WUKUMBUSO 8:2 - Biblia Ilagho Jiboie Kwa Wandu Wose

² Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

WUKUMBUSO 8:2 ပူးပေါင်းရင်းမြစ်များ

KUZOYA 22:1

Nao nyuma ya maza iro, Mlungu ukamtima Abrahamu ukaghamba, “Abrahamu!” Nao ukadika, “Neko aha.”

2 MALAGHO GHA NGELO 32:31

Hata iji wabaa wa isanga ja Babuloni weredumieghe wadumwa wichekotia maza ra alama ibonyekie andenyi ya isanga, Mlungu ukamsigha Hezekia umanye moni eri upate kumanya agho ghiko ngolonyi kwake.

2 MALAGHO GHA NGELO 33:12

Nao iji orekoghe andenyi ya wasi, ukamvoya BWANA Mlungu wa weke ndee.

2 MALAGHO GHA NGELO 33:19

Ilombi jake, na seji oremvoyeghe Mlungu ukasikirwa, kaung'a rake, na kusowa wuloli kwake, na andu oreaghieghe andu kotasira mighondinyi, na kuwika fwana ra mlungu ghwa waka Ashera, na fwana ra milimu imbiri usekuserie moni ghaandikilo andenyi ya Malagho gha Ngelo gha Mmboni.

NEHEMIA 9:19

Ela oho, kwa wundu ghwa wughoma ghwako m'baa, ndekorewisighieghe kireti. Ndekoreiinjireghe ija nguro ya iwingu erewighenjereghe chienyi nadime, hata iyo nguro ya modo erewilongozagha na kuwineka mwengere nakio.

AYUBU 33:17

Mlungu wadaghora nawo eri wisighe kaung'a, na kuwikira kufuma kwa kukukasa kwawo.

ZABURI 103:2

Mkase BWANA ee roho yapo, hata kusakeliwa wucha ghwake ghose ukubonyere.

ZABURI 106:7

Iji weke wawa werekoghe Misri, ndeweretalieghe kazi rako ra mashiniko; ndewerekumbukieghe wungi ghwa lukundo lwako lukatie, ela wikamlegha Uo-Uko-Aighu-Nandighi aja Bahari ya Shamu.

ZABURI 136:16

Orewilongozereghe wandu wake kireti; lukundo lwake lukatie lwadua kwa kala.

ZABURI 77:11

Nichakumbuka mabonyo ghako BWANA; hee, nichakumbuka mashiniko ghako gha kala.

ZABURI 81:7

Iji korekoghe na wasi korewangieghe ngakukira; nerekukirieghe nikuvisire andenyi ya iwingu ja lukuwa; nerekutimieghe aho machinyi gha Meriba.

KUFUMA 15:25

Musa ukamkemia BWANA, na BWANA ukammbonyera mudi, ukaghukumba machinyi, na machi ghikawuya ghisingie. Aho BWANA ukawiwikia sharia na malaghiro ghewitima ukighamba,

KUFUMA 16:35

Wandu wa Israeli wikaja ija mana kwa miaka mirongo ina hata wikavika wandunyi, wikaija hata wikavika mpakenyi ghwa isanga ja Kanaani.

KUFUMA 16:4

Niko BWANA ukamzera Musa, “Ola nichanyesha mikate kufuma mlungunyi kwa wundu ghonyu; na wandu wichafuma kushoa ifungu jekata kula ituku, nipate kuwitima ngera wichanugha malaghiro ghapo angu ngera ndewichaaghinugha.

KUFUMA 20:20

Musa ukawizera wandu, “Msakeobua, angu Mlungu waacha kumtima, mpate kumuobua, hata msakebonya kaung'a.”

MAKATANISHO 17:3

Feza na dhahabu radatimwa kwa modo; ngolo radatimwa ni BWANA.

