WUKUMBUSO 8:8 - Biblia Ilagho Jiboie Kwa Wandu Wose

⁸ Ni isanga ja ngano na shairi; jiko na mbuwa ra mizabibu; zeituni, makomamanga na wuki.

WUKUMBUSO 8:8 ပူးပေါင်းရင်းမြစ်များ

KUZOYA 49:11

Wadafunga punda wake mzabibunyi, na mwana wa punda kwa mzabibu ghuboie, Nao moni wadaoghosha nguwo rake kwa divei, na marwao ghake kwa divei itinikie sa bagha.

2 SAMUELI 4:6

Mlindiri mnyango ghwa nyumba orekoghe ukiela ngano, ela ukawoka kudungumia, ukalala; niko aho Rekabu na mruna Baana wikangia nyumbenyi.

1 WAZURI 5:11

Solomoni ukamneka Hiramu pishi elfu ighana ra ngano, na lita elfu maghana ana ra mavuda, kwa wundu ghwa vindo va wandu wake mwaka kwa mwaka.

2 WAZURI 18:32

hata nacha na kumghenja isanga jifwanane na jenyu, isanga ja viro na divei, isanga ja mikate na mizabibu, isanga ja mizeituni na wuki; mpate kukaia moyo msefo. Msemsikire Hezekia putu ingelo umzeragha wei BWANA uchamkira.

ZABURI 147:14

Wailindia mipaka yako; na kukughudisha na ngano iboie kuchumba.

ZABURI 81:16

Ela oho nichakujisha viro viboie kuchumba, na kukughudisha na wuki ghufumagha ighonyi.”

ISAYA 7:23

“Ngelo iyo, andu korekoghe na miwalwa ya mizabibu elfu imweri, erekoghe ikipata pesa shekeli elfu imweri, kuchabuka mndungua na minjwa.

JEREMIA 2:7

Nerewiredieghe andenyi ya isanga jinorie, wipate kuja matunda na manori gharo. Ela wiendacha werejinonieghe isanga japo, wikajibonya ifwa japo kukaia wuchafu.

JEREMIA 5:17

Wichaja makuwido ghako na vindo vako; wichabwagha wana wako wa womi na wa waka; wichachinja ng'ondi rako na ng'ombe rako; wichanona mizabibu yako na mitini yako; wichanona mizi yako ya ngome kuirumirie, kwa wuda.”

EZEKIELI 27:17

Juda na isanga ja Israeli werebonyereghe biashara na oho; wikazoghorana na oho kwa ngano, na zeituni, na tini, wuki, mavuda, na marumba.

HOSEA 2:22

na ndoe ichava viro, na zabibu, na zeituni kwa wungi.

HOSEA 2:8

Nao nderemanyireghe wei ni ini nerekoghe ngimneka viro, na divei, na mavuda nderemanyireghe wei ni ini neremnekagha feza na dhahabu iro wereritumiagha kumtasa Baali.

MIKA 4:4

Kula mundu uchakaia na sere aisi ya mzabibu na mtini ghwake, hata ndekuwadie mndungi uchaamuobosha; angu BWANA Uwadie-Ndighi-Rose walaghira.

HABAKUKI 3:17

Hata ngera mtini ghwakaia ghusewadie matunda, na zabibu kusoweka aighu ya mizabibu; hata ngera matunda gha mizeituni ghasoweka na mbuwa kusowa vindo, hata ngera ng'ondi rasia chaghenyi na ng'ombe kusoweka putu boronyi;

MITALO 13:23

Nao wikavika vololo ya Eshkoli, wikadema lumbashu luko na changa chimweri cha zabibu, na wandu wawi wikaluduka na mzeghe-zeghe; wikadwa makomamanga ghamu, na tini wori.

JOHANE 6:13

Wikaitumbanya wikachura vikapu ikumi na viwi va ija mikate ya shairi isigharikie kwa waja wandu werekoghe wikija.

JOHANE 6:9

“Oko mwana wa womi umu aha uko na mikate misanu ya shairi na samaki iwi, ela icho ni kilamboki kwa wandu wengi sa awa?”

WUKUMBUSO 32:13

“Orewisighieghe wibonye nguma masanga ghiko ighu, wikaja vindo va mbuwenyi. Werepatireghe wuki amaghonyi, na mizeituni ikazoghua nicha andoenyi ra magho.

WUKUMBUSO 32:14

Ng'ombe na mburi rawo rerefunyireghe mariwa kwa wungi; werekoghe na ng'ondi riboie, mburi na ng'ombe, mufu ghwa ngano ghudendere, na divei ndicha.

WUKUMBUSO 6:3

Kwa huwo sikira ee Israeli, kulindie kughibonya, kupate kuwona nicha na kuchurikia nandighi isangenyi jinorie, sa iji koni BWANA Mlungu wa weke ndeyo ukulaghirie.

WUKUMBUSO 8:7

BWANA Mlungu onyu waawuyamghenja isanga icha; isanga ja meda ya machi, na ja mariso na ndoria ra machi ghiseagha vololonyi na mighondinyi.

WUKUMBUSO 8:9

Ni andu mchaakaia mkija vindo visesiagha, andu msechaasowa kindo chingi; isanga jiko na magho gha chuma, na mighondi yaro, mwadima kukota shaba.