ZEFANIA 3:9 - Biblia Ilagho Jiboie Kwa Wandu Wose

⁹ “Niko nicharighalua mbari ra wandu wipate kunitasa ini niekeri, hata si milungu mizima anduangi. Wandu wose wichanisikira.

ZEFANIA 3:9 ပူးပေါင်းရင်းမြစ်များ

KUZOYA 11:1

Ngelo iyo, wurumwengu ghose ghorekoghe na kiteto chimweri na lwaka lumweri.

KUZOYA 4:26

Sethi ukava mwana wa womi, nao ukammbanga Enoshi. Ngelo iyo, wadamu werezoeghe kumtasa BWANA.

ZABURI 113:3

Irina ja BWANA ndejikaso, kufuma mashariki hata magharibi.

ZABURI 22:27

Mbari rose ra wandu richamkumbuka BWANA. Wurumwengunyi kose, wandu wichamghalukia uo, na vinyumba vose va wandu vichamtasa.

ISAYA 19:18

Ngelo iyo ikavika, kuchakaia na mizi misanu andenyi ya isanga ja Misri idedagha Kikanaani. Wichabonya ighemi kukaia waloli kwa BWANA wa majeshi. Muzi ghumu ghwa iyo ghuchawangwa Muzi ghwa Iruwa.

ISAYA 57:19

nichawibonya awo werekoghe wikilila wichulo ni makaso andenyi ya Israeli. Sere, sere kwa uo uko kula na uo uko kaavui, ini BWANA naghamba, nani nichamkira.

ISAYA 6:7

Ukaniadada momunyi kwapo na ijo ika, ukaghamba, “Ola iji jakuadada momu ghwako; wuwiwi ghwako ghwainjwa, na oho kwafuilwa wughoma.”

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

EZEKIELI 37:17

nao kuviwasanye chiaimweri vose viwuye chenga chimweri mkonunyi kwako.

HABAKUKI 2:14

Kwa kukaia ndoenyi kuchachulwa ni kughumanya wubaa ghwa BWANA seji machi ghichuagha baharinyi.

ZEFANIA 2:11

BWANA uchawiobosha. Uchaimeria milungu yawo na kuibonya kukaia si kindo chingi, na kula mbari ichamtasa BWANA isangenyi kwake.

ZEKARIA 14:9

Niko BWANA uchawuya mzuri wa ndoenyi kose; kula mundu uchamtasa uo Mlungu, na kummanya kwa ijo irina jimweri.

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

MATHAYO 12:35

Mundu mucha wadafunya malagho mecha kufumanya na ghaja mecha uko nagho, na wokoni mundu mmbiwi kufumanya na ghuja wuwiwi uko nagho wadafunya maza rizamie.

WAEFESO 4:29

Msakededa malagho ghangi ghizamie, ela mdede agho gheni ghiko mecha kwa wundu ghwa kuaghana; agho gheni ghifwanagha kwa ngelo yaro, ghipate kuwineka mvono awo wisikiragha.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”