WUKUMBUSO 4:9 - Biblia Ilagho Jiboie Kwa Wandu Wose

⁹ Inyo mlindie, sena mseliwe iro maza muriwonie na meso ghenyu matuku ghose mchaakaia moyo. Murifundishe wana wenyu na weke wawayo

WUKUMBUSO 4:9 ပူးပေါင်းရင်းမြစ်များ

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

ZABURI 119:11

Najiwikie Ilagho jako ngolonyi kwapo, nisechekubonyera kaung'a.

ZABURI 71:18

Idana kusakenisigha ee Mlungu, hata ngera naghosia na kubuka imbu; kaia andwamweri nani ngiwighoria wandu wa kivalwa chichagha malagho gha ndighi rako.

KUFUMA 10:2

na oho kupate kuwighoria wana wako, na weke wawayo seji nerewikitireghe Wamisri, na awo weke mwakilimbiti nerewibonyereghe aghadi kwawo, mpate kumanya angu Ini ne BWANA.”

KUFUMA 23:13

Kughilindie agho ghose nakuzera, hata kusaketasa milungu mizima, hata marina ghawo ghisesikirike momunyi kwako.

MAKATANISHO 1:8

Mwana wapo, sikira mafundisho gha ndeyo, na mafundisho gha mayo kuseghileghe;

MAKATANISHO 23:26

Wika mafundisho ghapo ngolonyi kwako mwanwapo, kunughe mighendo yapo.

MAKATANISHO 3:21

Mwana wapo, wadia hikima ndicha na suku; lindia risekulaghaye.

MAKATANISHO 7:1

Mwana wapo, wadia malagho ghapo, na malaghiro ghapo kughiwike ngolonyi kwako.

ISAYA 38:19

Uo uko moyo nuo uchaakukasa oho, ee, uo uko moyo nuo uchaakukasa kara kara na ini idime. Wana wadaghorelwa wuloli ghwako ni weke ndee.

ISAYA 42:20

Israeli kwawuyawona malagho mengi, ela ndekuwueghizighana; kwawuyasikiria malagho mengi, ela ndeghiwuengia.”

JEREMIA 17:21

BWANA waghamba huwu: Lindienyi marangi ghenyu. Mseduke misigo ingi na kuidia nayo mbengenyi ra Jerusalemu ituku ja Sabato.

LUKA 8:18

Kwa huwu, mkumanye seji msikiragha, angu uo uko nacho uchanekwa, sena uchachurilwa, ela uo usewadie, uchasokwa hata icho uririkanyagha oko nacho.”

WAEFESO 6:4

Weke aba, msakewinona ngolo wana wenyu, hata wivikie kukaia na machu; ela muwilele kwa mawonyero na mafundisho gha Bwana.

WUKUMBUSO 11:19

Mughifundishe wana wenyu, muje malagho aighu yaro iji muko kidombo nyumbenyi konyu, na mkighenda chienyi, na ngelo mwaka akandonyi, na ngelo mwawuka.

WUKUMBUSO 12:1

“Iri niro sharia na malaghiro imfwane mlindie kughikatisha andenyi ya ijo isanga BWANA Mlungu wa weke ndeyo umnekie kujiwusa ngelo rose mchaakaia ndoenyi.

WUKUMBUSO 16:3

Msakeijanya na mikate ingirilo chachu. Mchaijanya na mikate isengirilo chachu iyo mikate ya matiriro kwa matuku mfungade; angu morefumieghe Misri kwa shwa-shwa, eri mkumbukeghe seji morefumieghe Misri, matuku ghose gha irangi jenyu.

WUKUMBUSO 17:19

Ukaie nacho eri uchishomeghe matuku ghose gha irangi jake. Ukufundishe kumuobua BWANA Mlungu wake na kuiwadia sharia kwa wuloli ghose.

WUKUMBUSO 29:29

“Iro maza rivisikie ni ra BWANA Mlungu odu; ela iro rifunukulo, ni redu na wana wedu kwa kala na kala; eri dipate kubonya maza rose ra sharia ihi.

WUKUMBUSO 31:19

“Kwa huwo idana andika ulu lumbo, kuwifundishe wandu wa Israeli; lupate kunishuhudiagha aighu yawo.

