WUKUMBUSO 26:7 - Biblia Ilagho Jiboie Kwa Wandu Wose

⁷ Niko dikamlilia BWANA, Mlungu wa weke aba, nao ukadisikira; ukawona wasi ghodu, kulemerelwa kodu, na makorongo ghedu;

WUKUMBUSO 26:7 ပူးပေါင်းရင်းမြစ်များ

KUZOYA 21:17

Mlungu ukachisikira kililo cha mwana, na malaika wa Mlungu ukammbanga Hagari kufuma mlungunyi ukighamba, “Niki chikujishagha wasi Hagari? Kusakeobua angu Mlungu wameria kusikira kililo cha mwana andu uko.

KUZOYA 29:32

Lea ukapata kifu, ukava mwana wa womi, ukammbanga irina jake Reubeni; angu oreghambieghe, “Loli BWANA waghuzighana wasi ghwapo, idana mumi wapo uchanikunda.”

2 SAMUELI 16:12

Yadimika BWANA ughuzighane wasi ghwapo, na kewada kwa kuewelwa huwu, unilipe mecha idime.”

ZABURI 119:132

Nighalukie kuniwonie wughoma, sa iji koni kuwibonyeragha awo wikukundagha.

ZABURI 31:8

hata ndekunisighie nisimo ni wamaiza wapo, kwanibonya nighende nicha.

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

KUFUMA 2:23

Nyuma ya miaka imu, uja mzuri wa Misri ukafwa, ela Waisraeli werekoghe wikisirimwa aisi ya wuzumba; wikalila wikilola wutesia. Kililo chawo chikamvikia Mlungu.

KUFUMA 2:25

Mlungu ukawiwona wandu wa Israeli, ukaghumanya wasi ghwawo.

KUFUMA 3:9

Na idana, ola kililo cha wandu wa Israeli chamerie kunivikia, nani namerie kuwona seji Wamisri wiwikorongagha.

KUFUMA 4:31

Wandu wikarumiria; nawo iji wasikira wei BWANA wawichea wandu wa Israeli na angu wamerie kuwona seji wawuyakorongwa, wikaghoghomesha vongo vawo na kutasa.

KUFUMA 6:5

Sena aighu ya agho, namerie kusikira kusirimika kwa wandu wa Israeli; awo wawuyawikwa wuzumbenyi ni Wamisri, nani najikumbuka ilaghano japo.

JEREMIA 33:2

BWANA uo uumbie ndoenyi na kuimangisha, irina jake uwangwaghwa BWANA, waghamba,

1 SAMUELI 9:16

“Kesho ngelo sa icheni ihi, nichamduma mndumu kufuma isanga ja Benjamini, na oho kuchamshinga mavuda ukaie mzuri aighu ya wandu wapo Israeli. Uchawikira wandu wapo wisekabo ni Wafilisti; kwa kukaia namerie kuwona makorongo ghawo, na kililo chawo chamerie kunivikia.”