ZEFANIA 2:9 - Biblia Ilagho Jiboie Kwa Wandu Wose

⁹ Kwa huwo, sa iji nikaiagha moyo, ini BWANA wa majeshi, Mlungu wa Israeli, naghema kukaia Moabu ichakaia sa Sodoma, na Waamoni sa Gomora. Isanga jichakaia na vina va chumbi, najo jichanoneka kwa kala na kala na kubukwa ni isaka. Masighariko gha wandu wapo wichawisoka vilambo na kuwusa isanga jawo.”

ZEFANIA 2:9 ပူးပေါင်းရင်းမြစ်များ

ISAYA 11:14

Ela wichawadana na kuwingiria Wafilisti wiko cha magharibi; wichawikaba na kuwidwa wunyika wandu wa mashariki. Wichawikaba na kuwisima wandu wa Edomu na Moabu, na Waamoni wichakuwika aisi yawo.

ISAYA 25:10

BWANA uchaghulindia ughu mghondi, na wandu wa Moabu wichawadilwa sa nyasi andenyi ya kina cha mboleo.

ISAYA 49:18

Wusira meso ghako kuzighane kose kuwone; wandu wako wose wakwanyika wiakuchea oho. Sa iji koni niko moyo, waghamba BWANA, wandu wako wichakaia kwako sa mapambo, wichakaia aghadi kwako sa mapambo gha mwai ulowolwagha.

JEREMIA 46:18

“Mzuri, uo uwangwaghwa BWANA wa majeshi waghema, Sa iji koni nikaiagha moyo, waghamba Mzuri, mndumu uchacha sa Mghondi ghwa Tabori aghadi ya mighondi, na sa Mghondi ghwa Karmeli ghuko mbai na mbai ya bahari.

JEREMIA 48:1

BWANA wa majeshi, uo Mlungu wa Israeli waghamba huwu aighu ya Moabu, “Ni bugha kwa wandu wa Nebo, kwa kukaia muzi ghwawo ghwasighwa mduu. Kiriathaimu yasimwa na kuwadwa, iro ngome rawadwa rikachikanywa, na wandu wawo wafushwa waya.

JEREMIA 49:1

BWANA waghamba huwu aighu ya Waamoni, “Welee, Israeli ndewadie wana? Welee, ndena mundu wa ifwa? Kwaki wandu wetasa ghuja mlungu Moleki wingirie isanga ja Gadi, na kukaia andenyi ya mizi yaro?

JEREMIA 49:18

Angu iji Sodoma na Gomora chiaimweri na mizi iko mbai mbai eretotesheroghe, ndekuwadie mndungi uchaakaia aho angu kuidiria aho.

JEREMIA 49:33

Hazori uchawuya kireti cha mizozo, na kusighwa nduu kwa kala na kala; mndungi ndechaakaia aho, hata mndungi omara-mara ndechaakaia aho anduangi.”

JEREMIA 50:40

Sa iji koni Mlungu oreitoteshereghe Sodoma na Gomora, chiaimweri na mizi yaro ya kaavui, ni huwo koni ndekuwadie mdamu ungi uchaakaia andenyi ya mizi ihi, hata omara-mara moni, ini BWANA naghamba.

AMOSI 1:13

BWANA waghamba, “Wandu wa Amoni wabonyere kaung'a sena na sena; kwa wundu ugho nichawikaba. Wuda ghwawo ghokunda kuchuria isanga warashue waka wa Gileadi wiko na vifu.

AMOSI 2:1

BWANA waghamba, “Wandu wa Moabu wabonyere kaung'a sena na sena; kwa wundu ugho nichawikaba. Weremsowieghe mzuri wa Edomu ishima kwa kukora maindi ghake ghikawuya ivu.

ZEFANIA 2:14

Kuchawuya andu kolishira, na nyamandu rose ra kula kichuku richakaia aho. Mkungi ghuchakaia a maghachonyi ghukibora aidirishenyi, na ngorusa avizingitinyi va mnyango; kazi yose ya mudi ghwa sida ibonyero ichainjwa.

ZEFANIA 2:7

Isanga ja pwani jichawuya ifwa ja masighariko gha wandu wa Juda. Wichakaia wikilisha mfugho rawo aho, nawo wichakaia wikilala nyumba ra Ashkeloni. BWANA Mlungu wawo uchakaia andwamweri nawo, nao uchawiwunjira andu kwawo.

ZEFANIA 3:13

Wandu wose wa Israeli wichaasigharika ndewichaam'bonyera mndungi makosa, hata kughora tee, angu kukalia. Wichakaia nicha, wiko na wulindiri ghukate, hata ndewichaamuobua mndungi anduangi.”

ZEKARIA 2:13

Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.

MITALO 14:21

ela loli sa iji ini niko moyo, na sa iji ndoenyi kuchaachulwa ni wubaa ghwapo,

WAROMA 14:11

angu yaandikilo, “Sa iji niko moyo, waghamba Bwana, kula ngokoro ichadungwa imbiri kwapo; na kula mundu uchamkasa Mlungu.”

WUKUMBUSO 29:22

“Wana wenyu wa kivalwa chichagha, na waghenyi wifumagha isanga ja kula, wichawona makabo ghose BWANA oreghitumieghe kujikaba ijo isanga, kwa matiriro ghose na makongo.

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.