ZEFANIA 1:11 - Biblia Ilagho Jiboie Kwa Wandu Wose

¹¹ Lilenyi inyo wandu mkaiagha Mota, kwa kukaia wandu wose wa biashara wikaiagha aho wikipima feza wameria kubwaghwa.

ZEFANIA 1:11 ပူးပေါင်းရင်းမြစ်များ

AYUBU 27:16

Mmbiwi ukeduatumbanya kitungu cha feza sa teri, na kuwika nguwo nyingi ndoe,

AYUBU 27:17

mhachi nuo uchaarwa iro nguwo; mundu usewadie ikosa uchawagha iyo feza.

JEREMIA 25:34

“Inyo vilongozi, walisha wa wandu wapo, kemenyi kwa lwaka. Lilenyi na kukung'arisha terinyi; ngelo yameria kuvika mpate kubwaghwa, nenyo mchabarwa sa chombo chighokie.

JEREMIA 4:8

Kwa wundu ughu, ronyi nguwo ra magunia, mkulilie na kudikwa ni mbori; kwa kukaia machu gha BWANA ghibirie, ndeghidisighie anduangi.”

EZEKIELI 21:12

Kema kudiko ni mbori ee mwana wa mdamu; kwa kukaia ulo lufu ni aighu ya wandu wapo, na aighu ya wabaa wa Israeli; wamerie kufunywa chiaimweri na wandu wapo wibwagho kwa lufu. Kwa huwo kukukabe-kabe bara.

HOSEA 9:6

Iji wasi ghwacha na wandu kusasarika, Misri ichawikwanya wipate kurikilwa Memfisi. Vilambo vawo va zoghori va feza na andu kose mizi yawo erekoghe, ichabukwa ni masaka na minjwa.

JOELI 1:13

Ronyi nguwo ra magunia mlile ee Wakohani; inyo mdumikagha madhabahunyi, lilenyi ahoeni. Choonyi mlale mrwae nguwo ra magunia inyo mdumikagha imbiri ya Mlungu wapo! Kwa kukaia mafunyo gha viro na gha kunywa, ghasoweka Hekalunyi kwa Mlungu onyu.

JOELI 1:5

Wukenyi mlile inyo wawongeri; kemenyi inyo mnywagha divei; zabibu reboisa divei mbishi ranonwa putu.

ZEFANIA 2:5

Ni bugha konyu inyo mkaiagha kaavui na bahari, inyo mbari ya Wakerethi. Ilagho ja Mlungu jaawuyaghora aighu yenyu ee wandu wa Kanaani isanga ja Wafilisti. BWANA uchamtotesha hata mndungi onyu ndechaasigharika.

ZEKARIA 14:21

na kula nyungu iko Jerusalemu na Juda ichawikwa kula kwa wundu ghwa wutasi kwa BWANA Uwadie-Ndighi-Rose, eri awo wose wifunyagha vizongona widime kuritumia kwa kudoghosa naro nyama ra vizongona. Ngelo iyo ikavika, ndekuchaakaia na m'bonyi biashara ungi Hekalunyi kwa BWANA Uwadie-Ndighi-Rose.

JOHANE 2:16

ukawizera awo werekoghe wikiuza maringo, “Rifunyenyi noko iri rose, msakeibonya nyumba ya Aba ikaie nyumba ezoghoria.”

JAKOBO 5:1

Idana inyo wazuri wa mali, lilenyi na kukema mchungu kwa wundu ghwa bugha rimcheagha.