WUKUMBUSO 32:46

ukaghamba, “Lindienyi kurisikira Sharia iri rose namneka idime. Mmburie kurifundisha wana wenyu eri wipate kughisikira mafundisho ghose gha Mlungu.

WUKUMBUSO 4:10

seji morewonieghe iji morekoghe kimusi imbiri ya BWANA Mlungu onyu aja Mghondi ghwa Sinai ngelo orenizerieghe, ‘Nikwanyire wandu, nipate kuwibonya wisikire malagho ghapo, eri wipate kukufundisha kuniobua matuku ghose wichaakaia moyo ndoenyi; nawo wipate kuwifundisha wana wawo wokoni.’

WUKUMBUSO 4:15

“Iji BWANA oreghorieghe nenyo andenyi ya modo aighu ya Mghondi ghwa Sinai, ndemorewonieghe fwana ingi. Kwa huwo mkulindie mmbeni;

WUKUMBUSO 4:23

Mkulindie, msecheliwa ilaghano ja BWANA Mlungu onyu, ijo orebonyereghe nenyo, nao m'bonye fwana riwachilo rifwanane na kilambo chingi icho BWANA Mlungu onyu umkanie.

WUKUMBUSO 6:12

kukulindie kusechemliwa BWANA uo orekuredieghe kufuma isanga ja Misri, iyo nyumba ya wuzumba.

WUKUMBUSO 6:2

Na oho kumuobua BWANA Mlungu wako; oho, na mwana wako, na wawayo, kwa kuwadia iro sharia rake na memu yake nikulaghiragha kuiwadia irangi jako jose; eri matuku ghako ghikaie mengi.

WUKUMBUSO 6:20

“Mwana wako ukakukotia ngelo richagha, ‘Welee, iri kanuni na sharia, na malaghiro BWANA Mlungu odu umlaghirie kutambua kwaro-le, niki?’

WUKUMBUSO 6:7

kuwifundishe wana wako nicha, na kuja malagho gharo ngelo muko nyumbenyi, hata kukighenda, hata ngelo kwakaia akandonyi, na ngelo ewuka.

WUKUMBUSO 8:11

“Mkulindie msemliwe BWANA Mlungu onyu kwa kuleghawadia memu yake yose nimlaghiragha idime.

WUKUMBUSO 8:14

Mzighane msekukase na kumliwa BWANA Mlungu onyu, uo oremfunyireghe isanga ja Misri nyumba ya wuzumba.

WAEBRANIA 2:1

Kwa huwo, suti diriwadie nandighi iro maza dirisikire, disechewuya nyuma.

WAEBRANIA 2:3

isi-lee, dichafufunuka wada dikakumenya kukia kubaa kung'ane huwu? Na Bwana orezoeghe kukughora, na wandu weremsikireghe ukikughora, wikadiwonyera seji kuko kwa loli.

JAKOBO 2:22

Idana kwawona angu irumirio jerebonyereghe kazi andwamweri na mabonyo ghake, na irumirio jerekatishiroghe ni kazi;

JOSHUA 1:18

Uo ose uchaamenya malagho ghako, na kulegha kukusikira uchabwaghwa; oho kaia na ngolo sena kukaie ing'oni.”

JOSHUA 23:11

Kwa huwo mkulindie; mumkunde BWANA Mlungu onyu.

JOSHUA 4:21

Ukawizera wandu wa Israeli, “Wana wenyu wikawikotia weke ndee matuku ghichagha kutambua kwaro magho agho,

WUFUNUO 3:3

Idana kumbuka seji korefundishiroghe na seji koresikireghe, kuwadie na kuhea. Kukalegha kuwuka, nichacha sa kitoi, na oho ndekuchaamanya ingelo nikucheagha nayo.

WATANYI 3:7

Wandu wa Israeli wikamliwa BWANA Mlungu wawo, wikam'bonyera kaung'a kwa kutasa weke Baali na Maashtorethi.

WATANYI 8:34

Na wandu wa Israeli ndeweremkumbukieghe BWANA Mlungu wawo, uo orewivuvueghe kufuma mikonunyi kwa wamaiza wawo wose kula andu;