WUKUMBUSO 7:12 - Biblia Ilagho Jiboie Kwa Wandu Wose

¹² “Mkaghisikira agho mafundisho na kughikatisha, BWANA Mlungu onyu uchajimazira ilaghano jake, na kukaia na lukundo lukatie konyu; sa iji orewighemieghe weke ndeyo.

WUKUMBUSO 7:12 ပူးပေါင်းရင်းမြစ်များ

1 WAZURI 8:23

ukaghamba, “Ee BWANA Mlungu wa Israeli, ndekuwadie Mlungu ungi uko sa oho mlungunyi aighu, hata andoenyi na kosi uo ukatishagha ilaghano jake na lukundo lwake lukatie kwa wadumiki wake awo wimnughagha kwa ngolo rawo rose.

NEHEMIA 1:5

“Ee BWANA Mlungu wa mlungunyi, oho koko m'baa, nesi dadakuobua na ndighi. Kwadajimangisha ilaghano jako kwa awo wikundagha na kuiwadia memu yako.

NEHEMIA 9:32

“Na idana ee Mlungu odu, koko m'baa na wa kudima! Kwadakatisha ilaghano jako kwa wuloli. Kufuma wazuri wa Ashuru wazoya kudikoronga, hata idana, kwawona datiririlo saki! Wadijishire wasi isi, na wazuri wedu na wabaa wedu, na wakohani wedu, na walodi wedu weke aba wedu na wandu wedu wose datiririlo. Kumbuka seji ditiririlo!

ZABURI 103:18

awo wijiwadiagha ilaghano jake, na kuikatisha memu yake.

ZABURI 149:9

na kuwitanya seji koni Mlungu ughambie. Ughu nigho wusimi ghwa wandu wa Mlungu. BWANA ndekaso!

KUFUMA 15:26

“Ngera mchalusikira lwaka lwa BWANA Mlungu onyu kwa loli, na kubonya agho ghiko gha hachi imbiri kwake, kwa kuiwadia sharia yake na malaghiro ghake, niko aho nisechaamredia makongo agho nerewiredieghe Wamisri; kwa kukaia Ini ne BWANA m'boisi wako.”

JEREMIA 11:5

nani nipate kujikatisha ighemi nerewighemieghe weke ndeyo, jewineka isanga jinorie, sa iji koni jiko idime.” Niko ngatumbulia, “Ndeikaie wokoni BWANA.”

DANIELI 9:4

Ngamlomba BWANA Mlungu wapo, ngarumiria makosa gha wandu wapo ngighamba, “Ee BWANA, ko Mlungu m'baa oobolwa; kwadakatisha malaghano na lukundo lukatie kwa awo wikunde kuiwadia memu yako.

MIKA 7:20

Kuchawonyera wuloli na lukundo lwako lukatie kwa wandu wako, icho kivalwa cha Abrahamu na Jakobo sa iji korelaghirieghe kwa weke aba kufuma kala.

LUKA 1:55

Sa iji koni orewighorieghe weke wawa wedu, Abrahamu na kivalwa chake kwa kala na kala.”

WUKUMBUSO 1:8

Iji nijo isanga jose ini BWANA nerewilaghirieghe weke ndeyo Abrahamu, Isaaka, na Jakobo na kivalwa chawo kukaia nichawineka; ghendenyi mujiwade.’”

WUKUMBUSO 11:13

“Na inyo mkasikira malaghiro na kumkunda BWANA Mlungu onyu na kumdumikia kwa ngolo renyu rose, na kwa roho renyu rose, seji nimlaghiragha idime,

WUKUMBUSO 5:10

ela nadawiwonyera lukundo lwapo wandu elfu elfu awo winikundagha na kuiwadia memu yapo.

WUKUMBUSO 7:11

Kwa huwo mlindie kubonya na kukatisha iyo memu, na iro sharia na agho malaghiro nimlaghiragha idime.

WUKUMBUSO 7:9

Kwa huwo manyenyi kukaia BWANA Mlungu onyu, ni Mlungu; nao ni mloli umaziriagha ilaghano na kukaia na lukundo lukatie kwa awo wimkundagha na kuiwadia memu yake hata vivalwa elfu;