ISAYA 2:17

Kukujosa kose kwa mdamu kuchaserwa, na kukuduka kwa wadamu kuchaserwa; BWANA uekeri nuo uchaajoswa ituku jija.

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

EZEKIELI 20:19

Ini BWANA ne Mlungu onyu; mghende kwa kunugha memu yapo, na kuriwadia sharia rapo nicha.

AMOSI 2:10

Sena neremfunyireghe isanga ja Misri, ngamlongoza kireti miaka mirongo ina, na kumneka isanga ja Waamori.

MITALO 14:33

Wana wenyu wichalisha kireti miaka mirongo ina, nawo wichaja wasi kwa kulegha kurumiria konyu hata mundu onyu wa kutua wasaghia kireti.

LUKA 18:14

Nao Jesu ukaghamba, “Namghoria, mmbwadi wushuru oreserieghe nyumbenyi kwake wanekwa hachi kuchumba Mfarisayo. Angu uhu ukujosagha moni, uchaserwa, na uhu ukuseragha moni, uchajoswa.”

JOHANE 2:25

Hata nderekundieghe mndungi umghorie maza ra wandu anduangi, angu oremanyireghe rose riko andenyi ya mdamu.

WUKUMBUSO 1:3

Ituku ja imbiri ja mori ghwa ikumi na imweri, mwaka ghwa mirongo ina nyuma ya kufuma Misri, Musa ukawighoria wandu wa Israeli malagho gha sharia, sa iji koni BWANA orekoghe wamneka.

WUKUMBUSO 1:33

uo orekirieghe imbiri konyu andenyi ya iwingu nadime, na andenyi ya modo nakio, kummbonyera chia muidiriagha, na wulalo ghodunga hema renyu.

WUKUMBUSO 13:3

msemsikire. BWANA Mlungu onyu waawuyamtumia kumtima eri upate kumanya ngera mwamkunde BWANA Mlungu onyu kwa ngolo renyu rose, na kwa roho renyu rose.

WUKUMBUSO 2:7

“BWANA Mlungu onyu wamerie kumrasimia kwa kazi rose mwawuyabonya, waichi seji mghendagha aghadi ya ichi kireti kibaa; miaka ihi yose mirongo ina, BWANA Mlungu onyu orekoghe andwamweri nenyo; hata ndemsowie kindo chingi anduangi.

WUKUMBUSO 29:5

Namlongozere miaka mirongo ina kireti; ndemchefuilwa ni nguwo, hata vadu venyu.

WUKUMBUSO 32:7

“Kumbukenyi matuku gha kala, iro ngelo riidie; kotia ndeyo ukughorie agho gherekoghe, kotia waghosi nawo wichakughoria agho gherebonyekieghe.

WUKUMBUSO 7:18

Msewiobuo; kumbukenyi seji BWANA Mlungu onyu orem'bonyereghe mzuri wa Misri yose.

WUKUMBUSO 8:16

Wamnekie mana kireti; vindo viserejiloghe ni weke ndeyo. Ukamfundisha kwa maza rikatie, ukamtima eri upate kum'bonyera mecha kutuonyi.

JAKOBO 1:3

angu mwamanya kutimwa kwa irumirio jenyu kuareda kumanga.

JAKOBO 4:10

Mkusere mmbeni imbiri ya Bwana nao uchamjosa inyo.

JAKOBO 4:6

Ela wanekagha mvono ghuchumbie, kwa huwu Maandiko ghaghamba, “Mlungu wawitangala wang'eti, ela wawineka mvono awo wikuseragha.”

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

WATANYI 2:22

nipate kuwitima Waisraeli kwa kutumia awo wandu ngera loli wichalindia kughenda kwa chia ra BWANA seji weke ndee werebonyereghe.”

WATANYI 3:4

Wandu awo weresighiloghe kwa kuwitima Israeli ngera loli wichasikira Sharia ra BWANA iro orewinekieghe weke ndee kwa chia ya Musa.