WUKUMBUSO 32:3 - Biblia Ilagho Jiboie Kwa Wandu Wose

³ Nichajikasa irina ja BWANA, na wandu wake wichaeresha wubaa ghwake.

WUKUMBUSO 32:3 ပူးပေါင်းရင်းမြစ်များ

1 MALAGHO GHA NGELO 17:19

Ni kwa lukundo lwako kumoni kwanibonyera malagho mabaa ghing'ane huwu ini mdumiki wako ee BWANA.

1 MALAGHO GHA NGELO 29:10

Mzuri Daudi ukamkasa BWANA imbiri ya ikwanyiko jose ukighamba, “Ee BWANA Mungu wa aba odu Israeli, kukaso kwa kala na kala!

1 MALAGHO GHA NGELO 29:11

Oho koko m'baa na wa ndighi, wa wubaa kukumikie wa kiwuzuri.

1 MALAGHO GHA NGELO 29:13

Na idana dakuneka chawucha Mlungu odu, na kujikasa irina jako ibaa.

ZABURI 150:2

Mkasenyi kwa wundu ghwa mabonyo ghake gha ndighi; kasenyi wubaa ghwake ghuchumbie.

KUFUMA 20:24

Kuaghe madhabahu gha ndoe kwa wundu ghwapo, kufunye vizongona vako vekora na vizongona vako va mapatano aighu yaro, ng'ondi rako na ng'ombe rako, andu kose nichaabonya irina japo jighoro; nani nichacha na kumrasimia.

KUFUMA 33:19

BWANA ukamtumbulia, “Nichaghubonya wucha ghwapo ghose ghukirie imbiri kwako, nani nichajighora irina japo ja wueli ‘BWANA’ imbiri kwako. Nadawifuya wughoma na kuwiwonyera mvono awa niwikundagha.

KUFUMA 6:3

Neremfutukieghe Abrahamu, Isaaka, na Jakobo sa Mlungu Uwadie-Ndighi-Rose; ela kwa irina japo ‘BWANA’ serekumanyishireghe kwawo anduangi.

JEREMIA 10:6

Ndekuwadie ungi uko sa oho ee BWANA, oho koko m'baa, na irina jako ni ibaa sena jiwadie ndighi.

JEREMIA 23:6

Matuku ghake Juda uchakirwa, na Israeli uchakaia banana; nao uchawangwa kwa irina iji, ‘BWANA nuo hachi yedu.’

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

JOHANE 17:26

Nameria kukubonya kumanyike kwawo, nani nichachuria kubonya wokoni, eri ulo lukundo kunikunde nalo lukaie andenyi kwawo, nani nipate kukaia andenyi kwawo.”

JOHANE 17:6

“Nakubonyere kumanyike kwa wandu awa koreninekieghe wurumwengunyi. Werekoghe wako, kukanineka ini; nawo wamerie kujiwada ilagho jako.

WAEFESO 1:19

Na seji iro ndighi rake risepimikagha ring'ane andenyi kodu isi dirumiriagha, karakara na uko kubonya kazi kwa ndighi rake mbaa;

WUKUMBUSO 3:24

‘Ee BWANA Mlungu, kwaazoya kummbonyera mdumiki wako woruwu ugho wubaa ghwako na kudima kwako; ni mlungu uao uko mlungunyi angu ndoenyi udimagha kubonya kazi ring'ane huwu sa rako?

WUKUMBUSO 5:24

wikighamba, ‘Ola BWANA Mlungu odu wadiwonyera wubaa ghwake na ndighi rake, nesi dasikira lwaka lwake aghadi ya modo; dawona idime kukaia yadimika Mlungu ughore na mdamu sena ukaie moyo.

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.