WUKUMBUSO 7:6 - Biblia Ilagho Jiboie Kwa Wandu Wose

⁶ Angu inyo mo wandu msaghulo ni BWANA Mlungu onyu kufuma aghadi ya wandu wose wa ndoenyi; mkaie wake moni; nenyo mo wasaghulwa wa BWANA Mlungu onyu.

WUKUMBUSO 7:6 ပူးပေါင်းရင်းမြစ်များ

1 WAZURI 3:8

Na ini mdumiki wako neko aghadi ya wandu wako korewisaghueghe; wandu wengi wisetalikagha.

EZRA 9:2

Wayahudi walowue wai wamu wawo; mbari ya wueli ikakuranganya na waisanga wa aha. Vilongozi na wabaa niwo wa imbiri kubonya maza iri.

ZABURI 114:2

wandu wa Juda werewurieghe waeli wa BWANA, na wandu wa Israeli wikawuya ifwa jake.

ZABURI 135:4

Wamsaghue Jakobo ukaie wake, wandu wa Israeli wikaie mali yake cheni.

ZABURI 50:5

Waghamba, “Nikwanyienyi wandu wapo waloli awo wibonyere ilaghano nani kwa kizongona.”

KUFUMA 6:7

nani nichammbusa mkaie wandu wapo, nani nikaie Mlungu onyu; niko mchamanya angu ini ne BWANA, Mlungu onyu; Uo umfunyire mfume kwa wuzumba ghwa Wamisri.

ISAYA 41:8

“Ela inyo wandu wa Israeli mo wadumiki wapo kivalwa cha Jakobo neremsaghueghe, kivalwa cha Abrahamu mghenyi wapo.

ISAYA 41:9

Neremdwaeghe kufuma kutua kwa ndoenyi, ngammbanga kufuma kula ngimzera, ‘Inyo mo mdumiki wapo, neremsaghueghe hata seremleghieghe anduangi.’

ISAYA 6:13

Hata ukasigharika mundu umweri kwa ikumi, huwo saki uchatoteshwa sa mvinje angu mwaloni ghwademwa, na kishiki charo chisigharike kimusi.” Mbeu ielie nicho kishiki charo.

ISAYA 62:12

Wichawangwa “Wandu wielie wikombolo ni BWANA;” na muzi ghwa Jerusalemu ghuchawangwa, “Muzi ghulolelo ni BWANA ghusesighilo ni Mlungu.”

JEREMIA 2:3

Israeli orekoghe wapo, mavalo gha imbiri gha makuwido ghapo; Wose werekukorongieghe nerewitalieghe kukaia wakosi, mawiwi ghikawichea.”

EZEKIELI 20:5

Kuwizere seji Ini Bwana MLUNGU naghamba: Ituku neremsaghueghe Israeli, nerebonyereghe ighemi na kivalwa cha wana wa Jakobo, ngikumanyisha ini moni kwawo andenyi ya isanga ja Misri ngighamba, Ini ne BWANA Mlungu onyu.

WALAWI 20:24

Ela namerie kumlaghira kukaia nichamneka ijo isanga jinorie; Ini ne BWANA Mlungu wako, uo orekufunyireghe na kukutanya na wandu wazima.

WALAWI 20:26

Mkaie waeli wapo, angu Ini BWANA ne Mweli, nani namtanyire inyo kufuma kwa wandu, mpate kukaia wapo.

AMOSI 3:2

“Ni inyo mmbeni neremmanyireghe aghadi ya mbari rose ra ndoenyi; kwa wundu ugho, nichamkaba kwa wundu ghwa makosa ghenyu ghose.”

MALAKI 3:17

BWANA Uwadie-Ndighi-Rose waghamba, “Wichawuya wandu wapo ituku jija nichaabonya maza iro; wichakaia wapo weni. Nichawifuya wughoma seji ndee mwana umfuyagha wughoma mwana wake umdumikiagha.

MABONYO GHA WADUMI 13:17

Mlungu wa awa wandu wa Israeli, orewisaghueghe weke aba, ukawibonya wikaie mbari mbaa iji werekoghe isanga ja Misri, na kwa ndighi mbaa ukawifunya aho;

WAROMA 9:4

Awo ni Waisraeli, na uko kubonywa kukaia wana wa Mlungu ni kwawo, na wubaa ni ghwawo, na ilaghano ni jawo, na uko kunekwa Sharia ni kwawo, na wutasi ni ghwawo, na malaghiro ni ghawo;

WUKUMBUSO 14:2

Inyo mo wandu wa BWANA Mlungu onyu; wamsaghue aghadi ya wandu wose wa ndoenyi, mkaie wandu wake moni.

WUKUMBUSO 14:21

“Mseje kindo chingi chifue cheni; mwadima kuchineka wandu wa kighenyi wiko mizinyi konyu wije, angu muuzire wandu wa kighenyi; kwa kukaia inyo mo wasaghulwa wa BWANA Mlungu onyu. Kusedoghose ndaghina andenyi ya mariwa gha mae.

WUKUMBUSO 26:18

BWANA wamghora idime kukaia inyo mo mbari ya wandu wake moni, sa iji koni ulaghirie; na kukaia mughiwadieghe malaghiro ghake.

WUKUMBUSO 26:19

Ucham'bonya wabaa kuchumba mbari ingi ya wandu uwiumbie, nenyu mchajikasa na kujibonyera ishima irina jake. Mchakaia wandu wake moni, sa iji koni orelaghirieghe.”

WUKUMBUSO 28:9

Kukawadia memu ya BWANA na kughenda kwa chia rake, uchakumangisha kupate kukaia mbari ieleshero kwa wundu ghwake moni, sa iji koni oreghemieghe.

WUKUMBUSO 33:3

BWANA wawikunde wandu wake na kuwilindia awo wiko wake. Kwa huwo dadaghoghoma maghunyi kwake na kusikira malaghiro ghake.

WUKUMBUSO 4:20

Ela BWANA wammbwadie inyo, ukamfunya Misri modonyi ghwa iwiwi ja chuma; ukamfunya mpate kukaia wandu wake moni seji iko idime.

WUKUMBUSO 4:37

Na angu orewikundeghe weke ndeyo, oresaghueghe kivalwa chawo; ukakufunya Misri moni kwa ndighi rake mbaa.

TITO 2:14

Uo orekufunyireghe moni kwa wundu ghodu, upate kudikombua kufuma kwa makosa ghose, na kukueleshera moni wandu wake, awo wifungagha ndighi kwa mabonyo mecha.

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

2 PETRO 2:5

Hata ndereghulekieghe ghuja wurumwengu ghwa kala, ela oremkirieghe Nuhu mchili wa hachi, andwamweri na wandu wazima mfungade, iji oreiredieghe gharika aighu ya wurumwengu ghwa wandu wisemuobuagha Mlungu.

2 PETRO 2:9

Kwa huwo, Bwana waichi kuwivuvua na matimo awo wimuobuagha Mlungu, na kuwiwika wakosi wifungie hata Ituku ja Kutanywa;

1 SAMUELI 12:22

Kwa kukaia BWANA ndedimagha kuwisigha wandu wake kwa wundu ghwa ijo irina jake ibaa, angu odeboilwa moni kum'bonya inyo mkaie wandu wake.