WUKUMBUSO 26:2 - Biblia Ilagho Jiboie Kwa Wandu Wose

² kula umu onyu uwade mavalo ghamu gha imbiri gha ndoe gha kula kichuku agho mkuwidagha andenyi ya ijo isanga mnekwagha ni BWANA Mlungu onyu; mughikumbe kikapunyi, na kughighenja andu BWANA Mlungu onyu uchaakusaghua kukaie komtasira.

WUKUMBUSO 26:2 ပူးပေါင်းရင်းမြစ်များ

2 WAZURI 4:42

Ngelo imu, mndumu ukacha kufuma Baal-shalisha; ukamredia Elisha mikate mirongo iwi ya shairi kufuma kwa mavalo ghake gha imbiri, andwamweri na vanga viwishi va viro mfukonyi kwake. Elisha ukaghamba, “Neka wandu wije.”

2 MALAGHO GHA NGELO 31:5

Momu ugho ghuendaereshwa woruwu, wandu wa Israeli wikafunya mavalo ghawo gha imbiri gha viro kwa wungi: divei, mavuda, wuki, na mavalo ghose gha mbuwenyi; wikareda ifungu ja ikumi ja kula kilambo kwa wungi.

2 MALAGHO GHA NGELO 6:6

Ela namerie kusaghua Jerusalemu eri Irina japo jikaieghe aho, na Daudi ukaie aighu ya wandu wapo Israeli.’

NEHEMIA 12:44

Ngelo iyo, wandu werewikiloghe wikaie wazighaniri wa stoo; andu mafunyo kwa wundu ghwa Hekalu gherewikwagha, chiaimweri na ifungu ja ikumi, na mavalo gha imbiri gha viro na matunda ghiwurue gha kula mwaka. Wandu awo niwo werewikiloghe wewada vilambo kufuma mbuwenyi riko kaavui na mizi kwa wundu ghwa wakohani na Walawi sa iji sharia ighoragha. Wandu wose wa Juda wereboiloghe ni wakohani na Walawi,

NEHEMIA 13:31

Ngaboisa mipango ereda mafunyo gha mbande kwa ngelo yaro na mafunyo gha matunda gha imbiri. Kunikumbuke na kunibonyera mecha ee Mlungu wapo.

KUFUMA 20:24

Kuaghe madhabahu gha ndoe kwa wundu ghwapo, kufunye vizongona vako vekora na vizongona vako va mapatano aighu yaro, ng'ondi rako na ng'ombe rako, andu kose nichaabonya irina japo jighoro; nani nichacha na kumrasimia.

KUFUMA 22:29

“Kusakemuka kureda mafunyo gha makuwido ghako agheni mecha gha imbiri iji ghakaia tayari. Mchanineka wavalwa wenyu wa imbiri wa womi.

KUFUMA 23:16

“Iji kwakuwida viro va mavalo ghako gha imbiri, kubonye Ndima ya Makuwido. Mori ghotumbanya viro kutua kwa mwaka, kubonye Ndima ya Viwanda; iji kwakuwida matunda gha zabibu, na matunda mazima.

KUFUMA 23:19

“Kula mwaka, kurede nyumbenyi kwa BWANA Mlungu wako, mavalo gha imbiri gha makuwido ghako. “Kusedoghose ndaghina ya mburi andenyi ya mariwa gha mae.

KUFUMA 34:26

Kurede mavalo gha imbiri gha mbuwenyi kwako nyumbenyi kwa BWANA Mlungu wako. Kusedoghosanye ndaghina na mariwa gha mae.”

JEREMIA 2:3

Israeli orekoghe wapo, mavalo gha imbiri gha makuwido ghapo; Wose werekukorongieghe nerewitalieghe kukaia wakosi, mawiwi ghikawichea.”

EZEKIELI 20:40

Inyo wandu wose wa Israeli, muchanitasa ini aighu ya mghondi ghwa wueli, ugho mghondi ghwapo mlacha ghwa Israeli, ini Bwana MLUNGU naghamba; nenyo mmbose mchanidumikia isangenyi, na aho nichamrumiria na kukaia tayari kuwusa manosi na mafunyo ghenyu gha wueli msaghue kunineka.

