ZEKARIA 3:4 - Biblia Ilagho Jiboie Kwa Wandu Wose

⁴ Malaika ukawizera wambao werekoghe kimusi imbiri kwake, “Mruonyi iro nguwo rilue.” Ukamzera Joshua, “Ola nakuinjira kaung'a yako, nani nichakurusha nguwo ra zoghori mbaa.”

ZEKARIA 3:4 ပူးပေါင်းရင်းမြစ်များ

2 SAMUELI 12:13

Nao Daudi ukamzera Nathani, “Nam'bonyere BWANA kaung'a.” Nathani ukamzera Daudi, “Wokoni BWANA nao, wainja kaung'a yako; ndekufwagha kungi.

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

ZABURI 51:9

Kusakerizighana kaung'a rapo; kughiaghie mawiwi ghapo ghose.

ISAYA 43:25

Ini ne Mlungu, uo uinjagha makosa ghako kwa wundu ghwa irina japo, nani sichaarikumbuka kaung'a rako sena anduangi.

ISAYA 44:22

Namerie kuinja makosa ghako sa iwingu, na kaung'a rako sa ikungughu; wuya kwapo, kwa kukaia namerie kukukombua.”

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

JEREMIA 52:33

Niko Jehoiakini ukainja nguwo rake ra kifungonyi, na kula ituku ukakaia ukija vindo mezenyi kwa mzuri;

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

EZEKIELI 42:14

Ngelo wakohani wangia Andu kwa Wueli, wikakafuma cha waza ya shighadi, wichafunya iro nguwo ra wukohani redumika angu iro ni ra wueli, wiro zima, ima wifume noko cha wandunyi.”

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

MIKA 7:19

Kuchadiwonia wughoma sena. Kucharifasha-fasha kaung'a redu aisi ya maghu, na kurikumba baharinyi imilie.

ZEKARIA 3:1

BWANA ukaniwonyera Mkohani M'baa Joshua ukikaia kimusi imbiri ya malaika wa BWANA, na Shetani uko kimusi chia ya mkonu ghwake ghwa kiwomi upate kumshitakia.

ZEKARIA 3:7

kukaia, BWANA Uwadie-Ndighi-Rose waghamba, “Kukawadia sharia rapo, na kukatisha kazi kunekelo kuribonye, kuchadua mzighaniri wa Hekalu yapo, na chukumbi raro; nani nichasikira malombi ghako, seji nawuyasikira malombi gha weke malaika awa wawuyakaia kimusi aha imbiri kwapo.

ZEKARIA 3:9

Naawuyawika igho jiko na chuwaru mfungade imbiri ya Joshua; nichakota mbari aghadi yaro, nani nichainja kaung'a ya isanga iji kwa ituku jimweri.

MATHAYO 22:11

Ela iji mzuri wangia kuwilawua waghenyi wake, ukammbona mndumu aho usewadie irwao ja arusi;

LUKA 1:19

Malaika ukamtumbulia, “Ini ne Gabrieli, nikaiagha kimusi imbiri ya Mlungu, nani naadumwa nichekughoria oho malagho mecha.

LUKA 15:22

Ela ndee ukawizera wadumiki wake, ‘Redenyi shwa-shwa ija nguwo iboie kuchumba mumrushe, sena mumngire pete chalenyi kwake, na vadu maghunyi kwake.

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

WAROMA 3:22

ela Mlungu wadatala wandu kukaia na hachi kwa irumirio jawo andenyi ya Jesu Kristo; nao wadabonya huwo kwa wose wirumiriagha. Kwa kukaia ndekuko kutala wandu kungi anduangi.

WAROMA 6:23

Angu mafungu gha kaung'a ni kifwa, ela inosi ja Mlungu ni irangi ja kala na kala andenyi ya Kristo Jesu Bwana odu.

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAKOLOSAI 3:10

na kurwa wundu wuwishi; nagho ghwaawuyabonywa wuwishi ghupate kummanya kwa kufwananishwa na uo muumbi wake.

WAEBRANIA 8:12

Angu nichawifuya wughoma makosa ghawo, na kaung'a rawo sichaarikumbuka sena anduangi.”

WUFUNUO 5:11

Niko ngazighana, nani ngasikira chwaka ra weke malaika wengi na ndighi, maelfu na maelfu, wiko mbai mbai ya icho kifumbi cha nguma, na iro nyamandu riko moyo, na awo waghosi, wikighamba kwa lwaka lubaa,

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.