ZEKARIA 1:4 - Biblia Ilagho Jiboie Kwa Wandu Wose

⁴ Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

ZEKARIA 1:4 ပူးပေါင်းရင်းမြစ်များ

2 MALAGHO GHA NGELO 30:6

Niko wadumwa wikaghenda andu kose Israeli na Juda, wiko na barua rafuma kwa mzuri, na wanjama wake; riandikilo malaghiro gha mzuri huwu: “Ee wandu wa Israeli, wuyenyi kwa BWANA, uo Mlungu wa Abrahamu, Isaaka, na Israeli eri upate kummburia inyo wandu msigharikie na kufufunuka mikonunyi kwa wazuri wa Ashuru.

2 MALAGHO GHA NGELO 30:7

Msakekufwananisha na weke ndeyo, na wanyinyu awo wiserekoghe waloli kwa BWANA Mlungu wa weke ndee, nao ukawibonya wikaie waduu seji muwiwonagha.

2 MALAGHO GHA NGELO 34:21

“Ghendenyi mkotie malagho kwa BWANA kwa wundu ghwapo, na kwa wundu ghwa wandu wisigharikie andenyi ya Israeli na andenyi ya Juda aighu ya malagho gha icho chuo chawonwa, angu BWANA oko na machu mabaa nandighi aighu yedu kwa kukaia weke aba wiseghiwadie malagho gha BWANA na kughibonya na seji ghiandikilo andenyi ya icho chuo.”

EZRA 9:7

Kufuma matuku gha weke aba, hata idana isi wandu wako dabonyere kaung'a na ndighi. Kwa wundu ghwa kaung'a redu, isi chiaimweri na wazuri wedu, na wakohani wedu, dangirie mikonunyi kwa wazuri wa kighenyi, dikabwaghwa, dikadwalwa wunyika, dikasokwa, na kusowelwa ishima, seji diko idime.

NEHEMIA 9:16

Ela weke aba wikang'eta na kukukasa, wikalegha kusikira malaghiro ghako.

NEHEMIA 9:26

“Ela hata huwo saki, wandu wako wikalegha kukusikira; wikaighalukia sharia yako nambai. Wikawibwagha walodi awo werewiwonyereghe, wikiwighoria wikughalukie oho. Wikakumenya oho ngelo kwa ngelo.

NEHEMIA 9:30

Korerumaghianyegha nawo mwaka kwa mwaka, kukawifuria walodi wako wiwiwonyere, ela wandu wako wikariwa madu, na oho kukawisigha wisimo ni wamaiza wawo.

ZABURI 78:8

Ndewichaaghilika na kulegha sa weke wawae, awo wiserekoghe na irumirio jimange kwa Mlungu hata kukaia mloli kwake.

ISAYA 31:6

Mmburienyi Mlungu uo mumleghie nandighi ee wandu wa Israeli.

JEREMIA 18:11

Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’

JEREMIA 23:22

Ngera loli wedeeka andenyi ya njama rapo, kumangu waghorie wandu wapo ilagho japo, na kumangu wandu wapo waghalukie na kusigha chia rawo mbiwi, na mabonyo ghawo ghizamie.

JEREMIA 25:8

“Kwa huwo BWANA wa majeshi waghora huwu, angu msenisikire,

JEREMIA 26:5

na kulindia malagho gha wadumiki wapo walodi nawuyawiduma konyu toe, hata ngera ndemuwitalie,

JEREMIA 3:12

Ukaniduma nighende nimzere Israeli huwu: “Wuya ee Israeli kuseko mloli, Sichaakuvaia machu sena, kwa kukaia ini ne wa wughoma, sichaakaia na machu kwa kala anduangi.

JEREMIA 3:14

“Wuyenyi ee wandu mseko na wuloli, angu ini ne Bwana onyu, nichammbwada umweri kufuma mzinyi, na wawi kufuma kinyumba chimweri, nani nichamreda Jerusalemu.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 4:1

BWANA waghamba, “Iji kwakunda kuwuya, kuwuye kwapo ee Israeli. Kukainja wuchafu ghwa milimu yako niseiwone, nao kukaie kuseghalukagha,

JEREMIA 44:16

“Ndedichaakusikira kwa agho malagho kwadighoria kwa irina ja BWANA;

EZEKIELI 14:6

“Kwa huwo, kuwizere wandu wa Israeli kukaia uo Bwana MLUNGU waghamba huwu, Heenyi mghaluke, mfume kwa milimu yenyu, na kuinjikia ugho wuchafu ghonyu ghose.

EZEKIELI 20:18

Nani ngawizera wana wawo aho kireti: Msenughe sharia ra weke ndeyo, hata msenughe mafundisho ghawo, sena msakekulusha na milimu yawo.

EZEKIELI 33:11

Wizere, Sa iji koni ini Bwana MLUNGU nikaigha moyo, naghamba, Siboilwagha ni kifwa cha mundu mmbiwi, ela neekunda uo mmbiwi ughaluke na kurisigha chia rake mbiwi ukaie moyo. Ghalukenyi msighe chia renyu mbiwi, ee wandu wa Israeli; ado mfuyaki wandu wa Israeli?

EZEKIELI 33:4

Mndungi ukatoteshwa ni ugo wuda kwa kuleghatala lwaka lwa tarumbeta, bagha yake ichakaia aighu yake moni.

DANIELI 9:6

Dalemelo ni kuwisikira wadumiki wako walodi awo wereghorieghe na wazuri wedu, na wabaa wedu, na weke aba wedu, na wandu wose wa isangenyi kwa irina jako.

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

AMOSI 5:24

Ela hachi ndeidike-dike sa machi, na loli idike sa kamoda kiseomagha.

MIKA 2:6

Wandu waawuyanizera, “Kusedichilie. Kusechileghe maza iri. Mlungu ndechaadibonya kiwiwi anduangi.

ZEKARIA 1:3

ela idana namzera, ‘Niwurienyi ini nani nichammburia.

ZEKARIA 7:7

Agha malagho nigho gheni BWANA oreghighoragha ukitumia walodi wa imbiri, ingelo Jerusalemu erekoghe nicha ichulo ni wandu; ngelo wandu werekoghe wengi wikikaia mizinyi na mbai mbai yaro, na masanga gha kusinyi, na wurindinyi cha magharibi kirimbenyi cha mighondi.

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

MABONYO GHA WADUMI 3:19

Kwa huwu heenyi mghaluke, eri kaung'a renyu ripate kufutwa na matuku ghedeghedeshwa ghiche kufuma kwa Bwana;

1 PETRO 1:18

Angu mwamanya morekombologhe kufuma kwa iro chia renyu ra wuduu ra kala, iro moreriwadieghe kufuma kwa weke ndeyo; si kwa vilambo vinonekagha sa feza angu dhahabu anduangi,