ZEFANIA 3:6 - Biblia Ilagho Jiboie Kwa Wandu Wose

⁶ BWANA waghamba, “Nameria kuritotesha mbari zima rose; namerie kuinona mizi yawo, mawurigha gharo na minara yawo. Chia rawo reesighwa nduu, ndekuwadie mndungi aho.

ZEFANIA 3:6 ပူးပေါင်းရင်းမြစ်များ

ISAYA 14:26

Agha nigho makusudi ghapo nighiwikie kwa wundu ghwa ndoenyi kose; na huwu niko mkonu ghwapo ghokaba ghwaghorolwa kwa mbari rose.”

ISAYA 37:36

Nao malaika wa BWANA ukaghenda kambinyi ya Waashuru, na kuwibwagha wandu elfu ighana na mirongo wunyanya na wasanu. Hata iji wandu werewukieghe nakesho, wikakua awo wandu wose wifue.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

JEREMIA 9:12

Ngakotia, “Ni mundu uao uko na akili udimagha kutambukilwa ni agha malagho? Nani kwamghoria upate kudighoria? Kwaki isanga janoneka huwu na kusighwa iduu kara kara na kireti; hata mndungi usedimagha kuida aho?”

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

ZEFANIA 2:5

Ni bugha konyu inyo mkaiagha kaavui na bahari, inyo mbari ya Wakerethi. Ilagho ja Mlungu jaawuyaghora aighu yenyu ee wandu wa Kanaani isanga ja Wafilisti. BWANA uchamtotesha hata mndungi onyu ndechaasigharika.

ZEKARIA 7:14

Ngawifunya sa kudukwa ni kiremba ngawisaghisa aghadi ya mbari ra wandu wa masanga gha kighenyi. Iji isanga jiboie jikasighwa iduu jisena wandu.”

MATHAYO 23:38

Zighana idana kwasighilwa nyumba yako duu.

1 WAKORINTHO 10:11

Maza iri rerebonyekieghe kwawo rikaie mfwano, rikaandikwa rikaie mafundisho kodu isi divikilo ni ngelo ra kutua.

1 WAKORINTHO 10:6

Idana maza iri rakaia mfwano kodu, dipate kukufundisha disekaie na bea ya maza rizamie seji awo werebonyereghe.

JOSHUA 23:4

Namerie kuwaghia vichuku venyu ifwa ja isanga iji ja wandu wisigharikie, chiaimweri na iji ja wandu nimerie kuwisima; kufuma Jordani hata Bahari ya Mediterania cha magharibi.