WUKUMBUSO 7:23 - Biblia Ilagho Jiboie Kwa Wandu Wose

²³ Ela BWANA Mlungu onyu uchawingira wamaiza wenyu mikonunyi konyu na kuwikambira chongo hata widime watota putu.

WUKUMBUSO 7:23 ပူးပေါင်းရင်းမြစ်များ

KUFUMA 23:27

“Nichawingira kiture wandu wikutangalagha oho, na kuwikambira chongo wandu wilwagha na oho; nani nichawibonya wamaiza wako wose wikimbie imbiri kwake.

ISAYA 13:6

Lilenyi, angu ituku ja BWANA jeko kaavui, ijo ituku BWANA Uwadie Ndighi Rose uchaatotesha.

JEREMIA 17:18

Watiriri wapo ndewifusho waya, kunilindie nisefusho waya. Kuwibonye wichulo ni kiture, ela ini niseobuo kindo chingi. Kuwiredie ituku ja wasi, kuwibonye winoneke mando awi.

JOELI 1:15

Ituku ja BWANA jameria kuvika! Ituku BWANA wawuyareda kunoneka. Uo-Uwadie-Ndighi-Rose uchareda kunoneka koobosha ituku ijo.

WUKUMBUSO 2:15

Na loli BWANA orekoghe ukilwa nawo kambinyi, hata ukameria kuwitotesha putu.

WUKUMBUSO 31:5

BWANA uchamneka wusimi aighu yawo, nenyo mchawibonya sa iji nimlaghirie.

WUKUMBUSO 8:20

Mchatota karakara na iro mbari BWANA uribonyagha ritote imbiri konyu; nenyo mchatota, kwa kukaia mwaleghie kumsikira BWANA Mlungu onyu.

WUKUMBUSO 9:3

Ela idana mchawona mmbeni kukaia BWANA Mlungu onyu uchaghenda imbiri konyu sa modo ghulunguragha; uchawikaba na kuwitotesha imbiri konyu, nenyo mchawiwinga noko na kuwitotesha shwa-shwa sa iji koni BWANA Mlungu umlaghirie.

2 WATHESALONIKE 1:9

Wichapata ikabo ja kutoteshwa kwa kala na kala, na kuwikwa kula na Bwana na ghuja wubaa ghwa kudima kwake,

JOSHUA 10:10

BWANA ukawiredia Waamori kiture kibaa imbiri ya Waisraeli; na Waisraeli wikawibwagha wandu wengi nandighi aho Gibeoni na kuwiwinga cha mshoromoto ghwa Beth-horoni, wikawikaba hata wikavika Azeka na Makeda.

WATANYI 4:15

BWANA ukamsumbua Sisera chiaimweri na magare ghake na ijeshi jake imbiri ya Baraka. Sisera ukarama kufuma igarenyi kwake, ukakimbia na maghu.