ZEFANIA 1:7 - Biblia Ilagho Jiboie Kwa Wandu Wose

⁷ Ituku ja BWANA jetanya jameria kuvika. Kwa huwo nyamenyi kima. BWANA waboisire kizongona, na kuwiwika waghenyi wake tayari.

ZEFANIA 1:7 ပူးပေါင်းရင်းမြစ်များ

AYUBU 24:1

“Kwaki Uo-Uwadie-Ndighi-Rose usewikagha ngelo etanya? Kwaki usewikagha ituku jewonyera hachi kwa awo wimdumikiagha?

ZABURI 46:10

Waghamba, “Sighenyi kulwa munimanye kukaia ne Mlungu. Ne m'baa aghadi ya mbari ra wandu, ne m'baa ndoenyi!”

ISAYA 13:3

BWANA moni wawilaghira masikari ghake uwiwikie na kuwirumiria, awo wandu wake wiko na ndighi, wipate kuwikaba awo wandu uko na machu nawo.

ISAYA 13:6

Lilenyi, angu ituku ja BWANA jeko kaavui, ijo ituku BWANA Uwadie Ndighi Rose uchaatotesha.

ISAYA 2:12

Kwa kukaia BWANA wa majeshi oko na ituku jesera icho chose chikudukie na kukujosa, icho chose chikujosere ighu;

ISAYA 29:2

ela Mlungu ucharedia muzi ghwa Jerusalemu wasi; muzi ughoni ghuwangwagha “Madhabahu ya Mlungu;” kuchakaia na kililo na kukema mchungu, na muzi ghose ghuchakaia sa madhabahu yachulwa ni bagha.

ISAYA 34:5

BWANA wawika lufu lwake tayari mlungunyi, nalo luasea kukaba Edomu, ee, awo wandu umerie kuwitanya kufwa.

ISAYA 34:6

Lufu lwa BWANA luchachulwa ni bagha rawo na kurogha mavuda ghawo, sa bagha na mavuda gha wana wa ng'ondi na wa mburi, kara kara na mavuda gha figho ra bauru. Kwa kukaia BWANA uchafunya kizongona aja Bosra na kubwagha wandu wengi isanga ja Edomu.

ISAYA 6:5

Niko ngaghamba, “Ni bugha kwapo, angu nalagharie, kwa kukaia ini ne mundu uko na memu ilue; nani nadakaia aghadi ya wandu wiko na memu ilue, na meso ghapo ghammbona Mzuri, Uo BWANA wa majeshi.”

JEREMIA 46:10

Ijo ni ituku ja BWANA wa majeshi jeluya kisasi, ukuluye kisasi moni aighu ya wamaiza wake. Lufu luchaja lughude, luchanywa lughude bagha yawo; kwa kukaia BWANA Mlungu wa majeshi waawuyafunya kizongona, noko cha kaskazinyi kaavui na Moda ghwa Eufrate.

EZEKIELI 7:10

“Zighana ijo ituku! Ola hejo jiacha! Mashaka ghako ghameria kucha, hachi yasoweka, lubando lwawoneka worinyi.

EZEKIELI 7:7

Wandu mkaiagha isangenyi, mwachelwa ni mashaka; ngelo yalighisa, eko kaavui; ni ituku ja ndoghoi iseko ya maboilo ghibonywagha aighu mighondinyi.

JOELI 1:15

Ituku ja BWANA jameria kuvika! Ituku BWANA wawuyareda kunoneka. Uo-Uwadie-Ndighi-Rose uchareda kunoneka koobosha ituku ijo.

JOELI 2:11

BWANA wajifunyira momu ijeshi jake, najo ijeshi ja wandu wake wengi wiwadie ndighi jakatisha malaghiro ghake. Ituku ja BWANA ni ibaa jeobosha; nani udimagha kujirumaghia?

JOELI 2:31

Iruwa jichasera kira, na mori ghuchawuya ghwa ngundu sa bagha, imbiri ijo ituku ibaa ja BWANA jeobosha jisechee.

AMOSI 6:10

Mkichuku wa mundu ufue, uo uko kilongozi cha mariko uchaghufunya ugho mumbi nyumbenyi. Uja mkichuku uchawanga mundu uo ose wasigharika nyumbenyi, “Wele mokwanye na mndungi aho?” Ukatumbulia, “Hata!” Uchaghamba, “Shii! Nyama kima, disesikirike dikijighora irina ja BWANA.”

AMOSI 8:3

Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

HABAKUKI 2:20

Ela BWANA oko andenyi ya Hekalu yake ya wueli; wandu wose wa wurumwengunyi ndewikaie kima imbiri kwake.

ZEFANIA 1:14

Ijo ituku ibaa ja BWANA jameria kuvika; jaawuyacha naiseghe jikishashira; kusikirika kwa ijo ituku ja BWANA kwabirie; kwa kukaia hata ing'oni ja asikari m'baa jichafwa ngolo na kulila.

ZEKARIA 14:1

Ituku ja BWANA jetanya jakaia kaavui. Vilambo vichawadwa Jerusalemu na kuwaghwa mkiwona.

ZEKARIA 2:13

Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

MATHAYO 22:4

Ukaduma wadumiki wazima sena ukighamba, ‘Wizerenyi awo wandu werekaribishiroghe, Olenyi nawika vindo vapo tayari, njau na ngache ribandie rameria kubwaghwa, na kula kilambo cheko tayari; choonyi arusinyi.’

WAROMA 3:19

Idana damanya angu ijo jose Sharia ighoragha, yaghora na awo wiko aisi ya Sharia; eri mndungi usepate jekudederia, na wurumwengu ghose ghupate kukaia aisi ya kutanya kwa Mlungu.

WAROMA 9:20

Oho nani ee mdamu kudimagha kumtumbulia Mlungu? Nyungu ya wongo yadima kumkotia uo uivimbie, “Kwaki kunivimbie wa huwu?”

WAFILIPI 4:5

Wumboa ghonyu ghumanyike kwa wandu wose. Bwana oko kaavui.

WAKOLOSAI 1:12

Mkimfunyira Aba chawucha, uo umdimishire kukaia wandu wifwane kukaia wangara wa ijo ifwa ja waeli, andenyi ya ugho mwengere.

1 SAMUELI 16:5

Nao ukatumbulia, “Ni kwa sere; naacha kum'bwaghia BWANA kizongona. Kueleshenyi mchanye nani kizongonenyi.” Ukamuelesha Jese na kumkaribisha chiaimweri na wana wake wikanye ngelo efunya kizongona.

1 SAMUELI 20:26

Elaima ituku ijo Sauli ndereghorieghe ilagho jingi, angu oregheshereghe, “Kewada Daudi waapatwa ni ilagho jimu jikam'bonya ukaie useelie kimzango.”