WUKUMBUSO 7:2 - Biblia Ilagho Jiboie Kwa Wandu Wose

² na iji BWANA Mlungu wam'bonya murisime, suti muritoteshe putu; msebonye ilaghano jingi nawo, hata msewiwonie wughoma ghungi.

WUKUMBUSO 7:2 ပူးပေါင်းရင်းမြစ်များ

KUZOYA 14:20

Mlungu ndekaso Uo-Uko-Aighu-Nandighi, uo orekunekieghe wusimi kwa wamaiza wako.” Nao Abramu ukamneka ifungu ja ikumi ja ivo vose orekoghe navo.

2 SAMUELI 21:2

Nao mzuri ukawiwanga wandu wa Gibeoni; (awo Wagibeoni ndewerekoghe Waisraeli, ela ni masighariko gha Waamori, werebonyereghe ighemi na Waisraeli kukaia wichawilindia; ela Sauli ukifunga ndighi kwa wundu ghwa Waisraeli na wandu wa Juda, ukakunda kuwitotesha Waamori.)

1 WAZURI 20:34

Ben-hadadi ukaghamba, “Nichawunja ija mizi erewusiroghe ni aba kufuma kwa ndeyo sena kwadima kuzoya biashara muzi ghwa Dameshki seji aba orebonyereghe muzi ghwa Samaria.” Ahabu ukamzera, “Kwa agho mapatano, nichakulekeria kughende.” Nao wikabonya ilaghano ukamlekeria ukaghenda.

EZRA 10:3

Idana ndedibonye ilaghano na Mlungu odu kukaia dichawisigha awa waka chiaimweri na wana wawo kunughana na njama yako, bwana odu na ya awo wose wiko na ishima na malaghiro gha Mlungu odu na ilagho ijo jibonyo kunughana na Sharia.

ZABURI 106:34

Ndewerewitoteshereghe wandu wa Kanaani; seji BWANA orewilaghirieghe;

KUFUMA 22:20

“Mundu uo ose uchaafunyira milungu mizima vizongona isaakaia ni kwa BWANA moni, utotesho putu.

MITALO 21:2

Wandu wa Israeli wikabonya ighemi kwa BWANA wikighamba, “Ngera loli kwadadidimisha kuwisima wandu awa, dichaitotesha mizi yawo putu.”

MITALO 31:17

Idana mum'bwaghe kula mwana wa womi, na kula muka ulale na mndwawomi.

MITALO 33:52

muwiwinge waisanga wose wiko imbiri konyu, mnone milimu yawo ya magho ghiwachilo, na fwana rawo richanilo, na kuvuchua andu kwawo kose kotasira;

WUKUMBUSO 13:8

mserumirie hata kumsikiria; hata kusemmbonie wughoma ghungi, angu kumsigha ukuvise.

WUKUMBUSO 13:9

Ela kukaie wa imbiri kuzoya kum'bwagha, konyuma niko wandu wose wimngirie.

WUKUMBUSO 19:13

Msemmbonie wughoma ghungi ela muinje ikosa jebwagha mundu andenyi ya Israeli, mpate kukaia nicha.

WUKUMBUSO 2:33

Nao BWANA Mlungu odu ukamfunya Sihoni na wana wake, na wandu wake wose dikawisima.

WUKUMBUSO 2:34

Nesi dikaiwada mizi yake yose mibaa ngelo ija na kunona-nona kula muzi; womi, waka, na wanake; hata ndederesighieghe kindo chingi anduangi.

WUKUMBUSO 23:14

Kwa kukaia BWANA Mlungu wako wadasela aghadi ya kambi yako, kukukira na kukubonya kuwisime wamaiza wako, suti kambi yako ikaie ielie; usechewona kindo chingi chiseboie aghadi yako, na kukusigha.

WUKUMBUSO 25:12

kumdumbuo mkonu ghwake, kusemmbonie wughoma ghungi.

WUKUMBUSO 3:3

“Kwa huwo, BWANA Mlungu odu ukadineka Ogu mzuri wa Bashani wori andwamweri na wandu wake wose; nesi dikawibwagha hata ndederesighieghe mndungi.

WUKUMBUSO 31:5

BWANA uchamneka wusimi aighu yawo, nenyo mchawibonya sa iji nimlaghirie.

WUKUMBUSO 33:27

Mlungu wakaie mlindiri wako ngelo rose; mikonu yake ya kala na kala niyo yawuyakumaziria Orewisimieghe wamaiza wenyu imbiri yenyu; ukamzera muwitoteshe wose.

