WUKUMBUSO 4:34 - Biblia Ilagho Jiboie Kwa Wandu Wose

³⁴ Angu ghoko mlungu ghungi jingi ghutimie kughenda na kuwusa wandu kufuma kwa mbari imu wikaie kwa chia ya matimo, na weke mwakilimbiti, na mashiniko, na kwa wuda, na kwa mkonu ghwa wusimi ghuwadie ndighi, na maza reobosha karakara na seji BWANA Mlungu onyu orebonyereghe Misri kwa wundu ghonyu mkiwona?

WUKUMBUSO 4:34 ပူးပေါင်းရင်းမြစ်များ

ZABURI 136:12

kwa mkonu ghwake ghuwadie ndighi, lukundo lwake lukatie lwadua kwa kala.

ZABURI 24:8

Uo Mzuri wa wubaa nani? Ni BWANA uwadie ndighi na kudima; BWANA ing'oni ja wuda.

ZABURI 78:12

Mlungu orebonyereghe weke mwakilimbiti wurindinyi ghwa Sioni; andenyi ya isanga ja Misri weke ndee wikiwona.

KUFUMA 1:9

Nao ukawizera wandu wake, “Zighanenyi Waisraeli seji wiko wengi, sena wiko na ndighi kudichumba isi.

KUFUMA 10:21

Niko BWANA ukamzera Musa, “Ghorua mkonu ghwako nokoighu, kira chipate kungia isanga ja Misri, kira kibaa loli-loli.”

KUFUMA 10:7

Wadumiki wa Farao wikamzera “Welee, umundu udisumbua huwu hata lii? Sigha awa wandu wiendemdumikia BWANA Mlungu wawo. Kwaduagha kusemanyagha kukaia Misri yazama putu?”

KUFUMA 13:3

Musa ukawizera wandu, “Mjikumbuke ituku iji, ijo morefumieghe Misri, andu morekoghe wuzumbenyi. Kwa kukaia BWANA oremfunyireghe aho kwa ndighi rake mbaa. Msakeja mikate iko na chachu.

KUFUMA 14:30

Huwo niko, BWANA orewikirieghe Waisraeli ituku jija kufuma kwa Wamisri, nawo wikawona gharia ra Wamisri pwani.

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

KUFUMA 19:4

‘Mwawonie seji nerewibonyereghe Wamisri, na seji koni neremdwaeghe sa iji koni indu idwagha vana vake aighu ya mawawa ghake; ngamreda aha kwapo.

KUFUMA 3:10

Idana nichakuduma kwa Mzuri, kupate kuwifunya wandu wapo, awo wana wa Israeli wifume Misri.”

KUFUMA 6:6

Kwa huwu kuwizere wandu wa Israeli, ‘Ini ne BWANA, nani nichamfunya mfume kwa iyo mizigo ya Wamisri, mfume wuzumbenyi ghwawo. Nichamkombua kwa mkonu ghughorokie ghwa ndighi, nani nichawitanya;

KUFUMA 7:3

Ela nichaikurisha ngolo ya Farao, hata ngera nichachuria weke mwakilimbiti na mashiniko andenyi ya isanga ja Misri,

ISAYA 51:9

Wuka! Wuka na ndighi rako kudikire ee BWANA, wuka karakara na matuku gha kala, karakara na vivalwa va kokala uko. Welee, si oho kumoni koremdumbueghe Rahabu viluponge viluponge, kukaidunga na lufu ija choka mbaa eobosha ya baharinyi?

JEREMIA 21:5

Ini moni nichalwa na oho kwa mkonu ghwapo ghwa ndighi, niko na machu ghibirie, najokwa nandighi.

JEREMIA 32:21

Oho korewiredieghe wandu wako Israeli kufuma isanga ja Misri kwa alama na mashiniko, na kwa mkonu ghwako ghwa ndighi ghoobosha.

MITALO 20:16

Na iji deremlilieghe BWANA, oredisikireghe, nao ukamduma malaika, ukadifunya Misri, nesi deko aha Kadeshi, muzi ghuko mpakenyi ghwa isanga jako.

WUKUMBUSO 1:30

BWANA Mlungu onyu uo wawuyamkiria, uchamluya sa iji koni orebonyereghe Misri mkiwona,

WUKUMBUSO 10:21

Mumkase; uo ni Mlungu onyu; inyo mwawonie kwa meso ghenyu maza mbaa reobosha uribonyere kwa wundu ghonyu.

WUKUMBUSO 11:2

Kumbukenyi agho mukufundishire idime aighu ya BWANA kunughana na agho mughiwonie gha ndighi na kudima kwake,

WUKUMBUSO 26:8

nao ukadifunya Misri kwa ndighi rake mbaa reobosha; kwa alama na mashiniko.

WUKUMBUSO 29:3

Morewonieghe makabo mabaa, alama na mashiniko.

WUKUMBUSO 33:29

Israeli kuboilwa saki! Ndekuwadie ungi ufwanane nenyo, mburi ikirilo ni BWANA. BWANA moni ni ngao yenyu na lufu lonyu upate kumlindia na kumneka wusimi. Wamaiza wako wichacha wikikulomba wughoma, na oho kuchawifasha-fasha.

WUKUMBUSO 34:12

hata ndekuwadie mlodi ungi ubonyere kazi mbaa reobosha seji Musa orebonyereghe Waisraeli wose wikiwona.

WUKUMBUSO 5:15

Kumbuka angu korekoghe mzumba andenyi ya isanga ja Misri, na ini BWANA Mlungu wako ngakufunya aho kwa ndighi rapo mbaa na kudima; kwa huwo niko ini BWANA Mlungu wako nawuyakulaghira kujiwadie ituku ja Sabato.

WUKUMBUSO 6:21

Kuchamtumbulia huwu, ‘Isi dedeeka wazumba wa mzuri aja Misri, na BWANA ukadifunya aho kwa wudimi m'baa.

WUKUMBUSO 7:19

Kumbukenyi agho makongo gheobosha moreghiwonieghe na meso ghenyu, weke mwakilimbiti; na mashiniko; ndighi na wusimi m'baa BWANA Mlungu onyu oremfunyireghe nagho aho. Ni huwo koni uchaawibonya awo wandu muwiobuagha.

WUKUMBUSO 9:29

Angu awo ni ifwa jako; awo korewifunyireghe kwa ndighi rako mbaa na kwa wusimi ghwako m'baa.’

JOSHUA 24:7

Hata iji wanikemia ngangira kira ghadi na ghadi yawo na Wamisri, ngaibonya bahari iwimile Wamisri na kuwifinikira; meso ghawo ghikawona seji nawibonya Wamisri; nenyo mkakaia kireti kwa ngelo ndacha.

1 PETRO 5:6

Kwa huwo mkusere aisi ya mkonu ghwa Mlungu ghuko na kudima, eri upate kumjosa kwa ngelo yaro.