ZEFANIA 2:5 - Biblia Ilagho Jiboie Kwa Wandu Wose

⁵ Ni bugha konyu inyo mkaiagha kaavui na bahari, inyo mbari ya Wakerethi. Ilagho ja Mlungu jaawuyaghora aighu yenyu ee wandu wa Kanaani isanga ja Wafilisti. BWANA uchamtotesha hata mndungi onyu ndechaasigharika.

ZEFANIA 2:5 ပူးပေါင်းရင်းမြစ်များ

ISAYA 14:29

“Msakeboilwa inyo mmbose Wafilisti, mkikalikia wei ghuja mzata ghoremkabieghe ghoochika; kwa kukaia choka ichafunya choka iko na wusungu, nayo ichava choka iburukagha.

ISAYA 14:30

Wavalwa wa imbiri wa mkiwa wichaja, na awo wisowagha wichalala banana; ela kivalwa chenyu inyo Wafilisti nichachibwagha kwa njala, na masighariko ghenyu nichawibwagha.

JEREMIA 47:7

Elaa, luhora wada na ini BWANA nilulaghirie lupate kubwagha wandu wa Ashkeloni na wandu wa pwani yaro?”

EZEKIELI 25:16

nanimoni ola nichaghorua mkonu ghwapo nikabe Wafilisti; nani nichawibwagha Wakerethi, na kuwitotesha wandu waro wose wa pwani.

AMOSI 3:1

Inyo wandu wa Israeli, sikirienyi ijo ilagho BWANA waghora aighu yenyu; aighu ya mbari yose oreijosereghe kufuma isanga ja Misri:

AMOSI 5:1

Sikirenyi ulu lumbo lolila inyo wandu wa Israeli:

ZEFANIA 1:11

Lilenyi inyo wandu mkaiagha Mota, kwa kukaia wandu wose wa biashara wikaiagha aho wikipima feza wameria kubwaghwa.

ZEFANIA 3:6

BWANA waghamba, “Nameria kuritotesha mbari zima rose; namerie kuinona mizi yawo, mawurigha gharo na minara yawo. Chia rawo reesighwa nduu, ndekuwadie mndungi aho.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”

MARKO 12:12

Nao vilongozi va Wayahudi wikakunda kummbwada, kwa kukaia weremanyireghe angu mfwano ugho ni kwa wundu ghwawo. Ela wikaobua izungu, wikamsigha na kughenda chia rawo.

JOSHUA 13:2

Masanga ghiduagha ni agha: isanga jose ja Wafilisti, na Wageshuri,

JOSHUA 13:3

chiaimweri na masanga gha Waavi noko cha kusinyi. (Isanga jifumagha kamoda ka Shihori, mpakenyi ghwa Misri kughenda noko cha kaskazinyi hata mpakenyi ghwa Ekroni jadatalwa kukaia ni ja Wakanaani. Awo wazuri wa Wafilisti werekoghe wikikaia mizi ya Gaza, Ashdodi, Ashkeloni, Gathi, na Ekroni;)

WATANYI 3:3

Iro mbari reresigharikieghe isangenyi ni wabaa wasanu wa Wafilisti, Wakanaani wose, Wasidoni, na Wahivi awo werekoghe wikikaia mighondi ya Lebanoni, kufuma Mghondi ghwa Baal-herimoni, hata Mbenge ya Hamathi.

1 SAMUELI 30:14

Daafuma kukaba mizi ya Negebu ya Wakerethi, isanga ja wandu wa Juda, na isanga ja Negebu ya Kalebu; na muzi ghwa Siklagi dikaghukora.”