WUKUMBUSO 7:16

Kutoteshe wandu wose BWANA Mlungu onyu uchaamsimia; msewiwonie wughoma ghungi, hata msetase milungu yawo; angu awo wichawuya mdegho konyu.

WUKUMBUSO 9:3

Ela idana mchawona mmbeni kukaia BWANA Mlungu onyu uchaghenda imbiri konyu sa modo ghulunguragha; uchawikaba na kuwitotesha imbiri konyu, nenyo mchawiwinga noko na kuwitotesha shwa-shwa sa iji koni BWANA Mlungu umlaghirie.

JOSHUA 10:28

Joshua ukakaba na kuwada muzi ghwa Makeda chiaimweri na mzuri waro ijo ituku. Ukabwagha kula mundu orekoghe andenyi ya ugho muzi, ndekorekoghe ungi hata umweri oresigharikieghe uko moyo. Ukam'bonyera mzuri wa Makeda seji orem'bonyereghe mzuri wa Jeriko.

JOSHUA 10:30

BWANA ukawineka Waisraeli wusimi aighu ya ugho muzi na mzuri waro. Wikabwagha kula mundu orekoghe andenyi ya ugho muzi, ndekorekoghe ungi hata umweri oresigharikieghe uko moyo. Wikam'bonya uo mzuri seji werem'bonyereghe mzuri wa Jeriko.

JOSHUA 10:32

BWANA ukawineka Waisraeli wusimi aighu ya ugho muzi ituku ja kawi. Sa iji koni werebonyereghe Libna niko werebonyereghe Lakishi, ndeweresighieghe mndungi hata umweri, ela wikabwagha kula mundu orekoghe andenyi ya ugho muzi.

JOSHUA 10:40

Joshua ukakaba isanga jose na kusima. Ukawisima wazuri wa masanga gha mighondinyi, wurindi ghuko chia ya mashariki, na mighondi mitini chia ya magharibi, chiaimweri na masanga gha kireti chia ya kusinyi. Nderesighieghe mndungi ela ukabwagha kula mundu. Huwo niko koni BWANA Mlungu wa Israeli orelaghirieghe.

JOSHUA 10:42

Joshua ukawada wazuri awo wose na masanga ghawo kwa ngelo imweri, kwa kukaia BWANA Mlungu wa Israeli orekoghe ukiwiluya Waisraeli.

JOSHUA 11:8

BWANA ukawineka Waisraeli wusimi aighu yawo, wikawikaba na kuwiwinga hata kaskazinyi ya Misrefoth-maimu na cha Sidoni Mbaa na cha mashariki hata vololo ya Mispa; wikawikaba na kuwibwagha wose hata wisesighe ungi.

JOSHUA 2:14

Waja wandu wikamzera, “Daghema kwa Mlungu, kukadilindia, dichakulindia. Ikakaia kuchalindia kuseghore malagho ghedu, nesi wori dichakaia waloli kwako kukulindia ngelo BWANA uchaadineka iji isanga.”

JOSHUA 21:44

BWANA ukawineka kuhora chia rose sa iji koni orewibonyereghe weke ndee ighemi; ndekorekoghe na m'maiza ungi wawo oredimieghe kusimana nawo anduangi, kwa kukaia BWANA orekoghe wawisimia.

JOSHUA 8:24

Waisraeli wiendameria kuwibwagha wandu wose wa Ai werekoghe wikiwinugha cha kireti, wikawuya cha muzi ghwa Ai, na kubwagha kula mundu kwa lufu.

JOSHUA 9:24

Nawo wikamtumbulia Joshua, “Ni kwa kukaia isi wadumiki wako dasikire angu Mlungu onyu kwa loli oremlaghirieghe mdumiki wake Musa kukaia uchamneka isanga iji jose, na angu waisanga wose mchawitotesha; niko isi dikaobua na ndighi hata dikabonya iji ilagho kukira marangi ghedu.

JOSHUA 9:7

Ela wandu wa Israeli wikawizera Wahivi, “Yadimika inyo ni wandu wa ahaeni kaavui, didima wada kubonya mapatano nenyo?”

WATANYI 1:24

Nawo wikammbona mndumu ukifuma mzinyi wikamzera, “Dakulomba kudiwonyere chia engia cha mzinyi, nesi dichakubonyera nicha.”

WATANYI 1:4

Juda wikajoka wudenyi, na BWANA ukawingira Wakanaani na Waperizi mikonunyi kwawo; wikawisima wandu elfu ikumi aja Bezeki.

WATANYI 2:2

Msebonye ilaghano jingi na wandu wa isanga iji; nenyo mcharivuchua madhabahu rawo.’ Ela ndem'bonyere seji neremzerieghe. Ni ilaghoki iji mujibonyere?