ZEFANIA 1:1 - Biblia Ilagho Jiboie Kwa Wandu Wose

¹ Iji ni ilagho ja BWANA oremnekieghe Zefania ingelo Josia mwana wa Amoni orekoghe mzuri wa Juda. Zefania orekoghe mwana wa Kushi, wawae Gedalia mwana wa Amaria wawae Hezekia.

ZEFANIA 1:1 ပူးပေါင်းရင်းမြစ်များ

2 WAZURI 21:18

Manase ukafwa sa weke ndee, ukarikwa ngomenyi kwake, iyo mbuwa ya Uza; na mwana wake Amoni ukabonya nguma wulalo ghwake.

2 WAZURI 21:26

Ukarikwa kaburinyi kwake, andenyi ya mbuwa ya Uza, na mwana wake Josia ukabonya nguma wulalo ghwake.

2 MALAGHO GHA NGELO 33:20

Niko Manase ukafwa sa weke ndee, wikamrika nyumbenyi kwake; na mwana wake Amoni ukabonya nguma wulalo ghwake.

JEREMIA 1:2

BWANA oreghorieghe na Jeremia mwaka ghwa ikumi na idadu ghwa kubonya nguma kwake Josia mwana wa Amoni, mzuri wa Juda.

JEREMIA 22:11

BWANA waghora huwu aighu ya Joahazi mwana wa Josia, mzuri wa Juda, uo orebonyereghe nguma wulalo ghwa ndee Josia, ukafuma ukaghenda kufuma iji isanga. “Ndechaawuya aha sena,

JEREMIA 25:3

“Kufuma mwaka ghwa ikumi na idadu ghwa kubonya nguma kwake Josia mwana wa Amoni, mzuri wa Juda, serelekieghe kumghoria ilagho ja BWANA ijo orekoghe ukinighoria, na kuvikia linu ni miaka mirongo iwi na idadu; ela ndemoresikireghe anduangi.

EZEKIELI 1:3

BWANA oreghorieghe na ini mkohani Ezekieli, mwana wa Buzi, andenyi ya isanga ja Babuloni, kaavui na Moda ghwa Kebari; ngasikira wulemeri ghwa ndighi ra BWANA aho.

HOSEA 1:1

Iji nijo ilagho ja BWANA oremnekieghe Hosea mwana wa Beeri ngelo Uzia, na Jothamu, na Ahazi, na Hezekia, werekoghe wazuri wa Juda; na wokoni iji Jeroboamu mwana wa Joashi orekoghe mzuri wa Israeli.

2 TIMOTHEO 3:16

Maandiko ghose gheefurilwa ni Mlungu, nagho ghafwana kwa kufundisha, kwa kuwonyera, kwa kuboisa makosa, na kwa kuwifundisha wandu chia ya hachi;

2 PETRO 1:19

Na ijo ilagho ja wulodi, jikachuria kuwoneka kukaia ja loli kuchumba. Nenyo mchabonya nicha mkajizighana, seji mzighanagha taa ikiaka andu kwa kira; hata jija Ituku jiche, na nyerinyeri ya luma lwa nakesho ibuke ngolonyi konyu.