WUKUMBUSO 4:6 - Biblia Ilagho Jiboie Kwa Wandu Wose

⁶ Mughiwadie na kughibonya, angu agho nigho ghichaakaia hikima na kumanya konyu imbiri ya wandu; awo, iji wasikira sharia iri rose, wichaghamba, ‘Loli mbari ihi mbaa yawadie hikima na kumanya.’

WUKUMBUSO 4:6 ပူးပေါင်းရင်းမြစ်များ

1 WAZURI 4:34

Wazuri wose wa ndoenyi weresikireghe wuvoro ghwa hikima ya Solomoni wikaduma wandu wawo wiche kumsikiria.

AYUBU 28:28

Niko Mlungu ukamzera mdamu, ‘Kuobua kwa BWANA, niyo hikima, na kusigha mawiwi, niko kumanya.’”

ZABURI 111:10

Kuobua kwa BWANA niko kuzoya kwa hikima, wadawineka kutambukilwa wose wisikiragha memu yake. Ndekaso kwa kala na kala.

ZABURI 19:7

Sharia ya BWANA ni ya loli putu, irukishagha roho; memu ya BWANA ni erumirilwa, imnekagha mkelu hikima.

ZABURI 19:8

Sharia ra BWANA ni ra hachi, riboisagha ngolo; memu ya BWANA yaelie, iredagha kutambukilwa.

MAKATANISHO 1:4

Ghim'bonya mundu useichi malagho ukaie na akili, na kufundisha wandu wa irika wikaie na kumanya kuboie.

MAKATANISHO 1:5

Agha makatanisho ghadima kumchuria mundu wa hikima kumanya, na kumlongoza mundu uko na kishomo,

MAKATANISHO 1:7

Kuobua kwa BWANA niko kuzoya kwaro kumanya; wakelu wadamenya hikima, na mafundisho mecha.

MAKATANISHO 14:34

Hachi yadaredia waisanga ishima, ela kaung'a yadaredia wandu wose waya.

MAKATANISHO 14:8

Mundu uwadie suku wadapanga malagho ghake kwa hikima; wukelu ghwa wakelu ni mikalo.

ISAYA 42:21

Yam'boie BWANA kuibonya sharia yake italo na kunekwa wubaa mungi, kwa wundu ghwa hachi yake.

JEREMIA 8:9

Awo wandu wa hikima wichafushwa waya, wichashinika na kuposhoka, waleghie ilagho japo, da iyo ni hikima iko andenyi kwawo?

EZEKIELI 5:5

Bwana MLUNGU waghamba huwu, “Wona Jerusalemu, muzi nighuwikie ghadi na ghadi ya iro mbari ra wandu, na masanga ghighumare chia rose.

DANIELI 1:20

Kwa malagho ghose gha hikima na kumanya, agho mzuri oreghikotereghe, ukawiwona awo kukaia wiboie mando ikumi kuchumba waghanga na wasawi wose werekoghe andenyi ya wuzuri ghwake.

DANIELI 4:9

Ee Belteshazari, m'baa wa wasawi, kwa kukaia naichi roho ya milungu ielie eko andenyi kwako, hata ndekuwadie ngasu ingi ikurie kwako, ola ndodo hei niilodere, kunimanyishe kutambua kwaro.

HOSEA 8:12

Nawiandikie mafundisho ghisetalikagha; ela waawuyaghitala sa kilambo cha kighenyi.

MALAKI 3:12

Niko aho mbari rose ra wandu wichammbanga warasimilwa kwa wundu ghokaia na isanga jiboie.

WUKUMBUSO 29:9

Kwa huwo mlindie kubonya malagho gha ilaghano iji, eri mpate kuwona nicha kwa maza rose m'bonyagha.

WUKUMBUSO 32:46

ukaghamba, “Lindienyi kurisikira Sharia iri rose namneka idime. Mmburie kurifundisha wana wenyu eri wipate kughisikira mafundisho ghose gha Mlungu.

WUKUMBUSO 32:47

Mafundisho agha si gha duu anduangi; ela ni irangi jenyu. Mughisikire nenyo mchadua moyo luma isangenyi iji mruwukagha Jordani kujiwusa.”

2 TIMOTHEO 3:15

na seji kumanyire Maandiko Ghielie kufuma wanake ghwako, agho ghidimagha kukuneka mafundisho ghiredagha kukia kwa chia ya irumirio jiko kwa Kristo Jesu.

JAKOBO 3:13

Nani uko na hikima na suku aghadi konyu? Ndewonyere kwa irangi jake icha, iro kazi rake kwa wumboa ghwa hikima.