ZEKARIA 11:3 - Biblia Ilagho Jiboie Kwa Wandu Wose

³ Wabonyi nguma waawuyakema kwa wasi; wubaa ghwawo ghwameria kuinjwa! Sikirenyi mrurumo ghwa shimba; mbagho yawo ekaia iko Jordani yameria kunonwa!

ZEKARIA 11:3 ပူးပေါင်းရင်းမြစ်များ

ZABURI 22:21

Kunivuvuo momunyi ghwa shimba, vuvua roho yapo yawuyatirirwa ni mbembe ra mbogho.

ISAYA 5:29

Masikari ghawo ghiaruma sa shimba, wiaruma sa shimba ngoo; waruma na kuwada madiwo ghawo, waghiduka, na mndungi ndeuko otesia.

ISAYA 65:15

Wasaghulwa wapo wichatumia irina jenyu kwa kuwasira njowe, na ini BWANA Mlungu nicham'bwagha inyo; ela wadumiki wapo nichawineka irina izima.

JEREMIA 2:15

Wiamdokia sa shimba, wadoka nandighi; Wajibonyere isanga jake jikawuya kireti, na mizi yake yasighilo putu ikawuya maghacho.

JEREMIA 2:30

Nawinekie wana wako adhabu, ela ndewicheetala kukuboisa weni. Mwawibwaghie walodi wenyu mmbeni, karakara na shimba ifondiagha.

JEREMIA 26:6

nichaibonya Hekalu ihi iwuye sa Shilo; na mbari rose ra ndoenyi wichatumia irina ja ughu muzi sa kilambo chiwadilo ni njowe.’”

JEREMIA 49:19

Olenyi sa iji shimba ichagha iranunyi ja ng'ondi jimange, kufuma kwa icho kilemba cha Moda ghwa Jordani, niko koni nichaawibonya Waedomu wikimbie shwa-shwa kufuma isangenyi kwawo; nani nichamsaghua mundu mzima ojibonyera nguma uo ose nichaamkunda. Nani uko sa ini, nani udimagha kunishitakia? Ni m'bonyi nguma uao udimagha kusimana nani?

JEREMIA 50:44

“Ola nichacha shwa-shwa seji shimba ijokagha kufuma kilembenyi cha Jordani, kungia iranu ja ng'ondi jimange, na kuwibonya wikimbie kufuma mzinyi kwawo, nani nichammbika mundu mzima aighu ya ugho muzi, uo nichaamsaghua. Nani uko sa ini? Nani udimagha kunishitakia? Ni m'bonyi nguma uao udimagha kulwa nani?

JEREMIA 7:4

Msakeghirumiria agha malagho gha tee gheghora, ‘Ihi ni Hekalu ya BWANA, Hekalu ya BWANA, Hekalu ya BWANA.’

EZEKIELI 19:2

kughambe: Mayo orefwananeghe na shimba ya waka saki aghadi ya shimba! Eredimieghe andonyi aghadi ya shimba ngoo, ikiwilela wana wake.

HOSEA 10:5

Wandu wikaiagha muzi ghwa Samaria wichaobua na kulila kwa wundu ghwa mlimu ghwa ngache ya dhahabu ghwa Beth-aveni. Wandu awo chiaimweri na wakohani wighudumikiagha wichalila kwa kuwona wubaa ghwaro seji ghwainjwa.

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

AMOSI 8:8

Kwa huwo ndoe ichasughusika, na kula mundu isangenyi uchakaia na wasi. Isanga jose jichasughusika; jikichua na kumichwa-michwa sa ugho moda ghwa Naili ghuko Misri.

ZEFANIA 1:10

“Ituku ijo mchasikira kililo kibaa Mbenge ya Samaki, andenyi ya Jerusalemu. Mchasikira kililo kufuma muzi mmbishi ghwa kaavui, na lwaka lwa kilambo chibarikagha mighondinyi.

ZEFANIA 3:11

Ngelo iyo, ndemchaafushwa waya wei morenileghieghe. Nichainja wandu wose werekukasagha na kukuduka, nenyo ndemchaanilegha sena aighu ya mghondi ghwapo ghwa wueli.

ZEFANIA 3:3

Wabaa wake weeka sa shimba irurumagha na watanyi wake sa vikwau viko njala, vijagha kwa lwafuo visedimagha kusighara hata indi nakesho.

ZEKARIA 11:2

Kema mchungu ee msumbesu, angu misida yaghwa; iyo midi ikumikie yanoneka. Kemenyi mchungu mlile ee mialoni ya Bashani, ugho msidu m'baa ghwademwa.

ZEKARIA 11:8

Andenyi ya mori ghumweri, ngachumbana na walisha wadadu werezamiloghe ni ini, dikasighana.

MATHAYO 15:14

Wisighenyi noko! Awo ni vilongozi vifue meso. Kitungure ukamghenja kitungure mmbao, wose wawi wichachunukia kinenyi.”

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.