ZEKARIA 1:2 - Biblia Ilagho Jiboie Kwa Wandu Wose

² BWANA Uwadie-Ndighi-Rose ukamzera Zekaria uwighorie wandu, “Ini BWANA nazamilo ni weke ndeyo nandighi,

ZEKARIA 1:2 ပူးပေါင်းရင်းမြစ်များ

2 WAZURI 22:19

na kwa kukaia kwaherie na kukusera imbiri kwapo ngelo koresikireghe sa iji nighorie aighu ya muzi ughu na wandu wake, seji wichaachelwa ni wuduu na njowe, kukarashua nguwo rako na kulila imbiri kwapo, nanimoni nakusikira; ini BWANA naghamba.

2 WAZURI 23:26

Ela machu gha BWANA aighu ya Juda ndeghereghalukieghe anduangi kwa wundu ghwa kuvavirwa ni mabonyo ghizamie gha Manase.

EZRA 9:13

Hata ngera dapatiro ni agho ghose ghikikaia ikabo kwa wundu ghwa kaung'a redu nyingi, ndekudikabie seji idifwane dikabo, kukadisighia wulalo ghokaia moyo.

ZABURI 60:1

Ee Mlungu, oho kwadileghie, kukasigha ngome redu richikanyo; kwazamilo, dakulomba kudiwurie.

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

JEREMIA 44:6

Kwa huwo nerejokeloghe ni machu ghapo na kubia kwapo aighu ya mizi ya Juda, na chienyi ra Jerusalemu, nayo ikasighwa miduu seji iwonekagha idime.

KILILO CHA JEREMIA 5:7

Weke wawa wabonyere kaung'a, nawo waidie; nesi daawuyapata wasi kwa wundu ghwa kaung'a rawo.

EZEKIELI 22:31

Kwa huwo niko nidirie machu ghapo aighu kwawo, na kuwimeria na modo ghwa lubio lwapo; na wuwiwi ghwa mabonyo ghawo ghuchakaia aighu yawo weni. Ini Bwana MLUNGU naghamba.”

EZEKIELI 8:18

Kwa huwo nichawibonyera malagho kwa machu, sichaawiwonia wughoma hata kuwilekia, hata wikanikemia kwa lwaka lubaa, sichaawisikiria anduangi.”

ZEKARIA 1:15

nani neko na machu mabaa nandighi aighu ya mbari ra wandu wawuyakaia kima kwa sere; kwa kukaia ingelo neremaziriagha machu ghapo kwa wundu ghwa wandu wapo, awo wedechuria kuwikoronga.

ZEKARIA 7:12

Wikakurisha ngolo rawo sa igho wisesikire sharia, na malagho ghapo agho nereghidumieghe kwa Roho wapo kwa chia ya walodi wa imbiri. Kwa huwo ngajokwa ni machu mabaa.

ZEKARIA 8:14

BWANA Uwadie-Ndighi-Rose waghamba, “Iji weke wawayo werenibonyereghe ngajokwa ni machu, nerebonyereghe mipango ya wuwiwi kwawo, nani serewonyeragha wughoma ghungi kwawo.

MABONYO GHA WADUMI 7:52

Ni mlodi uao weke ndeyo wiseremtiririeghe? Sena wikawibwagha awo werezoeghe kueresha malagho gha kucha kwake Uja Mhachi uo moremfunyireghe na kum'bwagha.