WUKUMBUSO 4:1 - Biblia Ilagho Jiboie Kwa Wandu Wose

¹ Musa ukawizera wandu wa Israeli, “Msikire sharia rose nimfundishagha; mpate kukaia moyo, mngie na kujiwada ijo isanga BWANA Mlungu wa weke ndeyo umnekagha.

WUKUMBUSO 4:1 ပူးပေါင်းရင်းမြစ်များ

ZABURI 105:45

eri wandu wake widime kuriwada sharia rake, na kusikira malaghiro ghake. BWANA ndekaso!

ZABURI 119:4

BWANA kwadinekie sharia rako, kukadizera diriwadie nicha.

KUFUMA 18:20

Na oho kuchawifundisha memu ya Mlungu, na kuwimanyisha seji iwifwane wighende, na seji iwifwane wibonye.

JEREMIA 11:6

Nao BWANA ukanizera, “Ghora agha malagho ghose mizinyi ya Juda, na chienyi ra Jerusalemu kughambe; Sikirenyi malagho gha iji ilaghano, mughibonye.

EZEKIELI 11:20

eri wipate kunugha sharia rapo na kuiwadia memu yapo na kuikatisha; nawo wichakaia wandu wapo, nani nichakaia Mlungu wawo.

EZEKIELI 20:11

Ngawineka memu yapo na kuwiwonyera sharia rapo, iro mundu ukariwadia ukaiagha moyo.

EZEKIELI 20:21

“Ela hata wana wokoni wikanilegha; ndewereghendieghe kwa kunugha memu yapo, hata ndeweretalieghe kuwadia sharia rapo, iro mundu ukariwadia uchakaia moyo; sena werenonieghe Sabato rapo. Neregheshereghe ngera kumangu nawikaba kwa machu ghapo aho kireti na kuwimeria putu.

EZEKIELI 36:27

Nichangira roho yapo andenyi konyu, na kumghenja kwa kunugha sharia rapo, nenyo mchailindia na kuitala memu yapo.

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

WALAWI 18:5

Kwa huwo, mmbwadie sharia rapo na memu yapo, na kwa kubonya huwo mundu uchadua moyo, Ini ne BWANA.

WALAWI 19:19

“Kuiwadie memu yapo. Kusevarishe mfugho rako na kichuku kizima. Kusewe mbari iwi ra mbeu mbuwenyi, hata kusero nguwo ya vichuku viwi va uzi.

WALAWI 19:37

Na oho kuritale sharia rapo rose na memu yapo yose, kupate kurikatisha; Ini ne BWANA.”

WALAWI 20:8

Mmbwadie memu yapo na kunugha malaghiro gharo; Ini ne BWANA uo umueleshagha inyo.

WALAWI 22:31

“Kwa huwo, mchaiwadia memu yapo na kuibonya; Ini ne BWANA.

MATHAYO 28:20

mkiwifundisha kughiwadia agho ghose neremlaghirieghe. Nani olenyi neko andwamweri nenyo hata kukatia kwa ngelo.”

LUKA 1:6

Nawo wose werekoghe wandu wa hachi, wikighenda kwa kuiwadia Sharia na malaghiro gha Mlungu kuseko na ikosa jingi.

JOHANE 15:14

Inyo moko waghenyi wapo mkabonya agho nimlaghiragha.

WAROMA 10:5

Musa oreandikieghe kukaia, mundu uo ose ubonyagha hachi kwa chia ya kuikatisha Sharia uchakaia moyo.

WUKUMBUSO 1:3

Ituku ja imbiri ja mori ghwa ikumi na imweri, mwaka ghwa mirongo ina nyuma ya kufuma Misri, Musa ukawighoria wandu wa Israeli malagho gha sharia, sa iji koni BWANA orekoghe wamneka.

WUKUMBUSO 1:8

Iji nijo isanga jose ini BWANA nerewilaghirieghe weke ndeyo Abrahamu, Isaaka, na Jakobo na kivalwa chawo kukaia nichawineka; ghendenyi mujiwade.’”

