WUKUMBUSO 4:7 - Biblia Ilagho Jiboie Kwa Wandu Wose

⁷ “Ni mbari iyao mbaa ikwanye na mlungu ghwawo kaavui seji BWANA Mlungu odu uko nesi ingelo dimmbangagha?

WUKUMBUSO 4:7 ပူးပေါင်းရင်းမြစ်များ

2 SAMUELI 7:23

Ni mbari iyao ndoenyi iko sa wandu wako Israeli, awo koreghendieghe kuwikombua wikaie wandu wako, eri kukupatire kumoni irina, na kuwibonyera maza ra mashiniko; kwa kuwinga imbiri kwawo mbari chiaimweri na milungu yawo?

ZABURI 145:18

BWANA oko kaavui na wose wimmbangiagha, awo wose wimmbangiagha kwa loli.

ZABURI 147:20

Ndebonyere huwo kwa mbari ingi zima, ndewiichi sharia rake. BWANA ndekaso.

ZABURI 148:14

Waibonyere mbari yake kukaia na ndighi eri wandu wake wose wimkase, awo wandu wa Israeli uwikunde nandighi. BWANA ndekaso!

ZABURI 34:17

Wahachi wikakema wikilola wutesia, BWANA wadasikira; nao wadawitesia kufuma kwa wasi ghwawo.

ZABURI 34:18

BWANA wadakaia kaavui na wandu wifue ngolo, na kuwikira awo wisewadie isuwirio.

ZABURI 46:1

Mlungu nuo andu kodu kokimbiria na ndighi redu. Oko tayari kutesia shwa ngelo ya wasi.

ZABURI 73:28

Ela ini, ni nicha nikaie kaavui na Mlungu; nipate wulindiri ghwa Bwana MLUNGU, na kueresha malagho gha kazi rake rose.

ZABURI 85:9

Loli oko tayari kuwikira awo wimuobuagha, eri wubaa ghwake ghupate kudua isangenyi kodu.

ISAYA 43:4

Kwa kukaia koko wa zoghori mbaa mesonyi kwapo, na kwa kukaia nakukunde na kukuneka ishima, nichafunya wandu kwa wundu ghwako, na mbari ra wandu kwa wundu ghwa irangi jako.

ISAYA 55:6

Mlolenyi BWANA, ingelo upatikagha, mmbangenyi ingelo uko kaavui;

MITALO 23:21

Uo ndewonie mzwana ghungi ghuzamie kwa Jakobo, hata kuwona wasi ghungi kwa Israeli anduangi. Uo BWANA Mlungu wawo oko andwamweri nawo, na mzuri m'baa wawuyaghora aghadi kwawo.

MITALO 23:9

Angu nammbona niko koighu mighondinyi namzighana niko aighu ya mighondi mitini. Hawaja ni wandu wikaiagha wiekeri, hata ndewikutalagha weni andwamweri na mbari zima.

MABONYO GHA WADUMI 17:27

eri wimlole Mlungu, hata ngera ni kwa kuadada-adada, kwa isuwirio; wimpate. Hata huwo saki ndeuko kula na kula umu odu anduangi;

WUKUMBUSO 26:19

Ucham'bonya wabaa kuchumba mbari ingi ya wandu uwiumbie, nenyu mchajikasa na kujibonyera ishima irina jake. Mchakaia wandu wake moni, sa iji koni orelaghirieghe.”

WUKUMBUSO 33:29

Israeli kuboilwa saki! Ndekuwadie ungi ufwanane nenyo, mburi ikirilo ni BWANA. BWANA moni ni ngao yenyu na lufu lonyu upate kumlindia na kumneka wusimi. Wamaiza wako wichacha wikikulomba wughoma, na oho kuchawifasha-fasha.

WUKUMBUSO 4:32

“Kotia malagho gha ngelo riidie, iro rerekoghe imbiri kusevalo, kufuma Mlungu waumba mdamu ndoenyi; lola kufuma iichia hata iichia wurumwengunyi kose, kuwone ngera jingi ilagho sa iji jabonyekie angu kusikirwa andu kungi.

WUKUMBUSO 5:26

Ni mdamu uao usikire Mlungu uko moyo ukighora aghadi ya modo seji dasikira nao ukakaia moyo?

JAKOBO 4:8

Msoghoderenyi Mlungu, nao uchamsoghodera inyo. Ioghoshenyi mikonu yenyu inyo wakaung'a, na kurielesha ngolo renyu inyo wandu wa nia iwi.