WUKUMBUSO 2:30 - Biblia Ilagho Jiboie Kwa Wandu Wose

³⁰ “Ela Sihoni mzuri wa Heshboni, ukadileghia diseide kaavui na isanga jake, angu BWANA Mlungu onyu oreikurishireghe ngolo yake, ukang'eta; eri upate kudibonya dimsime seji iko idime.

WUKUMBUSO 2:30 ပူးပေါင်းရင်းမြစ်များ

MITALO 21:23

Ela Sihoni ukawighiria wandu wa Israeli wiseide isangenyi kwake. Ukakwanya wandu wake wose, ukafuma kwendalwa na Waisraeli kireti; ukacha aja Jahazi, ukalwa nawo.

KUFUMA 4:21

Nao BWANA ukamzera Musa, “Iji kwawuya Misri, kubonye awo weke mwakilimbiti wose nikunekie ndighi rewibonya imbiri ya Mzuri; ela nichaikurisha ngolo yake, nao ndechaawisigha awo wandu wighende.

KUFUMA 11:10

Musa na Haruni wikabonya agho mashiniko ghose imbiri ya Farao; ela BWANA ukaikurisha ngolo ya Farao, hata nderewisighieghe wandu wa Israeli wifume isangenyi kwake anduangi.

ISAYA 48:4

Ini nakuichi kwaghilikie, na singo yako yakurie sa chuma, na wushu ghwako sa shaba;

WATANYI 11:20

Ela Sihoni nderekoghe na irumirio na Waisraeli wiidie isangenyi kwake, kwa huwo Sihoni ukawikwanya wandu wake wose, na kubonya kambi aja Jahazi; ukalwa na Waisraeli.

WUKUMBUSO 2:31

BWANA ukanizera, ‘Olenyi namfunyira Sihoni na isanga jake mumsime, idana zoenyi kujiwusa mpate kujikaia.’

1 WAZURI 12:15

Ugho ghodeeka ni mpango ghwa Mlungu, eri malagho oremghorieghe Jeroboamu mwana wa Nebati kwa momu ghwa mlodi Ahija Mshiloni ghipate kukatia; niko Rehoboamu useredimieghe kuinugha ija njama ya waghosi.

KILILO CHA JEREMIA 3:65

Kuwiwasire njowe na kuwibonya wifo ngolo.

KUFUMA 7:14

Niko BWANA ukamzera Musa, “Farao waikurisha ngolo yake, nao waawuyalegha kuwisigha awo wandu wighende.

MITALO 21:33

Niko wikaghaluka, wikajokeria na chia eghenda Bashani; na Ogu mzuri wa Bashani ukafuma na wandu wake wose, wilo na wandu wa Israeli aja Edrei.

MITALO 21:34

BWANA ukamzera Musa, “Kusakemuobua; angu nameria kukuneka wusimi aighu yake na wandu wake na isanga jake jose; na oho kucham'bonya seji koni korem'bonyereghe Sihoni mzuri wa Waamori uo orekoghe Heshboni.”

2 MALAGHO GHA NGELO 10:15

Kwa huwo, mzuri ndecheesikira wandu, angu ni maza reredeloghe ni Mlungu, eri BWANA upate kukatisha ilagho jake ijo oremghorieghe Jeroboamu mwana wa Nebati ukitumia Ahija wa Shilo.