WUKUMBUSO 11:1

“Mumkunde BWANA Mlungu onyu, na kuwadia sharia rake rose.

WUKUMBUSO 11:32

mlindie kukatisha sharia rose na malaghiro, agho nimghoriagha idime.

WUKUMBUSO 13:1

“Mlodi ungi, angu mtambushiri ndodo ukawuka aghadi konyu, nao ubonye mwakilimbiti angu alama,

WUKUMBUSO 16:20

Mnughe hachi iekeri; mpate kudua moyo na kupata ifwa ja ijo isanga BWANA Mlungu onyu umnekagha.

WUKUMBUSO 30:16

Mkasikira malaghiro gha BWANA Mlungu onyu nimlaghiragha idime, kwa kumkunda BWANA Mlungu onyu na kubonya seji ukunde, na kughiwadia malaghiro ghake na sharia rake na mafundisho ghake, mchakaia moyo na kuchurikia; na BWANA Mlungu uchamrasimia isangenyi mujingiagha mujiwuse.

WUKUMBUSO 30:19

Nawanga mlungunyi na ndoenyi rishuhudie aighu konyu idime kukaia, nameria kuwika imbiri konyu irangi na kifwa, irasimio na njowe; kwa huwo saghuonyi irangi eri inyo na kivalwa chenyu mkaie moyo.

WUKUMBUSO 30:20

Mumkunde BWANA Mlungu onyu; mumsikire na kuwadiana nao; angu kwa kubonya huwo, mchakaia na irangi, sena mchakaia na matuku mengi isangenyi ijo BWANA orewilaghirieghe weke ndeyo, Abrahamu, na Isaaka na Jakobo kukaia uchawineka.”

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

WUKUMBUSO 4:45

naro niro kanuni, na sharia, na malaghiro agho Musa orewighorieghe iji werefumieghe Misri,

WUKUMBUSO 4:8

Ni mbari iyao mbaa iko na sharia na malaghiro gha hachi sa agha namneka idime?

WUKUMBUSO 5:1

Nao Musa ukawiwanga wandu wose wa Israeli ukawizera “Sikira ee Israeli iro sharia na mafundisho nimghoriagha idime, mkufundishe sena mlindie kurikatisha.

WUKUMBUSO 5:33

Mghende seji BWANA Mlungu onyu ulaghirie, mpate kukaia moyo na kuwona nicha; matuku ghenyu ghikaie mengi andenyi ya isanga mchaajiwusa.

WUKUMBUSO 6:1

“Idana ughu nigho momu na sharia na malaghiro, agho BWANA Mlungu onyu orenilaghirieghe nimfundishe, eri mpate kughikatisha andenyi ya isanga ijo mghendagha kujiwusa.

WUKUMBUSO 6:24

Niko BWANA ukadilaghira dirikatishe sharia iri rose, dipate kumuobua BWANA Mlungu odu kwa wundu ghwa wucha ghodu ngelo rose, eri upate kudiwika moyo seji diko idime.

WUKUMBUSO 7:11

Kwa huwo mlindie kubonya na kukatisha iyo memu, na iro sharia na agho malaghiro nimlaghiragha idime.

WUKUMBUSO 8:1

“Mlindie kuisikira sharia yose namlaghira idime eri mkaie moyo na kuchurikia; mngie na kujiwada ijo isanga BWANA orewilaghirieghe weke ndeyo kukaia uchawineka.

WUKUMBUSO 8:11

“Mkulindie msemliwe BWANA Mlungu onyu kwa kuleghawadia memu yake yose nimlaghiragha idime.

WUKUMBUSO 9:1

“Sikirenyi inyo wandu wa Israeli, mcharuwuka Jordani idime, mngie na kuwusa mizi ya iro mbari riko mbaa, sena riwadie ndighi kumchumba. Mizi yawo ni mibaa, iko na mawurigha ghivikagha hata mawingunyi.

JOSHUA 3:9

Niko Joshua ukawizera wandu wa Israeli, “Choonyi aha msikire malagho ghwa BWANA Mlungu onyu.