EZEKIELI 44:30

Mavalo gha imbiri gha makuwido ghose gha mbari rose, na mafunyo gha mbari rose gha mafunyo ghako ghichawuya gha wakohani; na vindo vako va imbiri kwavideka, kuchamneka mkohani; eri marasimio ghiduo nyumbenyi kwako.

EZEKIELI 48:14

Ndewichaajiuza angu kujibadilisha hata kuwineka wandu wazima; ni isanga jiboie kuchumba, angu ni ja wueli, jisaghulo kwa wundu ghwa BWANA.

WALAWI 2:12

Mafunyo gha mavalo gha imbiri gha viro va kula mwaka, ghicharedwa kwa BWANA; ela ndeghichaakorwa aighu ya madhabahu kukaia marumba mecha.

WALAWI 2:14

Iji kwakafunya mavalo gha imbiri gha viro kwa BWANA, kuchafunya kizongona cha mavalo gha imbiri gha viro vako viwishi vichanilo nyuma ya kuochwa kwa modo.

WAROMA 11:16

Ikakaia idonge ja mufu ghwa mkate jifunyiro kizongona sa mavalo gha imbiri jaelie, huwo koni mufu ghose ghooela; na ikakaia kirimba cha mudi chaelie, mbashu wori raelie.

WAROMA 16:5

Mujiroghuo wori ijo ikanisa jiko nyumbenyi kwawo. Mroghuonyi mkundwa wapo Epaineto, uo orekoghe wa imbiri kumghalukia Kristo isanga ja Asia.

WAROMA 8:23

na si ivo vilambo viekeri anduangi, ela hata isi wori diko na mavalo gha imbiri gha uo Roho, dasoria ngolo andenyi kodu, dikiwesera kuja kubonywa kukaia wana wa Mlungu, nako niko kuja kukombolwa kwa mimbi yedu.

1 WAKORINTHO 15:20

Ela kwa loli Kristo warukishiro kufuma kwa wafu, mavalo gha imbiri gha awo wimerie kufwa.

1 WAKORINTHO 15:23

ela kula mundu kwa izughe jake: Kristo ni wa imbiri, konyuma awo wiko wake wicharuka ituku ja kucha kwake.

1 WAKORINTHO 16:2

Kula Ituku ja Njumwa, kula umu onyu ukuwikie kilambo chimu na kuchitumbanya seji koni wapata; eri msechewuyachanga ingelo nacha.

WUKUMBUSO 16:10

Nao m'bonye Ndima ya Makuwido kwa wundu ghwa BWANA Mlungu onyu; mumredie mafunyo ghenyu kwa ngolo, kunughana na seji BWANA Mlungu onyu umrasimie.

WUKUMBUSO 18:4

Wokoni wichapata mavalo gha imbiri gha viro venyu, na divei, na mavuda, na mafuri gha imbiri ghidumbulwagha gha chagha cha ng'ondi renyu.

WUKUMBUSO 26:1

“Iji mwavika isanga mnekwagha ni BWANA Mlungu onyu jikaie ifwa jenyu na kukaia andenyi yaro,

WUKUMBUSO 26:3

Na oho kuchaghenda kwa mkohani uko kazinyi ngelo iyo kumzere, ‘Naghora imbiri ya BWANA Mlungu wako idime kukaia, nameria kucha isangenyi ijo BWANA orewighemieghe weke aba kukaia uchadineka.’

JAKOBO 1:18

Kwa kukunda kwake moni, oredivaeghe kwa ilagho ja loli, dipate kukaia mavalo gha imbiri gha maumbo ghake.

JOSHUA 18:1

Hata iji wameria kusima isangenyi, izungu jose ja wandu wa Israeli jikakwanyika Shilo na kuidunga iyo Hema Ekwania.

WUFUNUO 14:4

awa niwo wiserekulushireghe weni kwa waka, ni wandu wielie. Awa niwo wimnughagha uo Mwana wa Ng'ondi andu kose ughendagha, nawo wamerie kukombolwa kufuma kwa wadamu, wikaie mavalo gha imbiri kwa Mlungu na kwa Mwana wa Ng'ondi;