WUKUMBUSO 9:4 - Biblia Ilagho Jiboie Kwa Wandu Wose

⁴ “BWANA Mlungu onyu ukameria kuwifunya noko awo wandu imbiri konyu, mseghore ngolonyi konyu wei BWANA oomreda kujiwuse ijo isanga angu wei mfwane, ela ni kwa wundu ghwa wuwiwi ghwa iro mbari, niko BWANA uwiwingagha imbiri konyu.

WUKUMBUSO 9:4 ပူးပေါင်းရင်းမြစ်များ

KUZOYA 15:16

Kivalwa chako cha kana chichawuya aha, angu wuwiwi ghwa Waamori ndeghukate ghokabwa anduangi.”

EZEKIELI 36:22

“Kwa huwo kuwizere wandu wa Israeli kukaia ini Bwana MLUNGU siwuebonya maza iro kwa wundu ghonyu, ela ni kwa wundu ghwa irina japo ja wueli, ijo mujilushire aghadi ya iro mbari ra wandu morerighendieghe.

EZEKIELI 36:32

Nakunde mmanye angu siwuebonya huwo kwa wundu ghonyu ini Bwana MLUNGU naghamba. Fonyi waya mkambo ni chongo kwa wandu ghwa mighendo enyu, ee wandu wa Israeli.”

WALAWI 18:3

Msakebonya seji Wamsiri wibonyagha isangenyi mzawo andu moredueghe, sena msakebonya seji Wakanaani wibonyagha, aho andu nawuyamghenja. Msakenugha mighendo yawo.

WAROMA 11:20

Iyo ni loli. Ela redechikanywa angu wileghie kurumiria, na oho kwaawuyamanga kwa ijo irumirio jeni. Kwa huwo kusekukase, ela kuobuo.

WAROMA 11:6

Ela ikakaia uko kusaghulwa ni kwa mvono, ndekukaiagha sena kwa mabonyo anduangi; ngera ni huwo kumangu mvono si mvono ghungi.

1 WAKORINTHO 4:4

Ini siichi ngera neko na ilagho jawuyanishitakia, ela ijo sijo jingi jiwonyeragha wei siwadie ikosa anduangi. Bwana nuo unitanyagha.

1 WAKORINTHO 4:7

Kwani-lee, nani ukubonyere kuwoneke wuzima? Anguu, niki kuko nacho icho kuserenekeloghe? Da ikakaia kodenekwa-lee, kukukasiraki sena seji ndekorenekeloghe?

WUKUMBUSO 12:31

Msebonye huwo kwa BWANA Mlungu onyu; kwa kukaia iro maza rose rimzamiagha BWANA Mlungu wako, niro reni wiribonyeragha milungu yawo; hata wadaifunyira wana wawo wa womi na wa waka kizongona kwa kuwikora modonyi.

WUKUMBUSO 31:27

Angu naichi seji mghilikie; wandu msesikiragha. Kamanya mwawuyamlegha BWANA niko moyo dikwanye, ni kuchumba saki iji nafwa!

WUKUMBUSO 8:17

Mkulindie mseghambe ngolonyi wei ni ndighi renyu na kudima konyu kwanekwa iyo mali.

WUKUMBUSO 9:24

Kufuma nazoya kummanya, inyo mwadamlegha BWANA toe.

WUKUMBUSO 9:5

Si kwa wundu ghwa hachi enyu, angu wucha ghwa ngolo renyu mwawuyaghenda kujiwusa isanga jawo anduangi, ela ni kwa wundu ghwa wuwiwi ghwa mbari iri, niko BWANA Mlungu onyu wawuyariwinga noko imbiri konyu upate kukatisha ilagho ijo orewighemieghe weke ndeyo Abrahamu, Isaaka na Jakobo.

WUKUMBUSO 9:7

“Jingi mseliwe seji morem'bonyereghe BWANA Mlungu onyu ukakaia na machu kireti. Kufuma ituku mfumie isanga ja Misri hata kuvika aha, modeeka mkilegha kumsikira BWANA.

2 TIMOTHEO 1:9

Mlungu oredikirieghe na kudiwanga dipate kukaia waeli; si kwa wucha ghwa kazi redu anduangi, ela ni kwa wucha ghwa mpango ghwake moni, na mvono ugho oredinekieghe andenyi ya Kristo Jesu imbiri ya ngelo.