ZEKARIA 2:10 - Biblia Ilagho Jiboie Kwa Wandu Wose

¹⁰ BWANA waghamba, “Borenyi na kuzuma ee wandu wa Jerusalemu, angu nichacha kukaia aghadi konyu.”

ZEKARIA 2:10 ပူးပေါင်းရင်းမြစ်များ

ZABURI 40:7

Niko ngaghamba, “Ola nameria kucha sa iji koni malagho ghapo ghiandikilo andenyi ya chuo.

ZABURI 68:18

Orejokieghe aighu, ukiwilongoza wafungwa; ukawusa manosi kufuma kwa wandu, hata kufuma kwa waleghi; eri BWANA Mlungu upate kukaia aho.

KUFUMA 29:45

Nani nichakaia aghadi ya wandu wa Israeli, na kukaia Mlungu wawo.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

ISAYA 37:22

ilagho japo jetumbulia aighu yake ni iji: ‘Muzi ghwa Jerusalemu ghwakuseka na kukumenya; ghwaawuyakunugha ghukikusughusira chongo.

ISAYA 42:10

M'borienyi BWANA lumbo luwishi, inyo wandu wake hata kutua kwa ndoenyi! Bahari ndeirurume, chiaimweri na vose viko andenyi yaro. Masanga gha pwani na wandu wikaiagha andenyi yaro.

ISAYA 48:20

Fuma Babuloni shwa-shwa, kimbia kufume kwa Wakalidayo. Ghora agho malagho kwa kuboilwa, kughighore na kughighenja kutua kose kwa ndoenyi kukighamba, “BWANA wamkombue mdumiki wake Jakobo.”

ISAYA 51:11

Niko aho wandu wa BWANA wikombolo wichawuya, wichacha Jerusalemu wikibora, nawo wichakaia na maboilo gha kala na kala; wichakaia na iseko na kuboilwa, wasi na kulila ndeghuchaakaia kwawo anduangi.

ISAYA 52:11

Fumenyi, mfume Babuloni mghende noko, mseadade kindo chingi chiseelie; fumenyi aghadi kwake mkueleshe mmbeni; inyo mmbose muvidwagha vilambo va BWANA.

ISAYA 54:1

BWANA waghamba, “Bora ee Jerusalemu, kuko sa muka uko kolowi, bora nandighi kwa kuboilwa, oho jingi kusekumbie lufu! Wana wako wichakaia wengi, kuchumba wa muka ulowolo.

ISAYA 61:10

Ini Jerusalemu nichazuma nandighi andenyi ya BWANA, roho yapo ichakasa andenyi ya Mlungu wapo; angu Mlungu wanirushire marwao gha kukia, na kunifinikira nguwo ya hachi; sa bwana arusi ukupambie moni na maua, na sa mwai ulowolwagha ukupambie na lulu.

ISAYA 66:14

Mchawona na ngolo renyu richaboilwa, mchakaia na ndighi na kuwona nicha kara kara na nyasi; na wandu wichamanya kukaia mkonu ghwa BWANA ghokwanye na wadumiki wake, na machu ghake ghibirie ghadakaia aighu ya wamaiza wake.”

JEREMIA 30:19

Chumbo na kubora kwa makaso kuchafuma kwawo, na chwaka ra kuboilwa richasikirika. Nichawichuria nawo wichazegha, nichawibonya wineko ishima, nawo ndewichaakaia watini anduangi.

JEREMIA 31:12

Wichacha wikibora kwa lwaka lubaa, aighu ya Mghondi ghwa Sioni; nawo wichaja manori mecha gha BWANA, gha viro, na divei, na mavuda; gha ng'ondi na ng'ombe ngoo, na marangi ghawo ghichawuya sa mbuwa inyoshere nawo ndewichaasowekelwa sena anduangi.

JEREMIA 33:11

lwaka lwa kuseka na kuboilwa, na lwaka lwa bwana na bibi arusi, na chwaka ra awo wiboragha wikireda mafunyo gha chawucha andenyi ya Hekalu ya BWANA wikighamba, ‘Funyenyi chawucha kwa BWANA wa majeshi, angu BWANA ni mucha, na lukundo lwake lukatie lwadua kwa kala na kala.’ Kwa kukaia nichajibonya isanga jikaie sa iji koni jerekoghe, waghamba BWANA.”

EZEKIELI 37:27

Nichakaia aghadi kwawo, nani nichakaia Mlungu wawo, nawo wichakaia wandu wapo.

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

WALAWI 26:12

Nichasela aghadi konyu, nani nichakaia Mlungu onyu, nenyo mchakaia wandu wapo.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

ZEKARIA 1:16

Kwa huwo naiwuria Jerusalemu nipate kuifuya wughoma, Hekalu yapo ichaaghwa, na mizi ichaaghwa.”

ZEKARIA 14:5

Mchafufunuka kwa kuidiria ghadi na ghadi ya ihi vololo ya mghondi ghwapo kwa kukaia ghuchashabuka hata Azeli. Mchakimbia seji weke ndeyo werekimbiagha msughusiko ghwa ndoe matuku gha Uzia mzuri wa Juda. Niko BWANA Mlungu wapo uchacha chiaimweri na weke malaika wake.

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

ZEKARIA 2:5

Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”

ZEKARIA 8:3

Nichawuya Jerusalemu nikaie aho muzi ghwapo ghwa wueli. Jerusalemu ichamanyika sa muzi ghwa wuloli, na mghondi ghwa BWANA Uwadie-Ndighi-Rose ghuchawangwa mghondi ghwa wueli.

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

MALAKI 3:1

BWANA Uwadie-Ndighi-Rose watumbulia, “Nichamduma mdumwa wapo, upate kuboisa chia imbiri kwapo, na uo BWANA mwawuyamsuwiria uchacha ghafla andenyi ya Hekalu yake. Uo mdumwa mwawuyamsuwiria uchacha na kueresha ilaghano japo.”

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 14:23

Jesu ukamtumbulia, “Mundu ukanikunda, uchajiwadia Ilagho japo, na Aba uchamkunda, nesi dichacha na kukaia andwamweri nao.

WUKUMBUSO 28:64

Nao uchamsaghisa aghadi ya wandu wose ndoenyi ii chia na ii chia; na aho mchaidumikia milungu mizima ya midi na ya magho, iyo msereiichighi hata weke ndeyo.

WAFILIPI 4:4

Boilonyi andenyi ya Bwana matuku ghose; naghamba sena, Boilonyi.

WUFUNUO 2:1

“Uo malaika wa ikanisa ja Efeso kumuandikie huwu: ‘Agha ni malagho gha uo uwadiagha nyerinyeri mfungade kwa mkonu ghwake ghwa kiwomi, uselagha aghadi ya vinara va taa va dhahabu mfungade.

WUFUNUO 21:3

Ngasikira lwaka lubaa kufuma kwa icho kifumbi cha nguma lukighamba, “Ola wulalo ghwa Mlungu ni andwamweri na wadamu. Nao uchakaia andwamweri nawo, nawo wichakaia wandu wake; Mlungu moni uchakaianya nawo.