerefumieghe chuhehia, na chwaka na mirurumo ya chukuwa; na imbiri ya icho kifumbi cha nguma, korekoghe na taa mfungade rikiaka, naro ni roho mfungade ra Mlungu;