ZEKARIA 3:2 - Biblia Ilagho Jiboie Kwa Wandu Wose

² Malaika wa BWANA ukamzera Shetani, “BWANA ndekukemie ee Shetani! Uo BWANA uikunde Jerusalemu ndekukemie. Umundu ooka sa kilaya chafunywa modonyi.”

ZEKARIA 3:2 ပူးပေါင်းရင်းမြစ်များ

2 MALAGHO GHA NGELO 6:5

‘Kufuma ituku niwifunyire wandu wapo isanga ja Misri, seresaghueghe muzi ghungi andenyi ya mbari rose ra Israeli ghukaie andu koaghia hekalu, eri Irina japo jikaieghe aho; hata seremsaghueghe mndungi ukaie m'baa aighu ya wandu wapo Israeli anduangi.

2 MALAGHO GHA NGELO 6:6

Ela namerie kusaghua Jerusalemu eri Irina japo jikaieghe aho, na Daudi ukaie aighu ya wandu wapo Israeli.’

ZABURI 109:31

kwa kukaia wadamdederia uo usowagha, na kumkira na wandu wimtanyagha kufwa.

ISAYA 7:4

kumzere, ‘Kaia meso, kutulie, kuseobuo hata ngolo yako isefo kwa wundu ghwa Mzuri Resini na Wasiria wake, chiaimweri na Peka mwana wa Remalia; angu awo ni sa vilaya va modo vawuyafukia mosi.

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

AMOSI 4:11

“Neretoteshereghe wamu wenyu seji neretoteshereghe wandu wa Sodoma na Gomora. Awo morevuvukieghe morekoghe sa kamudi kavuvulwa modonyi. Hata huwo saki ndemorenighalukieghe,” waghamba BWANA.

ZEKARIA 1:17

Nao uo malaika ukanizera nighambe kukaia BWANA Uwadie-Ndighi-Rose waghamba, “Mizi yapo ichakaia nicha sena, na ini BWANA nichaghuhoresha Sioni na kughusaghua Jerusalemu sena ghukaie ghwapo.”

ZEKARIA 2:12

Juda uchawuya ifungu ja BWANA aighu ya mghondi ghwake ghwa wueli, na Jerusalemu ichakaia muzi ghwake ghukundikie na andu kwake kokaia.

MARKO 1:25

Jesu ukaikania ukighamba, “Nyama kima, kufume kwake.”

MARKO 9:25

Hata iji Jesu wawona izungu jikimtindiria, ukaikemia ija pepo izamie, “Ee pepo kituri kusesikiragha, ini nakuzera, mfume mwana uhu, hata na jingi kusakemmburia.”

LUKA 22:32

Ela nakulombia oho irumirio jako jisakesia, hata iji kwameria kunighalukia kuwimangishe wanyinyu.”

LUKA 4:35

Ela Jesu ukaikania ukaghamba, “Nyama kima kufume kwake!” Nao ija pepo imeria kumghusha aghadi kwawo, ikamfuma, isem'bonyere ilagho jingi.

LUKA 9:42

Nao iji orekoghe ukicha, ija pepo ikamghusha na kumkuna. Ela Jesu ukaikania ija pepo ya makakala, ukam'boisa uja mwana na kumneka ndee.

JOHANE 13:18

“Siwueghora huwu kwa inyo mmbose anduangi, angu nawiichi awa niwisaghue, ela ni suti Maandiko ghikatie, agho ghighambagha, ‘Uo dijanye vindo vapo, waghalukie ulo nani.’

WAROMA 16:20

Na Mlungu uo uredagha sere uchamfasha Shetani aisi ya maghu ghenyu kafwani. Mvono ghwa Bwana Jesu Kristo ndeghukaie andwamweri nenyo.

WAROMA 8:33

Nani uchaawishitakia wasaghulwa wa Mlungu? Mlungu nuo uwitalagha kukaia na hachi;

1 JOHANE 3:8

Mundu ubonyagha kaung'a ni wa Ibilisi, angu Ibilisi wadabonya kaung'a kufuma kuzoya. Kwa wundu ugho, Mwana wa Mlungu orewonekieghe worinyi, upate kurinona kazi ra Ibilisi.

JUDA 1:23

na wamu muwikire kwa kuwikuna kufuma modonyi; na wamu muwiwonie wughoma mkiobua; mkizamilwa hata ni nguwo ilushiro ni mumbi.

JUDA 1:9

Ela uo malaika m'baa Mikaeli, iji orekoghe ukisimana na Ibilisi, kwa kubonya nganyi aighu ya mumbi ghwa Musa, nderedimieghe kumtanya kwa madedo ghangi gha kudukana anduangi; ela ukaghamba, “Bwana ndekukemie.”

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”