WUKUMBUSO 6:3 - Biblia Ilagho Jiboie Kwa Wandu Wose

³ Kwa huwo sikira ee Israeli, kulindie kughibonya, kupate kuwona nicha na kuchurikia nandighi isangenyi jinorie, sa iji koni BWANA Mlungu wa weke ndeyo ukulaghirie.

WUKUMBUSO 6:3 ပူးပေါင်းရင်းမြစ်များ

KUZOYA 12:2

Nichakubonya kukaie mbari mbaa, sena nichakurasimia na kujibonya irina jako jikaie ibaa; kupate kuwuya marasimio.

KUZOYA 13:16

Nichakuneka kivalwa kingi sa teri ya ndoenyi, na ichakaia iji mndungi uchaadima kutala teri iko ndoenyi, niko uchaadima kutala kivalwa chako.

KUZOYA 15:5

BWANA ukamfunya shighadi ukamzera, “Zighana cha mlungunyi kuwone ngera kwadima kuritala nyerinyeri.” Nao ukaghamba, “Huwu niko kivalwa chako chichaakaia.”

KUZOYA 22:17

nichakurasimia nandighi, nani nichachichuria kivalwa chako sa wungi ghwa nyerinyeri ra mlungunyi, na sa msangagha ghuko mbai-mbai ya bahari, na kivalwa chako chichawisima wamaiza wawo.

KUZOYA 26:4

Nichachichuria kivalwa chako sa nyerinyeri ra mlungunyi, nani nichachineka kivalwa chako masanga agha ghose. Na kwa kivalwa chako, mbari rose ra ndoenyi richanilomba irasimio;

KUZOYA 28:14

na kivalwa chako chichakaia kingi sa teri ya ndoenyi, na oho kuchaera cha magharibi, mashariki, kaskazinyi na kusinyi. Na kwako oho na kivalwa chako, mbari rose ra ndoenyi richanilomba irasimio.

ZABURI 119:4

BWANA kwadinekie sharia rako, kukadizera diriwadie nicha.

KUFUMA 1:7

Ela kivalwa cha Israeli werekoghe wikiva na kuchurikia kwa wungi; wikachurikia na kukaia na ndighi loli-loli, nawo wikachua ijo isanga.

KUFUMA 3:17

nani nalaghira angu nichamfunya mfume kwa agho matiriro gha Misri; nimghenje kwa isanga ja Wakanaani, Wahiti, Waamori, Waperizi, Wahivi, Wajebusi; isanga jinorie nandighi.” ’

KUFUMA 3:6

Ukaghamba, “Ini ne Mlungu wa ndeyo, Mlungu wa Abrahamu, Isaaka, na Jakobo.” Musa ukafinikira wushu ghwake angu oreobueghe kumzighana Mlungu.

KUFUMA 3:8

niko nasea nipate kuwikira kufuma mikonunyi kwa Wamisri; niwifunye na kuwireda isanga jiboie, ibaa, isanga jinorie nandighi; isanga ja Mkanaani, Mhiti, Muamori, Mperizi, Mhivi, na Mjebusi.

MCHILI 8:12

Mkaung'a wadima kubonya makosa mando ighana sena ukaie moyo. Naichi wadaghora wei mundu ukamsikira Mlungu, maza rimuendia nicha,

ISAYA 3:10

Wizerenyi wahachi kukaia maza rawo richakaia nicha, angu wichaja matunda gha mabonyo ghawo.

JEREMIA 42:6

Dichalusikira lwaka lwa BWANA, uo dakuduma kwake ikaiagha ni kwa mawiwi angu kwa mecha, dipate mecha iji damsikira BWANA Mlungu odu.”

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

MABONYO GHA WADUMI 7:17

“Nao iji ngelo yavika kaavui Mlungu ukatishe ilaghiro oremnekieghe Abrahamu, mtalo ghwa awo wandu ghukachurikia nandighi Misri;

WUKUMBUSO 11:9

Nenyo mpate kukaia moyo matuku mengi isangenyi ijo BWANA orewilaghirieghe weke ndeyo kukaia uchawineka chiaimweri na kivalwa chawo, isanga jinorie nandighi.

WUKUMBUSO 26:15

Kuzighane kufuma andu kukaiagha kuelie aho mlungunyi, kuwirasimie wandu wako Israeli na isanga kudinekie jinorie nandighi, sa iji koni korewighemieghe weke aba.’

WUKUMBUSO 26:9

Ukadireda aha, ukadineka iji isanga, isanga jinorie nandighi.

WUKUMBUSO 27:3

na kughiandika aighu yaro sharia iri rose na malaghiro. Kukameria kungia ijo isanga jinorie nandighi, ijo BWANA Mlungu onyu umnekagha, ijo orewilaghirieghe weke ndeyo.

WUKUMBUSO 31:20

Kwa kukaia ngameria kuwingira ijo isanga jinorie, nerelaghirieghe kuwineka weke ndee, na iji waja wikaghuda na kubanda, wichaghaluka na kuitasa milungu mizima; wichanimenya na kujinona ilaghano japo.

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

WUKUMBUSO 4:6

Mughiwadie na kughibonya, angu agho nigho ghichaakaia hikima na kumanya konyu imbiri ya wandu; awo, iji wasikira sharia iri rose, wichaghamba, ‘Loli mbari ihi mbaa yawadie hikima na kumanya.’

WUKUMBUSO 8:8

Ni isanga ja ngano na shairi; jiko na mbuwa ra mizabibu; zeituni, makomamanga na wuki.